Tsumbo dzi re Bivhilini dzine dza nga ni thusa:

• 2Pe 2:5; Gen 7:23; Mat 24:37-39—Vhathu a vho ngo thetshelesa Noaxe musi a tshi huwelela khavho. Ho ponyoka ene na vha muṱa wawe fhedzi musi hu tshi vha na Maḓi Mahulu

• 2Ti 3:10-14—Muapostola Paulo o vhudza Timotheo nḓila ye a konḓelela ngayo vhuṱungu na u tambula lwa tshifhinga tshilapfu nahone a khuthadza Timotheo uri na ene a konḓelele

Tsumbo dzi re Bivhilini dzine dza nga ni thusa:

• Gen 4:3-11; 1Yo 3:11, 12—Kaini o vha e muthu muvhi, a vhulaya Abele murathu wawe we a vha a tshi fhulufhedzea

• Gen 37:5-8, 18-28—Musi Yosefa a tshi vhudza vhakomana vhawe uri o ḽora muḽoro wo khetheaho u bvaho kha Yehova, vho mu posa dindini nahone nga murahu vha mu rengisa sa phuli

Tsumbo dzi re Bivhilini dzine dza nga ni thusa:

• Dan 3:1-6, 13-18—Shadaraka, Mishaka na Abedenego vho hana u gwadamela tshifanyiso naho khosi yo vha vhudza uri i ḓo vha vhulaya arali vha sa ita nga u ralo

• Mis 5:27-29, 33, 40-42—Vhaapostola vho bvela phanḓa vha tshi huwelela naho vho shushedzwa uri vha ḓo vhulawa arali vha bvela phanḓa vha tshi huwelela

Tsumbo dzi re Bivhilini dzine dza nga ni thusa:

• Num 20:9-12; Dot 3:23-28; 31:7, 8—Naho Mushe o pfa vhuṱungu musi o kaidzwa nga Yehova, o bvela phanḓa a tshi shumela Yehova

• 2Dz 20:12-18; 2Krk 32:24-26—Khosi Hiskia o ita vhukhakhi a kaidziwa, fhedzi o ḓiṱukufhadza a bvela phanḓa a tshi shumela Yehova

Tsumbo dzi re Bivhilini dzine dza nga ni thusa:

• Ps 73:2-24—Musi muphisalema a tshi vhona uri vhavhi vha tshila vho ḓigeḓa, o ḓivhudzisa arali zwi zwavhuḓi u bvela phanḓa a tshi shumela Yehova

• Yoh 6:60-62, 66-68—Naho vhanzhi vho litsha u tevhela Yesu, muapostola Petro o vha na lutendo a bvela phanḓa a tshi mu tevhela

Tsumbo dzi re Bivhilini dzine dza nga ni thusa:

• Dan 6:4-11—Muporofita Daniele o bvela phanḓa a tshi rabela naho vhutshilo hawe ho vha vhu khomboni

• Mat 26:36-46; Hev 5:7—Vhusiku ha u fhedza musi Yesu e kha ḽifhasi, o rabela nga maanḓa nahone a ṱuṱuwedza vhafunziwa vhawe uri na vhone vha rabele

Tsumbo dzi re Bivhilini dzine dza nga ni thusa:

• Yob 1:6-12; 2:3-5—Saṱhane o pomoka Yehova uri u tsireledza vhathu uri vha mu gwadamele. Yobo o vha a tshi tea u konḓelela u itela u sumbedza uri Saṱhane u khou zwifha

• Rom 5:19; 1Pe 1:20, 21—U fhambana na Adamu we a kundelwa u thetshelesa Mudzimu, Yesu o fhulufhedzea, a konḓelela u swika a tshi fa. Musi a tshi ita zwenezwo o fhindula mbudziso ya ndeme ine ya ri: Naa muthu a si na tshivhi a nga fhulufhedzea kha Yehova arali o sedzana na mulingo u konḓaho?