Kandai Biblu tọn he gandego (lẹ):

• Slm 78:40, 41; 106:36-46​—Whlasusu wẹ Jehovah jona omẹ etọn tasinyẹntọ lẹ, dile etlẹ yindọ ylanwiwa yetọn lẹ nọ vẹna ẹn yì ahun mẹ

• Luk 15:11-32​—Nado do obá he mẹ Jehovah nọ jonamẹ jẹ hia, Jesu na apajlẹ gando lehe otọ́ lẹblanunọ de yinuwa hẹ visunnu tasinyẹntọ he wá lẹnvọjọ de do go

Kandai Biblu tọn he gandego (lẹ):

• Heb 9:22-28​—Apọsteli Paulu do lehe ohùn Klisti tọn kẹdẹ wẹ hùnali jona ylando lẹ tọn do hia

• Osọ 7:9, 10, 14, 15​—To numimọ mẹ, apọsteli Johanu mọ “gbẹtọ susugege de” he tindo teninọ wiwe de to Jiwheyẹwhe nukọn, gbọn ohùn Klisti tọn he yin kinkọndai lọ gblamẹ

Kandai Biblu tọn he gandego (lẹ):

• Job 42:7-10​—Whẹpo Jehovah do de nukunbibia Jobu tọn sẹ̀ bo vọ́ agbasalilo dagbe de na ẹn gọna adọkun etọn lẹ, Ewọ biọ to Jobu si nado hodẹ̀ do họntọn etọn atọ̀n he dọ ohó agọ̀ gando e go lẹ tamẹ

• Mt 18:21-35​—Jesu na apajlẹ de nado dohia to aliho he họnwun mẹ dọ nujọnu wẹ e yin nado nọ jona mẹdevo lẹ eyin mí jlo dọ yè ni nọ jona mílọsu

 Kandai Biblu tọn he gandego (lẹ):

• Slm 32:1-5; 51:1, 2, 16, 17​—Na ylando sinsinyẹn he Ahọlu Davidi wà lẹ wutu, ewọ blawu taun bosọ jẹflumẹ sinsinyẹn, amọ́ e wá lẹnvọjọ sọn ahun mẹ wá

• Jak 5:14-16​—Jakọbu basi zẹẹmẹ dọ eyin mí waylando sinsinyẹn de, mí dona yì mọ mẹho agun tọn lẹ

Kandai Biblu tọn he gandego (lẹ):

• 1Ah 21:27-29; 2Ot 18:18-22, 33, 34; 19:1, 2​—Whenue Jehovah gblewhẹdo Ahọlu Ahabi, ahọlu lọ whiwhẹ ede bọ Jehovah do lẹblanu hia ẹ jẹ obá de mẹ; ṣigba kunnudenu depope ma dohia dọ e lẹnvọjọ nugbonugbo, enẹwutu Jehovah gbẹ́ pọ́n ẹn hlan di mẹylankan, bo hẹn ẹn diun dọ e yin hùhù

• 2Ot 33:1-16​—Ahọlu Manasse waylando jẹ obá he ylan taun mẹ, etomọṣo Jehovah jona ẹn to whenue e lẹnvọjọ. Manasse dohia dọ emi lẹnvọjọ bo diọ nugbonugbo gbọn alọgigọna Islaelivi lẹ nado jo boṣiọ-sinsẹ̀n do bo sẹ̀n Jehovah dali

Kandai Biblu tọn he gandego (lẹ):

• 2Sa 12:13; 24:1; 1Ah 9:4, 5​—Dile etlẹ yindọ Davidi waylando sinsinyẹn lẹ, Jehovah jona Ahọlu he lẹnvọjọ lọ bo dlẹnalọdo e to nukọn mẹ taidi dawe tenọgligo-hẹntọ de

Kandai Biblu tọn he gandego (lẹ):

• Mt 26:36, 40, 41​—Hodotọ Jesu tọn he sẹpọ ẹ hugan lẹ damlọn to ojlẹ he mẹ e do hudo alọgọ yetọn tọn hugan te; etomọṣo Jesu gbọn homẹdagbe dali mọnukunnujẹemẹ dọ nugopipe yetọn lẹ do dogbó

• Mt 26:69-75; Luk 24:33, 34; Ow 2:37-41​—Pita mọ́n dọ emi ma yọ́n Jesu whla atọ̀n, ṣigba Klisti jona apọsteli etọn he lẹnvọjọ lọ; Jesu sọawuhia ẹ tlọlọ to fọnsọnku etọn godo bo wá na ẹn lẹblanulọkẹyi vonọtaun lẹ to agun mẹ

Kandai Biblu tọn he gandego (lẹ):

• Mt 23:29-33​—Jesu na avase wekantọ lẹ po Falesi lẹ po dọ taidi pipli de yé na mọ whẹdida Gẹhẹnna tọn yí, kavi yin vivasudo mlẹnmlẹn

• Joh 17:12; Mk 14:21​—Jesu ylọ Juda Iskaliọti dọ “visunnu vasudo tọn lọ” bo dọ dọ e na ko pọnte hugan na mẹdehiatọ ehe eyin e ma ko yin jiji