Konektado nga asoy ha Biblia:

• 2Pe 2:5; Ge 7:23; Mat 24:​37-39—Bisan kon hi Noe “parasangyaw han katadongan,” ginbalewaray hiya han kadam-an, salit hiya la ngan an iya pamilya an nakatalwas han Baha

• 2Ti 3:​10-14—Gin-gamit ni apostol Pablo an iya ehemplo ha pagin mapailubon basi dasigon hi Timoteo nga magpailob

Konektado nga asoy ha Biblia:

• Ge 4:​3-11; 1Ju 3:​11, 12—Tungod kay maraot hi Cain, ginpatay niya an iya bugto nga hi Abel nga matinumanon nga tawo

• Ge 37:​5-8, 18-28—Han ginsumatan ni Jose an iya kabugtoan nga nagkaada hiya inop nga tikang kan Jehova, ginlabog nira hiya ngadto ha buho ngan iginbaligya sugad nga uripon

Konektado nga asoy ha Biblia:

• Da 3:​1-6, 13-18—Andam mamatay hira Sadrac, Mesac, ngan Abednego imbes nga magkompromiso pinaagi ha pagbuhat hin idolatriya

• Bu 5:​27-29, 33, 40-42—An mga apostol nagpadayon ha pagsangyaw bisan kon may pipira nga mga tawo nga nagtarhog nga papatayon hira kon diri hira umundang

Konektado nga asoy ha Biblia:

• Nu 20:​9-12; De 3:​23-28; 31:​7, 8—An disiplina ni Jehova nakapasubo kan propeta Moises, pero nagpailob hiya ngan nagin matinumanon tubtob ha kataposan

• 2Ha 20:​12-18; 2Cr 32:​24-26—Hi Hadi Hezekias nakasala ngan ginsaway, pero nagin mapainubsanon hiya, mapailubon, ngan matinumanon

 Konektado nga asoy ha Biblia:

• Sal 73:​2-24—Han nakita han salmista nga hayahay an kinabuhi han magraot nga tawo, nahunahuna niya kon maopay gud ba magpadayon pag-alagad kan Jehova

• Ju 6:​60-62, 66-68—Bisan kon damu an umundang ha pagsunod kan Jesus, hi apostol Pedro determinado nga magpailob tungod han pagtoo

Konektado nga asoy ha Biblia:

• Da 6:​4-11—Nagpadayon hi propeta Daniel ha pag-ampo kan Jehova bisan kon nanelikado an iya kinabuhi tungod hito

• Mat 26:​36-46; Heb 5:7—Ha ultimo nga gab-i han kinabuhi ni Jesus ha tuna, naniguro gud hiya ha pag-ampo ngan gin-aghat an iba nga ito liwat an buhaton

Konektado nga asoy ha Biblia:

• Job 1:​6-12; 2:​3-5—Gin-ayat ni Satanas hi Jehova may kalabotan han integridad ni Job, usa nga ayat nga mababaton la kon hi Job matinumanon nga magpapailob sugad nga alagad ni Jehova

• Ro 5:19; 1Pe 1:​20, 21—Diri pariho kan Adan nga waray sumugot ha Dios, hi Jesus matinumanon nga nagpailob tubtob ha kamatayon ngan ginbaton an importante nga pakiana: Puydi ba magin maunungon kan Jehova an perpekto nga tawo bisan ha pinakamakuri nga sitwasyon?