Biblu’n nun ndɛ mɔ be kwla uka e’n:

• Ju 78:​40, 41; 106:​36-46—Kannzɛ Zoova i nvle’n nunfuɛ’m be fɔnnin i wun kpɛ sunman’n, sanngɛ ɔ yacili be sa tɛ’n cɛli be titi.

• Lik 15:​11-32—Zezi fali sunnzun ase kun fa yiyili Zoova i sa yaci cɛlɛ’n nun. I waan Zoova ti kɛ siɛ kun m’ɔ yacili i wa’n i wun sa’n cɛli i’n sa.

Biblu’n nun ndɛ mɔ be kwla uka e’n:

• Ebr 9:​22-28—Akoto Pɔlu kleli kɛ tɛ nga Zezi yili’n i su yɛ Zoova jran yaci e wun sa’n cɛ e-ɔ.

• Ngl 7:​9, 10, 14, 15—Aolia nun’n, akoto Zan wunnin “sran kpanngban kpa” mɔ be ti sanwun Ɲanmiɛn ɲrun’n. Klisi i mmoja’n yɛ ɔ yoli be sanwun-ɔn.

Biblu’n nun ndɛ mɔ be kwla uka e’n:

• Zɔb 42:​7-10—Ka naan Zoova w’a yi afɛ ng’ɔ o Zɔbu su’n naan Zɔbu w’a ɲɛn i wun ekun’n, Zoova seli i kɛ ɔ srɛ i janvuɛ nsan nga be kannin ndɛ tɛtɛ kleli i’n be ti.

• Mat 18:​21-35—Zezi fali sunnzun ase kun fa kleli kɛ sɛ e kunndɛ kɛ Ɲanmiɛn yaci e wun sa’n cɛ e’n, ɔ ti cinnjin kɛ e kusu e yaci e wiengu’m be wun sa’n e cɛ be wie.

Biblu’n nun ndɛ mɔ be kwla uka e’n:

• Ju 32:​1-5; 51:​1, 2, 16, 17—Sa tɛ nga Famiɛn Davidi yoli be’n be ti’n, i akunndan’n sanngannin yɛ i awlɛn kpɔtɔli i klun. Sanngɛ i sin’n ɔ kacili i sa.

• Zak 5:​14-16—Zaki kleli kɛ sɛ e yo sa tɛ’n, ɔ fata kɛ e ko wun asɔnun kpɛnngbɛn’m be wun.

Biblu’n nun ndɛ mɔ be kwla uka e’n:

• 1Fa 21:​27-29; 2Ɲo 18:​18-22, 33, 34; 19:​1, 2—Kɛ Zoova seli Famiɛn Akabu kɛ ɔ́ wá tú i fɔ’n, ɔ kɛnnin i wun ase. I ti’n, Zoova sili i aunnvɔɛ kan. Sanngɛ i sin’n, i ayeliɛ’n kleli kɛ w’a kacimɛn i sa sakpa. I sɔ’n ti’n, Zoova w’a simɛn i aunnvɔɛ kun yɛ ɔ yoli maan ɔ wuli.

• 2Ɲo 33:​1-16—Famiɛn Manase yoli sa tɛtɛ kainkain wie mun. Sanngɛ kɛ ɔ kacili i sa’n, Zoova yaci cɛli i. Manase kleli kɛ w’a kaci sakpa, yɛle kɛ ɔ nunnunnin amuin sɔlɛ’n nvle’n nun yɛ ɔ yoli maan sran’m be suli Zoova kpa.

Biblu’n nun ndɛ mɔ be kwla uka e’n:

• 2Sa 12:13; 24:1; 1Fa 9:​4, 5—Kannzɛ Davidi yoli sa tɛtɛ wie mun’n, sanngɛ kɛ m’ɔ kacili i sa’n ti’n, Zoova yaci cɛli i. I kpa bɔbɔ’n, i sin’n ɔ seli kɛ Davidi ti sran seiinfuɛ.

Biblu’n nun ndɛ mɔ be kwla uka e’n:

• Mat 26:​36, 40, 41—Blɛ mɔ Zezi i sa miɛnnin i sɔnnzɔnfuɛ’m be wun kpa’n, be lafili. Ɔ nin i sɔ ngba’n, w’a faman be wun ya, ɔ wunnin i wlɛ kɛ b’a fɛ.

• Mat 26:​69-75; Lik 24:​33, 34; Yol 2:​37-41—Piɛli seli kpɛ nsan kɛ ɔ siman Zezi. Sanngɛ kɛ ɔ kleli kɛ i sa tɛ’n yo i nsisɔ’n, Zezi yaci cɛli i. Yɛ kɛ Zezi cɛnnin’n, ɔ yili i wun nglo kleli i yɛ i sin’n ɔ mɛnnin i junman cinnjin wie mun asɔnun’n nun.

Biblu’n nun ndɛ mɔ be kwla uka e’n:

• Mat 23:​29-33—Zezi seli mmla klɛfuɛ mun nin Farizifuɛ’m be kɛ bé fá be gúa Zeɛnin’n nun. Yɛle kɛ bé núnnún be mlɔnmlɔn.

• Zan 17:12; Mar 14:21—Zezi flɛli Zida Iskariɔti kɛ “sran ng’ɔ fata kɛ be nunnun i’n.” Ɔ kan guali su kɛ sran tɛ sɔ’n, sɛ b’a wumɛn i bɔbɔ’n nn ɔ flunman.