Kpɔ́ndéwú Biblu tɔn e sixú d’alɔ we lɛ́ é:

• Ðɛ 78:40, 41; 106:36-46: Izlayɛ́li ví lɛ́ hu hwɛ e ɖó wǔvɛ́ nú Jexóva lɛ́ é azɔn mɔ̌kpán có, é ka nɔ sɔ́ hwɛ kɛ yě

• Lk 15:11-32: Jezu ná nǔjlɛ́dónǔwú dó hwɛsɔ́kɛmɛ Jexóva tɔn wú, gbɔn xó ɖiɖɔ dó tɔ́ nǔbláwǔkúnúmɛtɔ́ ɖé kpó lěe é sɔ́ hwɛ kɛ vǐ súnnu tɔn e wa nǔ nyi do bɔ hwɛ tɔn lɛ́ ka wá vɛ́ n’i ɖo nukɔnmɛ é gbɔn é kpó wú gblamɛ

Kpɔ́ndéwú Biblu tɔn e sixú d’alɔ we lɛ́ é:

• Eb 9:22-28: Mɛsɛ́dó Pɔ́lu tínmɛ ɖɔ Jexóva sixú sɔ́ hwɛ mǐtɔn lɛ́ kɛ mǐ, ɖó Jezu sɔ́ gbɛ tɔn jó dó sá vɔ̌ dó ta mǐtɔn mɛ wútu

• Nǔ 7:9, 10, 14, 15: Mɛsɛ́dó Jaan wlán ɖɔ Mawu sɔ́ hwɛ kɛ “ahwan ɖaxó ɖé,” ɖó yě ɖi nǔ nú vɔ̌sísá Jezu tɔn wútu

 Kpɔ́ndéwú Biblu tɔn e sixú d’alɔ we lɛ́ é:

• Jɔb 42:7-10: Cóbónú Jexóva ná ɖó nǔ wǔvɛ́ Jɔbu tɔn lɛ́ nu, gbɔ azɔn n’i, bo lɛ́ dó dɔkun n’i ɔ, é byɔ́ ɛ ɖɔ é ní xo ɖɛ dó xɔ́ntɔn tɔn atɔn e ɖɔ xó nyanya dó wǔ tɔn lɛ́ é tamɛ

• Mt 18:21-35: Jezu ná nǔjlɛ́dónǔwú agbɔ̌nnɔ ɖé dó lě do é ɖo tají sɔ ɖɔ ényí mǐ ba ɖɔ Jexóva ní sɔ́ hwɛ kɛ mǐ ɔ, mǐ ɖó ná nɔ sɔ́ hwɛ kɛ mɛ ɖěvo lɛ́ é wú

Kpɔ́ndéwú Biblu tɔn e sixú d’alɔ we lɛ́ é:

• Ðɛ 32:1-5; 51:3, 4, 18, 19: Ðó axɔ́sú Davídi hu hwɛ syɛ́nsyɛ́n lɛ́ wútu ɔ, wǔ kú i, bɔ é se wǔvɛ́ ɖo ayi mɛ tlílí, lobɔ hwɛ tɔn lɛ́ vɛ́ n’i dó nǔjɔnǔ mɛ

• Ja 5:14-16: Jaki tínmɛ ɖɔ ényí mǐ hu hwɛ syɛ́nsyɛ́n ɖé ɔ, mǐ ɖó ná yi mɔ mɛxó agun tɔn lɛ́

Kpɔ́ndéwú Biblu tɔn e sixú d’alɔ we lɛ́ é:

• 1Ax 21:27-29; 2Ta 18:18-22, 33, 34; 19:1, 2: Hwenu e Jexóva ɖó hwɛ nú axɔ́sú Akábu é ɔ, é sɔ́ éɖée hwe, bɔ Jexóva kú nǔbláwǔ n’i ɖó bǎ ɖé mɛ; é ɖo mɔ̌ có, é wa nǔ ɖěbǔ dó xlɛ́ ɖɔ hwɛ émítɔn lɛ́ vɛ́ nú émí nǔgbó nǔgbó ǎ, énɛ́ wú ɔ, Jexóva kpo ɖo mimɔ ɛ dó mɔ mɛ nyanya wɛ, bo zɔ́n bɔ è hu i

• 2Ta 33:1-16: Axɔ́sú Manasée nyí mɛ nyanya ɖésú; é ɖo mɔ̌ có, Jexóva sɔ́ hwɛ kɛ ɛ, hwenu e hwɛ tɔn lɛ́ vɛ́ n’i é. Manasée ɖe xlɛ́ ɖɔ émí húzú nǔgbó, gbɔn ahwan e é tɔ́n bǒcyɔsinsɛn é kpó alɔ e é dó Izlayɛ́li ví lɛ́ bɔ yě lɛ́ jɛ Jexóva sɛn jí é kpó gblamɛ

Kpɔ́ndéwú Biblu tɔn e sixú d’alɔ we lɛ́ é:

• 2Sa 12:13; 24:1; 1Ax 9:4, 5: Davídi hu hwɛ e syɛ́n tawun lɛ́ é có, Jexóva sɔ́ hwɛ kɛ axɔ́sú énɛ́ e hwɛ tɔn lɛ́ vɛ́ ná é, bo lɛ́ ɖɔ ɖo nukɔnmɛ ɖɔ é nyí gbejínɔtɔ́

Kpɔ́ndéwú Biblu tɔn e sixú d’alɔ we lɛ́ é:

• Mt 26:36, 40, 41: Ahwanvú Jezu tɔn e sɛkpɔ́ ɛ hú gǎn lɛ́ é d’amlɔ hwenu e é ɖó hudó yětɔn hú gǎn é; é ɖo mɔ̌ có, kpó xomɛnyínyɔ́ kpó ɔ, é mɔ nǔ jɛ dogbó yětɔn lɛ́ wú

• Mt 26:69-75; Lk 24:33, 34; Mɛ 2:37-41: Piyɛ́ɛ gbɛ́ ɖɔ émí kún tuun Jezu ó azɔn atɔn, amɔ̌, Jezu sɔ́ hwɛ kɛ mɛsɛ́dó énɛ́ e hwɛ tɔn vɛ́ ná é; ɖo fínfɔ́n sín kú Jezu tɔn gúdo ɔ, é tɔ́n dó Piyɛ́ɛ jí ɖó vo, bɔ ɖo nukɔnmɛ ɔ, é sɔ́ wǔjɔmɛzɔ́ bǔnɔ ɖé lɛ́ d’así n’i ɖo agun ɔ mɛ

Kpɔ́ndéwú Biblu tɔn e sixú d’alɔ we lɛ́ é:

• Mt 23:29-33: Jezu gb’akpá nú sɛ́nkplɔ́nmɛtɔ́ lɛ́ kpó Falizyɛn lɛ́ kpó ɖɔ è ná ɖó Jeyɛ́nu sín hwɛ nú kplékplé yětɔn, alǒ è ná sú kún yětɔn dó káká sɔ́yi

• Jn 17:12; Mk 14:21: Jezu ylɔ́ Judási Isikaliɔ́ti ɖɔ “mɛ e è ná sú kún dó ná é” bo lɛ́ ɖɔ ɖɔ é ná ko nyɔ́ nú mɛsaɖutɔ́ énɛ́ hú ɖɔ é ní gɔn gbɛ wá