Bɔnfakyɛ
Ɔyɛ ampa paa dɛ Jehovah pɛ dɛ ɔdze hɛn bɔn kyɛ hɛn a?
Nd 86:5; Da 9:9; Mic 7:18
Hwɛ 2Pe 3:9 so
-
Bible mu nsɛm a ɔbɔboa wo:
-
Nd 78:40, 41; 106:36-46—Israelfo no kɔr do yɛɛ bɔn tsiaa Jehovah ma ɔyɛɛ no yaw. Naaso Jehovah kɔr do ara dze hɔn bɔn kyɛɛ hɔn
-
Lu 15:11-32—Jesus yɛɛ mfatoho bi faa ɔbadzesɛɛfo bi ho. Ɔdze dɛm mfatoho yi kyerɛɛ dɛ, Jehovah ayɛ krado dɛ ɔdze obi a ɔayɛ bɔn na oenu no ho no bɔn bɛkyɛ no
-
Ebɛnadze na Jehovah yɛe mbrɛ ɔbɛyɛ a ɔdze hɛn bɔn bɛkyɛ hɛn?
Joh 1:29; Eph 1:7; 1Jo 2:1, 2
-
Bible mu nsɛm a ɔbɔboa wo:
-
Heb 9:22-28—Ɔsomafo Paul maa yehun dɛ, sɛ Nyankopɔn dze hɛn bɔn bɛkyɛ hɛn a, gyedɛ ɔnam Christ no bɔgyaa no nkotsee do
-
Ny 7:9, 10, 14, 15—Ɔsomafo John hun wɔ enyido-adzehun mu dɛ Nyankopɔn dze “nyimpadodow” bi bɔn akyɛ hɔn osian gyedzi a wonyae wɔ Jesus Christ n’afɔrbɔ no mu ntsi
-
Sɛ yɛpɛ dɛ Jehovah dze hɛn bɔn kyɛ hɛn a, ebɛnadze na ɔsɛ dɛ yɛyɛ aber a obi ayɛ hɛn bɔn no?
Mt 6:14, 15; Mr 11:25; Lu 17:3, 4; Jas 2:13
-
Bible mu nsɛm a ɔbɔboa wo:
-
Job 42:7-10—Ansaana Jehovah resa Job yarba na oehyira no no, ɔkaa kyerɛɛ no dɛ ɔmbɔ mpaa mma n’anyɛnkofo baasa a wɔkasaa tsiaa no no
-
Mt 18:21-35—Jesus yɛɛ mfatoho dze kyerɛɛ dɛ sɛ Jehovah dze hɛn bɔn bɛkyɛ hɛn a, ɔsɛ dɛ hɛn so yɛdze afofor hɔn dze kyɛ hɔn
-
Ebɛnadze ntsi na no ho hia dɛ yɛka bɔn a yaayɛ na yenu hɛnho?
Adw 3:19; 26:20; 1Jo 1:8-10
-
Bible mu nsɛm a ɔbɔboa wo:
-
Nd 32:1-5; 51:1, 2, 16, 17—Osian bɔn kɛse bi a Ɔhen David yɛe ntsi, ɔbotowee na onuu noho
-
Jas 5:14-16—James kaa dɛ sɛ obi yɛ bɔn kɛse bi a, ɔnkɔbɔ asafo mu mpanyimfo amandzɛɛ
-
Sɛ Jehovah dze hɛn bɔn bɛkyɛ hɛn a, ebɛn nsesa na ɔsɛ dɛ yɛyɛ?
Mbɛ 28:13; Isa 55:7; Eph 4:28
-
Bible mu nsɛm ɔbɔboa wo:
-
1Ah 21:27-29; 2Mb 18:18-22, 33, 34; 19:1, 2—Aber a Ɔhen Ahab yɛɛ bɔn no, ɔyɛɛ biribi dze kyerɛɛ dɛ oenu noho ntsi Jehovah dze no bɔn kyɛɛ no. Naaso ekyir yi, ɔbɛdaa edzi dɛ nna onnuu noho nokwar mu, ntsi Jehovah maa wokum no
-
2Mb 33:1-16—Ɔwɔ mu dɛ Ɔhen Manasseh yɛɛ bɔn akɛse dze, naaso aber a onuu noho no Jehovah dze kyɛɛ no. Iyi ekyir no, Manasseh dze sii n’enyi do dɛ ɔbɔboa Israelfo no ma wɔasom Jehovah mbom sen dɛ wɔbɔsom abosom
-
Sɛ obi yɛ bɔn kɛse a, ebɛnadze na ɔma yehu dɛ Jehovah ayɛ krado dɛ ɔdze no bɔn bɛkyɛ no korakora?
Nd 103:10-14; Isa 1:18; 38:17; Jer 31:34; Mic 7:19
-
Bible mu nsɛm a ɔbɔboa wo:
-
2Sa 12:13; 24:1; 1Ah 9:4, 5—Ɔwɔ mu dɛ David yɛɛ bɔn akɛse dze naaso aber a onuu noho no, Jehovah dze kyɛɛ no na obuu no dɛ ɔyɛ ɔnokwafo
-
Ebɛnadze na Jesus yɛe dze kyerɛɛ dɛ osuaa n’Egya a ɔdze bɔn kyɛ no?
Nd 86:5; Lu 23:33, 34
-
Bible mu nsɛm a ɔbɔboa wo:
-
Mt 26:36, 40, 41—Jesus n’esuafo a nna wɔbɛn no paa no dan hɔn ekyir maa no aber a nna ohia hɔn no, naaso ɔtsee hɔn ase
-
Mt 26:69-75; Lu 24:33, 34; Adw 2:37-41—Peter kaa no mprɛnsa dɛ onnyim Jesus, naaso aber a onuu noho no, ɔdze no bɔn kyɛɛ no. Na iyi ekyir no, aber a wonyaan Jesus fii ewufo mu no oyii noho edzi kyerɛɛ no. Afei, ɔdze dwumadzi afofor mpo hyɛɛ ne nsa wɔ asafo no mu
-
Yesi dɛn hu dɛ nnyɛ obiara na Jehovah dze no bɔn bɛkyɛ no?
Mt 12:31; Heb 10:26, 27; 1Jo 5:16, 17
-
Bible mu nsɛm a ɔbɔboa wo:
-
Mt 23:29-33—Jesus kaa kyerɛɛ akyerɛwfo na Phariseefo no dɛ wɔbɛsɛɛ hɔn wɔ Gehenna
-
Joh 17:12; Mr 14:21—Jesus frɛɛ Judas Iscariot dɛ “ɔsɛɛ ba” na ɔkaa dɛ sɛ wɔannwo no mpo a nkyɛ oye
-
Ebɛnadze ntsi na ɔsɛ dɛ Christianfo fi hɔn akoma mu dze afofor hɔn bɔn kyɛ hɔn?
Lu 17:3, 4; 1Co 13:4, 5; Eph 4:32; 5:1; Col 3:13
Bi A W'enyi Bɛgye Iyi So Ho
ƆWEƆN-ABAN
Mubohun Dɛ Jehovah Yɛ Mbɔbɔrhufo Na Ɔdze Bɔn Kyɛ
Nna Normand Pelletier n’edziban ara nye dɛ obesisi nkorɔfo. Naaso aber a ɔkenkaan asɛm bi wɔ Bible mu no, osui.
HƐNHO NSƐM
Ma Obi Nye Wo Nsua Bible
Ma wɔnye wo mbɔ Bible mu asɛmbisa bi a ɔkyer w’adwen no ho nkɔmbɔ, anaa sua Jehovah Adasefo ho nsɛm pii.
