Kupirira
Kodi atumiki a Yahova asafunika kupirira?
Tisadziwa tani kuti anthu anango anadzakhonda kutibvesera peno anadzatitcinga tingaamwazira mphangwa?
Mat 10:22; Ju 15:18, 19; 2Ak 6:4, 5
-
Pitsandzo pya m’Bhibhlya pyakuti pinatiphedza:
-
2Pe 2:5; Gen 7:23; Mat 24:37-39—Maseze Nowa “akhamwaza mphangwa za ulungami,” azinji nee ambvesera, basi ene iye na banja yace ndiwo adapulumuka pa Madzi Makulu.
-
2Ti 3:10-14—Mpostolo Paulu aphatisira citsandzo cace cakukhala wakupirira toera kuphedza Timoti kuti akhalembo wakupirira.
-
Thangwi yanji tinakwanisa kudikhira kutcingwa ngakhale na acibale athu?
Mat 10:22, 36-38; Luk 21:16-19
-
Pitsandzo pya m’Bhibhlya pyakuti pinatiphedza:
-
Gen 4:3-11; 1Ju 3:11, 12—Kaini apha m’bale wace Abheli thangwi mabasace akhali akuipa, mbwenye a m’bale wace akhali akulungama.
-
Gen 37:5-8, 18-28—Zuze pidapanga iye abale ace kuti Yahova amulotesa ndoto yakufunika, iwo amponya mu ncera, pontho an’gulisa ninga bitcu.
-
Tingatcingwa, thangwi yanji nee tisafunika kugopa kufa?
Pontho onani Apo 2:10.
-
Pitsandzo pya m’Bhibhlya pyakuti pinatiphedza:
-
Dha 3:1-6, 13-18—Sadhrake, Mezaki na Abhedhinego akhonda kugodama toera kulambira dzimunthu, maseze mambo akhadaapanga kuti angakhonda kucita pyenepi anaphiwa.
-
Mab 5:27-29, 33, 40-42—Maseze akhathuswa kuti anaphiwa, apostolo apirira m’basa yakumwaza mphangwa.
-
Ninji pinafuna kutiphedza toera tipitirize kukhala akukhulupirika kuna Yahova maseze tisandikwe?
-
Pitsandzo pya m’Bhibhlya pyakuti pinatiphedza:
-
Num 20:9-12; Dhe 3:23-28; 31:7, 8—Mprofeta Mose atsukwala pidasandikwa iye na Yahova, ngakhale tenepo iye akhali wakukhulupirika mpaka kunkhomo.
-
2Am 20:12-18; 2Kr 32:24-26—Pidadawa Mambo Ezekiya, mprofeta wa Yahova ansandika, mambo atawira kulangwa mbapitiriza kutumikira Yahova mwakukhulupirika.
-
Thangwi yanji pisakhala pyakunentsa kupirira anango angasiya kutumikira Yahova?
-
Pitsandzo pya m’Bhibhlya pyakuti pinatiphedza:
-
Mas 73:2-24—Pidaona nyamasalmo ntendere wa anthu akuipa na kuthambaruka kwawo, iye abvundzika khala ndi pyadidi kupitiriza kutumikira Yahova.
-
Ju 6:60-62, 66-68—Maseze azinji akhadasiya kutowerera Yezu, mbwenye mpostolo Pedhru apitiriza kuntowera.
-
Ninji pinafuna kutiphedza toera kupitiriza kukhala akupirira?
Kupitiriza kukhala kukhundu ya Yahova
Kuleri Bhibhlya na kunyerezera mwadidi pina leri ife
Kucita maphembero akubulukira muntima ndzidzi onsene
-
Pitsandzo pya m’Bhibhlya pyakuti pinatiphedza:
-
Dha 6:4-11—Mprofeta Dhanyeli apitiriza kucita phembero kuna Yahova, maseze kucita pyenepi kukhaikha umaso wace pangozwi.
-
Mat 26:36-46; Ahe 5:7—Namasiku akumalisa Yezu mbadzati kufa, iye acita phembero na ntima onsene mbapanga anango toera acitembo pibodzi pyene.
-
Kulambira Yahova mwakukhonda phonya pabodzi na abale na alongo athu pa misonkhano
Kunyerezera mapikiro a Yahova thangwi ya ntsogolo
Kuwangisa uxamwali wathu na Yahova, na abale na alongo athu na kufuna kucita pinthu pyadidi
Kuwangisa cikhulupiro cathu
Kukhala na maonero adidi thangwi ya nyatwa
Ndi nkhombo zipi zinakhala na ife tingapirira mwakukhulupirika?
Tisapasa mbiri Yahova Mulungu
Mis 27:11; Ju 15:7, 8; 1Pe 1:6, 7
-
Pitsandzo pya m’Bhibhlya pyakuti pinatiphedza:
-
Yob 1:6-12; 2:3-5—Sathani apambizira Yahova kuti asapasa anthu nkhombo toera antumikire. Kupirira kwa Yobe kwapangiza kuti Sathani ndi nyauthambi.
-
Aro 5:19; 1Pe 1:20, 21—Mwakusiyana na Adamu wakuti nee abvera Mulungu, Yezu apirira mwakukhulupirika mpaka kufa kwace, mbatawira mbvundzo wakuti: Kodi munthu waungwiro anakwanisa kukhala wakukhulupirika kuna Yahova angayeserwa kakamwe?
-
Tisaphedza anango toera kupirira
Kupirira kusatiphedza toera kucita mwadidi utumiki wathu
Tinakhala akutawirika kuna Yahova mbatitambira nkhombo zidapikira iye
Mat 24:13; Luk 21:19; 1Ak 15:58; Ahe 10:36
Pontho onani Aro 2:6, 7; Tiy 1:12.
Panango Munakomerwa Kudziwa Ipi
TOWEZERANI CIKHULUPIRO CAWO
Nowa ‘Afamba Na Mulungu Wandimomwene’
Kodi Nowa na nkazace athimbana na pinentso pipi mukhakuza iwo anawo? Kodi apangiza tani cikhulupiro mukhamanga iwo bote?
NCENJEZI (WA PFUNDZIRO)
Ndiri Mu Ntendere Na Mulungu Na Mai Wanga
Pidasiya Michiyo Kumagai kulambira makolo ace, mai wace akhadakhazikisa ntemo. Kodi Michiyo akwanisa tani kukhazikisa ntendere?
PYA IFE
Phembani Toera Mucedzerwe
Cedzani pinalonga Bhibhlya, peno pfundzani pizinji thangwi ya Mboni za Yahova.
