Bibliankir aka sarnaqäwinakaw yanaptʼistaspa:

• Sl 78:40, 41; 106:36-46. Israelitanakajj sapa kutis Jehová Diosar chuym ustʼayapkchïnjja, kutin kutiniw Diosajj jupanakar perdonäna.

• Lu 15:11-32. Jehová Diosajj kunja perdonasirisa uk qhanañchañatakejja, Jesusajj sinttʼasiri mä awkitwa parläna, uka awkejj jan wali luratanakapat arrepentisir wawaparojj taqe chuymaw perdonäna.

Bibliankir aka sarnaqäwinakaw yanaptʼistaspa:

• Heb 9:22-28. ‘Jesusan jiwas layku jiwatapatakwa Jehová Diosajj juchanakas perdonistaspa’ sasaw apóstol Pablojj qhanañchäna.

• Ap 7:9, 10, 14, 15. ‘Walja jaqenakarojja’, Jehová Diosajj Jesusan sacrificiopar confiyapjjatap laykuw juchanakapat perdonawayi sasaw apóstol Juanajj qellqäna.

Bibliankir aka sarnaqäwinakaw yanaptʼistaspa:

• Job 42:7-10. Job chachar janïr usupat qollkäna ukhajja, jan wali kimsa amigonakapatak orañapatakiw Jehová Diosajj Job chachar mayïna.

• Mt 18:21-35. ‘Jiwasatï Jehová Diosamp perdonatañ munstan ukhajja, mayninakaruw perdonañasa’ sasaw Jesusajj mä uñachtʼäwimp qhanañchäna.

 Bibliankir aka sarnaqäwinakaw yanaptʼistaspa:

• Sl 32:1-5; 51:1, 2, 16, 17. David reyejj jachʼa juchanakar purtʼasïna ukhajja, wali chuyma ustʼataw jikjjatasïna, taqe chuymaw arrepentisirakïna.

• Snt 5:14-16. Maynitï jachʼa juchar purtʼaschi ukhajja, ancianonakampiw parlañapa sasaw Santiagojj qhanañchäna.

Bibliankir aka sarnaqäwinakaw yanaptʼistaspa:

• 1Re 21:27-29; 2Cr 18:18-22, 33, 34; 19:1, 2. Acab reyejj Jehová Diosamp jan castigatäñatakejj humillasïnwa, ukatwa Jehová Diosajj jupat khuyaptʼayasïna. Ukampis Acab reyejj qhepat jan cheqpach arrepentisitapwa uñachtʼayäna, ukhamätapatjja Diosajj janiw perdonjjänti, jiwañar kunaw purtʼasirakïna.

• 2Cr 33:1-16. Manasés reyejj wali qhoru jan ukajj wali phiru jaqëkchïnsa, jupajj arrepentiskäna ukhajj Jehová Diosajj perdonänwa. Manasés reyejj cheqpachapuniw arrepentisïna, ukatwa idolonakar adorañ chhaqtayasajj Dios saparuk adorapjjañapatak jaqenakar yanaptʼäna.

Bibliankir aka sarnaqäwiw yanaptʼistaspa:

• 2Sa 12:13; 24:1; 1Re 9:4, 5. David reyejj wali jachʼa juchanaksa lurkchïnjja, arrepentisitapat Jehová Diosajj perdonänwa. Qhepatjja ‘Davidajj naya nayraqatan taqpach chuymampi cheqaparjam sarnaqeriwa’ sasaw Jehová Diosajj säna.

Bibliankir aka sarnaqäwinakaw yanaptʼistaspa:

• Mt 26:36, 40, 41. Jesusajj yanaptʼa wal munkäna ukhajja, discipulonakapajj ikimp atipayasisaw ikirjjapjjäna; ukampis Jesusajj jupanakat khuyaptʼayasïnwa, kunja qaritas jikjjatasipjjäna uks amuyarakïnwa.

• Mt 26:69-75; Lu 24:33, 34; Hch 2:37-41. Apóstol Pedrojj kimsa kutiw Jesusar jan uñtʼirejj tuküna, ukampis Pedron taqe chuyma arrepentisitap amuyasajja Jesusajj perdonänwa. Jesusajj jiwatat jaktkäna ukhajj Pedroruw nayraqat uñstäna, congregacionan wakiskir luräwinakwa churarakïna.

 Bibliankir aka sarnaqäwinakaw yanaptʼistaspa:

• Mt 23:29-33. Jesusajj kʼari chuyman escribanakarusa fariseonakarusa akham sänwa: ‘¿kunjamataraki Gehena juiciota jan ukajj wiñay tʼunjäwit salvasipjjätasti?’ sasa.

• Jn 17:12; Mr 14:21. Jesusajj ‘tukjañan wawapa’ sasaw Judas Iscarioterojj säna, ukatjja “jan naskasapän ukajj jupatak jukʼamp walïspänwa” sasaw sarakïna.