Siyeyedzo nya Bhibhiliya si na gu phasago:

• 2Pe 2:5; Ge 7:23; Mt 24:37-39 — Ambari olu Nowa a nga ba a ri “mutshumayeli nyo lulame,” vathu nya vangi va bombide gu mu engisa, khu kharato gu vbuluga uye ni ndranga yaye basi

• 2Tm 3:10-14 — Pawulo embede Thimoti gu khuye uye timisede sigaradzo nya singi khu tepo nyo laphe, nigu a mu kutside gu anuye a gira isoso

Siyeyedzo nya Bhibhiliya si na gu phasago:

• Ge 4:3-11; 1Jo 3:11, 12 — Khu kotani nya olu Kayimi a nga ba a vivbedwe khu monyo, a di songa ndriyaye Abheli muthu nyo tumbege

• Ge 37:5-8, 18-28 — Tepo Josefa a nga bhuleya vandriyaye khu loro a nga manega nawo wutago khiyo ga Jehovha, avo va di mu dzudzuga phalani va bwe va mu rengisa kha nga gumbi

Siyeyedzo nya Bhibhiliya si na gu phasago:

• Dhan 3:1-6, 13-18 — Sadraki, Misaki ni Abhedhi-Negho va bombide gu khozeya gifaniso, ambari olu pfhumu yi nga va thurugiseya gu khiyo yi na va songa

• Mth 5:27-29, 33, 40-42 — Ambari olu vapostoli va nga ba va wugedwa ni gu vbwetwa gu songwa va simamide gu tshumayela

Siyeyedzo nya Bhibhiliya si na gu phasago:

• Mit 20:9-12; Dhet 3:23-28; 31:7, 8 — Tepo muprofeti Mosi a nga kawukwa khu Jehovha a khunguvanyegide. Ambari ulolo tumbegide ni gutimiseya kala mahegiso

• 2Dzf 20:12-18; 2Dzik 32:24-26 — Tepo pfhumu Ezekhiya a nga gira gighoho a kawukidwe khu muprofeti wa Jehovha, nigu uye a dzumede gukawukwa gogo a bwe a simama gu thumeya Jehovha khu gu tumbega

 Siyeyedzo nya Bhibhiliya si na gu phasago:

• Ndz 73:2-24 — Tepo muembi nya dzindzimo a nga wona gu khuye ava va nga ba gira silo nyo vivbe va di ri ni gurula nigu va di gu dugeleya, a di dzi wudzisa gu khuye ina si na ni lisima gu simama gu thumeya Jehovha

• Joh 6:60-62, 66-68 — Mupostoli Pedro a di dzi emisede gu timiseya ambari olu nya vangi va nga ba va emide gu landreya Jesu

Siyeyedzo nya Bhibhiliya si na gu phasago:

• Dhan 6:4-11 — Muprofeti Dhaniyeli simamide gu gombeya ambari olu isoso si nga ba si vega womi waye mhangoni

• Mt 26:36-46; Heb 5:7 — Jesu ga wutshigu waye nyo hegise na si songwi, a gombede ngudzu a bwe a kutsa vambe gu gombeya navo

 Siyeyedzo nya Bhibhiliya si na gu phasago:

• Job 1:6-12; 2:3-5 — Sathane singedzide Jehovha gu khuye a gu kategisa vathu gasi va Mu engisa. Joba a timisede gasi gu yeyedza gu khuye esi Sathane a nga ganeya malipha

• Ro 5:19; 1Pe 1:20, 21 — Gu hambana ni Adhamu a nga mba engisa, Jesu simamide gu timiseya kala a ngafa. Khu ndziya yoyo, a lhamude giwudziso nya gu khigyo: ina muthu nya mba vbeleya a nga si kodza gu tumbega ga Jehovha a gu ba a tshangana ni sigaradzo?