Biuwɔŋndo
Baa buɛiyaa Chɛhowaa nɔ pa ma biuŋ?
Le yɛɛ naŋ nɔ yɛ miŋ wa kɔl maa waŋnda apum nɔ niŋ iyeema o yooŋgu kɛndɔɔ niŋ te, nduyɛ maa a cho ndu simul?
Mat 10:22; Chŋ 15:18, 19; 2Kɔ 6:4, 5
-
Tamaseliilaŋ o Baabuiyo niŋ la mala naa laŋ:
-
2Pi 2:5; Chɛ 7:23; Mat 24:37-39—Mi che bɛɛ wana ndoo ‘dimi yooŋgoo a nyɛ cho sakpo wo okɔɔ’ Nuuwa wa ni, wanaa bɔɔbɔɔ yeŋ ndu lani le. Lelaŋ, ndu nda yuŋgu ndɔɔ kinɛi sɔla chindaa o Mɛŋma Koŋgi Bɛnduaŋ niŋ ni
-
2Ti 3:10-14—Mi kiilanɔɔ Pɔɔl soliŋ tamasi ndɔɔ kpeku a mɛɛ ndoo biunuŋ yɛ okɔɔ le Timoti kɔllo dɛɛniaa le mi ndu bɛɛ biunuŋ
-
Te yuŋgu naa tusi naa pɛ nyɛpalaa choo, le yɛɛ kɔndɔfili nɔ mbo bii naa le?
Mat 10:22, 36-38; Lu 21:16-19
-
Tamaseliilaŋ o Baabuiyo niŋ la mala naa laŋ:
-
Chɛ 4:3-11; 1Chŋ 3:11, 12—Mi Keŋ dii pɔmbɔ ndɔ Ebɛl le mɛɛ ndoo sandu mbo hiau ndu yɛ
-
Chɛ 37:5-8, 18-28—Mi bɛnduaa Choosɛ wa pisi ndu le mɛɛ ndoo tɛɛsial nda lɔma sɔlaama Chɛhowa ndoo chɔm ndu waŋ yɛ
-
Te a wa naa pɛ nyɛpalaa tusioo choo, le yɛɛ naŋ nɔ yɛ miŋ wo le piɔmndo sɔlaa le?
Tofa vɛlɛ Sɔɔ 2:10
-
Tamaseliilaŋ o Baabuiyo niŋ la mala naa laŋ:
-
Daa 3:1-6, 13-18—Mi Siɛdula, Mɛsiaki a Abɛniko hɛli le ma sɔla piɔmndo mbo hiau piɔm ŋkooliiyo piɛiyo
-
Wal 5:27-29, 33, 40-42—Mi che bɛɛ ma kɔŋgɔliaŋ kiilaa le nda diuwo, kɛ ma biunuŋ, okoŋ ma hiau lachi a yooŋgu kɛndɔɔ dimioo
-
Yɛɛ cho yɛ naa mala miŋ chɔm lo lechoo wo o Chɛhowa lo o yɔŋ bɛɛ ma sila naa?
-
Tamaseliilaŋ o Baabuiyo niŋ la mala naa laŋ:
-
Nɔ 20:9-12; Di 3:23-28; 31:7, 8—Mi Muuse tambu kɔllo tau mɛɛ Chɛhowa sila ndu. Kɛ mbo hiau lachi a biuwɔŋndo haaa a yoomu ndɔɔ mɛɛlulaŋ
-
2Ma 20:12-18; 2Ko 32:24-26—Mi Chɛhowa sila Masaa Hɛsikaya mɛɛ o tosa hakioo. Kɛ mbo tusiŋ, nduyɛ mbo hiau lachi a biuwɔŋndo
-
Te acheleŋnda kɛɛ pɛ le lo lechoo wo chɔmndo, vɛɛ keŋ luei yɛ biuwɔŋ naa o tofaa bɛŋgu?
Chɛlui 1:16-19; Hab 1:2-4
-
Tamaseliilaŋ o Baabuiyo niŋ la mala naa laŋ:
-
Sam 73:2-24—Mi wana soliaa ŋchondoo cha maa wanaa dɛnɛ wɔɔŋnda cho a kɔl nyulu nduyɛ ma wa batiuwaa sɔlaa. Le hei, mbo yiyaŋ maa i cho suɛi sɔvɛ le mbo hiou lachi a biuwɔŋndo o wali Chɛhowaa niŋ te
-
Chŋ 6:60-62, 66-68—Mi che bɛɛ mi wanaa bɔɔbɔɔ faŋaŋ Chiisu kɔɔli, kɛ mi kiilanɔɔ Pitɛ hiau lachi a biuwɔŋndo
-
Yɛɛ mala yɛ naa le miŋ biunuŋ?
Lo Chɛhowa o ibuŋ
Pɛɛku Diom Mɛlɛkaa nduyɛ ma yiyaŋ lechoo yiŋgoloŋ le Chɛhowa sinaa nyɛkɛndɛi
Iki 7:12; Luo 15:4; Kol 1:10, 11; 2Pi 3:15-18
Piɛi lɔɔlɔɔ o Chɛhowa lo a kɔllo kpou
-
Tamaseliilaŋ o Baabuiyo niŋ la mala naa laŋ:
-
Daa 6:4-11—Mi che bɛɛ mi waŋnda kɔŋgɔlaŋ Daaniɛɛ le ndu nyɛpalaa tusioo choo, kɛ lepaa o lepaa mi ndoo piɛi kpendekele
-
Mat 26:36-46; Hib 5:7—O nyumma ndɔma mɛɛlaŋ choo tuupa mbo hel o choo choo niŋ, mi Chiisu piɛi tau, nduyɛ mbo dɛɛniaa acheleŋnda le ma tosa nyɛpilɛ koŋ
-
Chuuŋgiaŋ lɔɔlɔɔ diompilɛ a chaaŋaa numaa laalaŋnda le Chɛhowa piɛiyo
Handu kɔllo o buŋgaŋ Chɛhowa chuel naa le chilaŋ ndoŋ choo
Kindi kaala ŋ nɔ le Chɛhowa, puaapiliaa a ndepiliaa numnda, a le sakpoyɛi yo
Kindi tiindaŋ numndo
Nɔ yiyaŋ kɛndɔɔ a sɔɔŋ palaŋ okɔɔ
Ɔɔ tɔnɔlaŋ latiŋ la naŋ sɔla laŋ te ŋ hiou pɛ lachi a biuwɔŋndo?
Miŋ chuu Chɛhowa Mɛlɛka saŋgalaa
Pulɔ 27:11; Chŋ 15:7, 8; 1Pi 1:6, 7
-
Tamaseliilaŋ o Baabuiyo niŋ la mala naa laŋ:
-
Choobu 1:6-12; 2:3-5—Mi Setana dimi choolaŋ maa mɛɛ mi Chɛhowa dɔu waŋnda sala malaŋ nda piɛi ndu. Kɛ mi biuwɔŋ Choobu wo, vɛlɛ a lo lechoo ndɔɔ chɔm kpendekele maa wana lachoowaa Setana cho ni
-
Luo 5:19; 1Pi 1:20, 21—Mi Chiisu biunuŋ nduyɛ mbo lo o laalaŋ ndɔɔ choo. Lelaŋ mi keŋ chɔm kpendekele maa wana nɔ haki le wo nɔla mbo sɔla batiuwaa Adam kɛɛ le sɔlaa wo. Nduyɛ, mbo lo o pimbi ndɔ simiaa choo o tɔɔndaŋ kala kalaa bɛŋgu
-
Miŋ dɛɛniaa acheleŋnda le ma biunuŋ
Miŋ sɔla fulamakɔɔlila kɛndɛlaŋ o yooŋgu kɛndɔɔ dimioo niŋ te ŋ biunuŋ pɛ
Iki 11:6; Lu 8:15; 2Pi 1:5-8
Mi Chɛhowa naŋ kɔl a naa tau, nduyɛ miŋ huŋ sɔla fanda o chua buŋgɛi le naa kioo o chilaŋ niŋndo
Mat 24:13; Lu 21:19; 1Kɔ 15:58; Hib 10:36
Tofa vɛlɛ Luo 2:6, 7; Che 1:12
Naapum a Yeema Dɔɔ Vɛlɛ
A NAA OKƆƆ
Nyuna le Pɛɛku Baabuiyo
La suukaŋ a nyunaa okɔɔ fulaa o Baabuiyo niŋ, ɔɔ chɔɔlu pɛɛku a Seiyaa Chɛhowaa okɔɔ.
