Kuchelkujtik
¿Wan maʼ skʼana oj kuchyujile ja yaʼtijumik ja Jyoba?
¿Jas yuj mi cham xkabʼtik yajni jujuntik mi skisawe ma mi lek xyilawe ja rason wa xwaj choltiki?
Mt 10:22; Jn 15:18, 19; 2Co 6:4, 5
-
Sjejelik wa xbʼobʼ skoltayotik:
-
2Pe 2:5; Gé 7:23; Mt 24:37-39. Ama ja Noé wajni «jun choluman ja bʼa jas toji», tʼusan mi spetsaniluk ja kristyano mini skisawe, sok kechani yeʼn sok ja spamilya kanye sakʼan ja bʼa niwan Bʼutʼ Jaʼi.
-
2Ti 3:10-14. Ja jekabʼanum Pablo stsatsankʼujolan ja Timoteo bʼa oj kuchyuj jastal ja yeʼni.
-
¿Jas yuj mi cham oj kabʼtik ta ja jpamilyatik mi lek xyilawe ja skʼuʼajel kiʼojtiki?
Mt 10:22, 36-38; Lu 21:16-19
-
Sjejelik wa xbʼobʼ skoltayotik:
-
Gé 4:3-11; 1Jn 3:11, 12. Yuja jel malo ja Caín, smila ja yermano Abel bʼa kʼotel jun winik toj.
-
Gé 37:5-8, 18-28. Ja yermanoʼik ja José sjipawe koʼ bʼa jun poso sok xchonowe jastal moso, yujni xcholunej yabʼye jun wayichal ti jakel bʼa Jyoba.
-
Yajni wa x-iji jpatiktiki, ¿jas yuj mi la xiwtik ama la miljitik?
Cha kʼela ja Ap 2:10.
-
Sjejelik wa xbʼobʼ skoltayotik:
-
Da 3:1-6, 13-18. Ja Sadrac, Mesac sok ja Abednego mini skʼanawe oj stoye jun kʼulubʼal dyos ama kʼuljiye amenasar ke oj miljuke yuja reyi.
-
Hch 5:27-29, 33, 40-42. Ja jekabʼanumiki mini yawekan xcholjel ama aljiyabʼye ke oj miljuke ta mi xyawekan skʼulajeli.
-
¿Jasa oj skoltayotik bʼa mi oj katikan ajyel toj soka Jyoba ama la tojitik?
Pr 3:11, 12; Heb 12:5-7
-
Sjejelik wa xbʼobʼ skoltayotik:
-
Nú 20:9-12; Dt 3:23-28; 31:7, 8. Ama ja Moisés tristeʼaxi yajni toji yuja Jyoba, pe mini yaʼakan yaʼteltajel toj lek sok kuchniyuj man chami.
-
2Re 20:12-18; 2Cr 32:24-26. Yajni ja yaluman ja Jyoba stojo ja rey Ezequías yuja jas mi lek skʼulani, ja yeʼn skisa ja tojelali sok mi yaʼakan yaʼteltajel ja Jyoba.
-
¿Jas yuj wokolni oj kuchkujtik yajni ja tuk wa xyawekan yaʼteltajel ja Jyoba?
Jer 1:16-19; Hab 1:2-4
-
Sjejelik wa xbʼobʼ skoltayotik:
-
Sl 73:2-24. Yajni ja salmista yila ke ja matik malo jel lek wan wajelyujile sok laman aye, sjobʼo sbʼaj ta wantoni xmakuni oj snochyi yaʼteltajel ja Jyoba.
-
Jn 6:60-62, 66-68. Ama jitsan sjipawekan ja Jesús, ja jekabʼanum Pedro kuchyuj sok mini sjipakan stsʼakatal yuja skʼuʼajel ajyiyuji.
-
¿Jasa oj skoltayotik bʼa kuchelkujtik?
Ajyel mojan soka Jyoba
Dt 30:19, 20; Ro 15:5, 6; 1Co 10:13
Spaklajel sok spensarajel ja Yabʼal ja Dyos bʼa oj ajyukujtik mas snajel
Ec 7:12; Ro 15:4; Col 1:10, 11; 2Pe 3:15-18
Yajelyi orasyon tikʼan ja Jyoba sok spetsanil jkʼujoltik
-
Sjejelik wa xbʼobʼ skoltayotik:
-
Da 6:4-11. Ja aluman Daniel mini yaʼakan yajelyi orasyon tikʼan ja Dyosi sok mini snakʼa sbʼaj ama xiwela sbʼaj ajyi ja sakʼanili.
-
Mt 26:36-46; Heb 5:7. Ja akwal bʼajtanto oj chamuki, ja Jesús mini yaʼakan yajelyi orasyon ja Jyoba sok jachni skʼanayile ja tuk ke oj skʼuluke.
-
Wajel tolabida ja bʼa reunionik bʼa stoyjel lajan ja Jyoba
Wajel jkʼujoltik ja bʼa kʼapjelalik wa xyakitik ja Jyoba
Yajel tsatsbʼuk ja yajtanel kiʼojtik bʼa Jyoba, ja bʼa jastik toj wa skʼulani sok ja bʼa kermanotiki
Yajel tsatsbʼuk ja skʼuʼajel kiʼojtiki
Yiljel bʼa jun modo stojol ja jwokoltiki
¿Jasa wa xlajxikujtik yajni wa xkuchkujtik lek ja pruebaʼiki?
Wa xkatikyi stoyjel ja Jyoba
Pr 27:11; Jn 15:7, 8; 1Pe 1:6, 7
-
Sjejelik wa xbʼobʼ skoltayotik:
-
Job 1:6-12; 2:3-5. Ja Satanás yala ke ja kristyanoʼiki kechantani wa xyaʼteltaye ja Jyoba bʼa oj talnajuke, pe ja Job kuchyuj, sok jachuk xchiktes ke mi meranuk ja jas yala ja Satanás.
-
Ro 5:19; 1Pe 1:20, 21. Ja stukil soka Adán, bʼa skʼokoyi ja yabʼal ja Dyosi, ja Jesús kuchniyuj toj lek man chami; jachuk xchiktes ke june maʼ mey yiʼoj mulal ojni bʼobʼ ajyukotik toj ja bʼa ekʼeleʼik jel wokoli.
-
Wa xkoltaytik ja tuk bʼa oj cha kuchyujile
Ojni bʼobʼ wajkujtik lek ja bʼa xcholjeli
Ec 11:6; Lu 8:15; 2Pe 1:5-8
Wa xkatik gustoʼaxuk ja Jyoba sok jaxa yeʼn wa xya koʼ jlekilaltik
Mt 24:13; Lu 21:19; 1Co 15:58; Heb 10:36
Cha kʼela ja Ro 2:6, 7; Snt 1:12.
Bʼobʼta cha ojni akʼul gusto
SBʼAJA KEʼNTIKONI
Kʼana maʼ oj yulataya
Naʼa ja sjakʼjel bʼa jun sjobʼjel bʼa Biblia ma naʼa sbʼaj mas ja testigoʼik bʼa Jyoba.
