Abusua
Gyihova a hyehyɛle abusua ne a
Awovolɛ
Nea “Awovolɛ”
Papa mɔ
Nea “Papa Mɔ”
Mame mɔ
Nea “Mame Mɔ”
Kunlima, Yelɛma
Nea “Agyalɛ”
Mralɛ mrenyia nee mralɛ mraalɛ
Ɛzonlelilɛ boni a ngakula lɛ wɔ abusua ne anu a?
Duzu ati a ɔwɔ kɛ ngakula tie bɛ awovolɛ a?
-
Baebolo kɛlɛtokɛ mɔɔ boa:
-
Ed 78:1-8—Yizilayɛma hanle mɔɔ bɛ nenyia mɔ yɛle la hilele bɛ mra amaa bɛ mra ne mɔ anyia Gyihova anu anwodozo na bɛande atua
-
Lu 2:51, 52—Ɛnee Gyisɛse di munli, noko ɔyɛle tieyɛ ɔmaanle ye awovolɛ mɔɔ bɛnli munli la wɔ ye ngakula nu amuala
-
Duzu ati a ɔbahola yeayɛ se yeamaa ngakula kɛ bɛbabu bɛ awovolɛ a?
Kɛzi Nyamenle bu ngakula mɔɔ anzo yɛ se la ɛ?
-
Baebolo kɛlɛtokɛ mɔɔ boa:
-
Dit 21:18-21—Ɛnee Mosisi Mɛla ne maa adenle kɛ bɛhu kakula nrenyia mɔɔ anzo yɛ se yɛɛ ɔte atua na ɔle nzanli mɔɔ bɛka a ɔndie la
-
2Ar 2:23, 24—Mekɛ mɔɔ ngakula mrenyia bie golole ngapezonli Yilaehya mɔɔ le Nyamenle sonla la anwo na bɛambu ye la, ezizile nwiɔ hunle bɛ nuhua dɔɔnwo
-
Kɛzi ɔwɔ kɛ awovolɛ bu ngakula ɛtetelɛ nwo adenle mɔɔ bɛnyia la ɛ?
-
Baebolo kɛlɛtokɛ mɔɔ boa:
-
Lɛv 26:9—Yizilayɛma bule awolɛ kɛ ɔle Gyihova nyilalɛ
-
Dwb 42:12, 13—Gyihova yilale Dwobu wɔ nɔhalɛ mɔɔ ɔhɔle zo ɔlile la anwo na ɔmaanle ɔ nee ɔ ye wole mralɛ bulu bieko
-
Kɛzi Gyihova kulo kɛ ngakula nee bɛ mediema tɛnla ɛ?
-
Baebolo kɛlɛtokɛ mɔɔ boa:
-
Gyn 27:41; 33:1-11—Gyekɔbo lile ɔ diema Yisɔ eni, ɛhye maanle bɛnyianle anzodwolɛ, na Yisɔ hulole ye edwɛkɛ
-
Duzu a ɔwɔ kɛ ngakula mɔɔ ɛyɛ mgbanyinli la yɛ maa bɛ awovolɛ nee bɛ nana mɔ a?
-
Baebolo kɛlɛtokɛ mɔɔ boa:
-
Gyn 11:31, 32—Mekɛ mɔɔ Ebileham ɛlɛfi Ɛɛle la, ɔvale ye papa Tilaa ɔhɔle na ɔnleanle ye too ɔwule
-
Mt 15:3-6—Gyisɛse maanle bɛnwunle ye kɛ Mosisi Mɛla ne kile kɛ ɔwɔ kɛ ngakula mɔɔ ɛyɛ mgbanyinli la boa bɛ awovolɛ mɔɔ hyia moalɛ la
-
Ase mɔ
Nea “Ase Mɔ”
Nenyia mɔ nee nana mɔ
Nea “Nenyia Mɔ Nee Nana Mɔ”
Bie A Eza Ɛ Nye Balie
BAEBOLO KPUYA MƆƆ BƐBUA
Duzu A “Di Wɔ Papa Nee Wɔ Mame Eni” Kile A?
Saa ɛnwu mɔɔ mɛla ɛhye ɛngile la a, bie a ɔbazi ɛ nwo.
MGBAVOLƐ NEE MBƐLƐRA BIZA KƐ
Nzɔne Ati A Ɔwɔ Kɛ Me Nee Me Mediema Tɛnla Anzodwolɛ Nu A?
Ɛkulo bɛ edwɛkɛ noko ɔdwu mekɛ ne bie a bɛka wɔ ɛya.
FA KILEHILE Ɛ MRA
Gyisɛse Yɛle Tieyɛ Dahuu
Ɔnla aze kɛ ɛbadie wɔ awovolɛ dahuu. Nea kɛzi Gyisɛse neazo ne bahola aboa wɔ la.
BAEBOLO KPUYA MƆƆ BƐBUA
Duzu A Baebolo Ne Ka Fale Awovolɛ Mɔɔ Bɛyɛ Mgbanyinli Mɔɔ Yɛnea Bɛ La Anwo A?
Mrenyia nee mraalɛ mɔɔ lɛ diedi mɔɔ bɛyɛle ɛhye anwo neazo kpalɛ la dɔɔnwo wɔ Baebolo ne anu. Eza ɔfa folɛdulɛ kpalɛ mɔɔ kola boa menli mɔɔ ɛlɛnea bɛ awovolɛ mɔ bɛyɛ mgbanyinli la ɔmaa.
YƐ NWO EDWƐKƐ
Maa Yɛrakpɔla Wɔ
Ɛ nee yɛ ɛzuzu Baebolo nu edwɛkɛ bie anwo anzɛɛ sukoa Gyihova Alasevolɛ anwo edwɛkɛ dɔɔnwo.
