Myango ma Bibe̱l mi mongwane̱:

• Mye 78:40, 41; 106:36-46—Yehova a lakise̱ tumba lao ngedi jita, to̱ná di pamono̱ mo̱ ponda na ponda te̱

• Lu 15:11-32—Yesu a lango munia ma sango a muna nu lakise̱ mun’ao nu boli mambo ma bobe nde ombusa ponda ate̱le̱, o lee̱ ná Yehova a malakise̱

Myango ma Bibe̱l mi mongwane̱:

• Bon 9:22-28—Ńamuloloma Paulo a teleye̱ ná o eyot’a maya ma Kristo buka te̱ nde myobe mi malakisabe̱no̱

• Bbī 7:9, 10, 14, 15—Ńamuloloma Yohane a ta a kusa je̱ne̱, e̱ne̱ “dimuti dinde̱ne̱” lena di malangabe̱ bosangi oboso ba Loba ońola maya ma Kristo

Myango ma Bibe̱l mi mongwane̱:

• Hiob 42:7-10—Obiana Yehova a mabo̱le̱ mitakisan ma Hiob na bola pe̱te̱ mo̱ ja la bwam na m’bwaṅ, a se̱le̱ nde baise̱ Hiob ná a kane̱ ońola mako̱m mao malalo ma mawo̱ndo̱n

• Mt 18:21-35—Yesu a boli edinge̱dinge̱ ya ngińa e malee̱ mweńa ma lakise̱ yete̱na biso̱me̱ne̱ pe̱ di mapula ná di lakisabe̱

Myango ma Bibe̱l mi mongwane̱:

• Mye 32:1-5; 51:3, 4, 18, 19—Ońola myobe mao minde̱ne̱, Kiṅe̱ David a ta a wo̱lea, a ńo̱sea pe̱ o mulema, na mo̱ ate̱le̱ na mbale̱

• Yak 5:14-16—Yakobo a teleye̱ ná di boli te̱ bobe bonde̱ne̱, je̱ne̱ batudu

Myango ma Bibe̱l mi mongwane̱:

• 1Ki 21:27-29; 2Mya 18:18-22, 33, 34; 19:1, 2—Ponda Kiṅe̱ Ahab a kaisabe̱no̱, a sibise̱ mo̱me̱ne̱, Yehova a bwedi mo̱ ndedi; nde a si boli to̱ lambo di lee̱le̱ ná ate̱le̱ na mbale̱, Yehova a bengi so̱ nde je̱ne̱ mo̱ ka mot’a bobe, na mo̱ a bola ná a bwabe̱

• 2Mya 33:1-16—Kiṅe̱ Manase a ta a bola myobe minde̱ne̱; nde Yehova a lakise̱ mo̱ ponda ate̱le̱no̱. Manase a lee̱le̱ ná ate̱le̱ na mbale̱ ponda anane̱no̱ jowe̱ la losango, a sue̱le̱ pe̱ jowe̱ la mbale̱

Myango ma Bibe̱l mi mongwane̱:

• 2Sa 12:13; 24:1; 1Ki 9:4, 5—To̱ná David a bolino̱ myobe minde̱ne̱, ate̱le̱, Yehova a lakise̱ mo̱, ombusa ponda pe̱ a kwala ná e nde moto nu te̱m na sim

Myango ma Bibe̱l mi mongwane̱:

• Mt 26:36, 40, 41—Bokwedi ba Yesu ba batabata ba kwedi iyo̱ ponda a tano̱ a be̱ne̱ ńo̱ng’abu bonde̱ne̱; nde Yesu a so̱ṅtane̱ ná ba ta ba wo̱lo̱ jita

• Mt 26:69-75; Lu 24:33, 34; Bbl 2:37-41—Petro a to̱bi Yesu ngedi ilalo, nde Kristo a lakise̱ ńamuloloma ńao ńate̱le̱; Yesu a busedi mo̱ ombusa bepumbwedi bao, ombusa ponda pe̱ a bolane̱ mo̱ o mbad’a tobotobo o jongwane̱ mwemba

Myango ma Bibe̱l mi mongwane̱:

• Mt 23:29-33—Yesu ome̱le̱ babiedi ba kalat’a Loba na farisai ná mańaṅ mabu ma me̱nde̱ bumbisabe̱ ná bambam

• Yoh 17:12; Mr 14:21—Yesu a bele̱ Yuda Iskariot ná “mun’a dibumbe,” a bata pe̱ ná e wusa be̱ bwam ke̱ a si yabe̱