Yilweza ya mu Mbimbiliya yize muyihasa kutukwasa:

• Sam 78:40, 41; 106:36-46—A-Izalele kapwile ni kuvwisa Yehova kupiha, chipwe chocho iye kapwile ni kwakonekena ha yisuho yinji

• Lu 15:11-32—Yesu katesele ukonekeno wa Yehova ni wa chisemi yoze wasolwele keke kuli mwanenyi yoze walingile yuma yipi

Yilweza ya mu Mbimbiliya yize muyihasa kutukwasa:

• Hep 9:22-28—Postolo Paulu kalumbunwine ngwenyi, Yehova mahasa kutukonekena kupalikila mu ukuule wa Mwanenyi

• Uso 7:9, 10, 14, 15—Postolo Yoano kamwene “mbunga yinene” ya atu waze anamana kulutwe lia ngunja ya Zambi mumu lia kufuliela ha ukuule wa Yesu

Yilweza ya mu Mbimbiliya yize muyihasa kutukwasa:

• Yom 42:7-10—Yehova katumine Yombi hanga aliange kulembela masepa jenyi atatu shimbu te kanda achimuuka ni kumuwahisa

• Mat 18:21-35—Yesu katongwele chilweza chino hanga atukwase kumona chilumbu chaka chili chilemu kukonekena akwetu mba ni yetu atukonekene

Yilweza ya mu Mbimbiliya yize muyihasa kutukwasa:

• Sam 32:1-5; 51:1, 2, 16, 17—Mwanangana Ndawichi kevwile yinyengo mumu lia shili yize alingile, chocho yalikonyeka ni mbunge yeswe

•  Tia 5:14-16—Tiangu kasonekene ngwenyi, nyi twalinga shili yinene, twatamba kufupa ukwaso wa makulwana a mu chikungulwila

Yilweza ya mu Mbimbiliya yize muyihasa kutukwasa:

• 1Mi 21:27-29; 2Sg 18:18-22, 33, 34; 19:1, 2—Mwanangana Ahabe kalikehesele muze anyingikine ngwenyi, Yehova mamupatwila. Chocho Yehova yamuvwila keke. Alioze, amu kakalikonyekene ni mbunge yeswe, Yehova yamushiha

• 2Sg 33:1-16—Chipwe ngwe Manase kapwile mwanangana mupi, nihindu Yehova kamukonekenene muze alikonyekene. Iye kasolwele kulikonyeka chenyi muze asele tachi hanga akuwise uwayilo wa mahuza

Yilweza ya mu Mbimbiliya yize muyihasa kutukwasa:

• 2Sa 12:13; 24:1; 1Mi 9:4, 5—Chipwe ngwe Ndawichi kalingile shili yinene, nihindu iye yalikonyeka, chocho Yehova yamukonekena ni kumuvuluka ngwo lunga mungunu

Yilweza ya mu Mbimbiliya yize muyihasa kutukwasa:

• Mat 26:36, 40, 41—Tumbaji ja Yesu kapombele ha shimbu lize iye te anafupu ukwaso, chipwe chocho, Yesu yaasolwela upeme mumu kanyingikine ngwenyi, o te kanahongo

• Mat 26:69-75; Lu 24:33, 34; Yi 2:37-41—Petulu kalikalile Yesu yisuho yitatu, alioze muze alikonyekene, Yesu yamukonekena. Kulutwe muze Yesu te hamuhindwisa, yahana yiteli yalipwila kuli Petulu

Yilweza ya mu Mbimbiliya yize muyihasa kutukwasa:

• Mat 23:29-33—Yesu katowezele alongeshi a shimbi ni A-Fwariseu ngwo, ayo te kechi kahasa kuchina ku upatwilo wa mu Ngehena hanji ngwetu, unongeso wa mutolo

• Yo 17:12; Mar 14:21—Yesu kavulukile Yundase Ka-Keriote ngwenyi, “mukwa-kunonga” ni kwamba nawa ngwenyi, kachi chapemene nyi te kakasemukine