Falinque nütram Biblia mu:

• Sl 78:40, 41; 106:36-46. Pu Israel che huelulcamequefuingün, huelu Chau Jehová tunte rupachi perdonaeyu engün.

• Lu 15:11-32. Quiñe nütram mu Jesús pengeli quiñe cüme chau huiñoduamtufi tañi fotüm nor raquiduamtulu tañi huesa femün mu. Femngechi quimeltui tunte ñi perdonachequen Chau Jehová.

Falinque nütram Biblia mu:

• Heb 9:22-28. Apostol Pablo quimeltui Jesús ñi hulpan tañi mongen, femngechi müten Chau Jehová rulpacünuafui taiñ culpan.

• Ap 7:9, 10, 14, 15. Apostol Juan huirintucui Chau Dios rulpacünuñmafi ñi culpan quiñe “fütra troquiñche” feyentulelu Jesús tañi lan mu.

Falinque nütram Biblia mu:

• Job 42:7-10. Hunelu mu Chau Jehová feipifi ta Job ñi ngillatuñmayafiel ti cüla huentru ñi huesa femeteu, fei hula tremoltufi ca cümelcafi.

• Mt 18:21-35. Quiñe nütram mu Jesús quimeltui perdonacheliyiñ, Chau Jehová ca perdonayaiñmu.

Falinque nütram Biblia mu:

• Sl 32:1-5; 51:1, 2, 16, 17. David rume huesa culpai, feimu cutrantupiuquei, huelu rüf piuque mu nor raquiduamtui.

• Snt 5:14-16. Santiago feipi inei rume huesa culpale, mülei ñi nütramcayafiel pu loncolelu.

Falinque nütram Biblia mu:

• 1Re 21:27-29; 2Cr 18:18-22, 33, 34; 19:1, 2. Ti lonco ülmen Acab quimlu ñi cutrancayaeteu Chau Jehová, illamcahui, feimu Jehová müte cutrancalaeyu ellaca mu. Huelu Acab rüf piuque mu nor raquiduamtulai, feimu Chau Jehová perdonalaeyu, fei langümngei.

• 2Cr 33:1-16. Ti lonco ülmen Manasés rume huesa huentrungefui. Huelu nor raquiduamtulu, Chau Jehová perdonaeyu. Manasés eluhui ñi apümcayafiel coilaque dios ñi adentun ca yafültucufi pu che ñi püramyeafiel ta Chau Jehová, femngechi pengeli ñi rüf nor raquiduamtun.

Falinque nütram Biblia mu:

• 2Sa 12:13; 24:1; 1Re 9:4, 5. David rume huesa culpalu nor raquiduamtui, feimu Chau Jehová perdonaeyu, fei feipi ñi nor piuquengen.

Falinque nütram Biblia mu:

• Mt 26:36, 40, 41. Jesús doi duamnielu ñi yafültucungeal, tañi doi cümeque hueni umaunagingün. Jesús cutranpiuqueyefi engün, ngüneduamüñmafi ñi cansalen.

• Mt 26:69-75; Lu 24:33, 34; Hch 2:37-41. Pedro cüla rupachi quimlafiñ ta Jesús pi, huelu nor raquiduamtui, feimu Jesús cutranpiuqueyeyu. Huiñomongetulu Jesús peufaluhui Pedro mu, fei elufi falinque cüdau ti trahunche mu.

Falinque nütram Biblia mu:

• Mt 23:29-33. Jesús feipifi pu fariseo ca pu quimeltuquelu Moisés ñi ley dungu ñi apümcangeal engün.

• Jn 17:12; Mr 14:21. Jesús üitucufi ta Judas Iscariote “tati feipingelu ñi apümcangeal”, “doi cümeafui ñi choyüngenoafel” pi.