Baibel sivarai haida:

• Sal 78:​40, 41; 106:​36-46—Ena be Israela taudia ese Iehova idia hahisia, to edia dika ia gwauatao loulou

• Lu 15:​11-32—Iehova ena gwauatao karana be Iesu ese ia haheitalaia totona, tama ta be mai hebogahisi ida ena helalo-kerehai natuna mero ena dika ia gwauatao bona ia abia dae ia gwauraia

Baibel sivarai haida:

• He 9:​22-28—Aposetolo Paulo ia hahedinaraia Keriso ena rara sibona amo Dirava ese iseda kara dika ia gwauatao diba

• Apo 7:​9, 10, 14, 15—Aposetolo Ioane be ia torea hereva amo ia hahedinaraia, Dirava ese “hutuma bada” taudia edia dika ia gwauatao, badina Iesu ena boubou gauna idia abidadama henia

 Baibel sivarai haida:

• Iob 42:​7-10—Iehova ese Iobu ia hamaoroa ia idia gwauraia dika tatau toi totona do ia guriguri, bena ena hisihisi do ia kokia bona ena gorere bona mauri do ia hanamoa

• Mt 18:​21-35—Iesu be haheitalai ta amo ia hahedinaraia, Dirava ese iseda dika ia gwauatao totona ma haida edia dika ita gwauatao be mai anina bada

Baibel sivarai haida:

• Sal 32:​1-5; 51:​1, 2, 16, 17—King Davida be ena kara dika badadia dainai ia lalometau bona lalohisihisi bada, bona mai momokani ida ia helalo-kerehai

• Ia 5:​14-16—Iamesi ia gwau, bema kara dika badana ta ita karaia, namona be elda taudia ita itaia

Baibel sivarai haida:

• 1Ki 21:​27-29; 2Si 18:​18-22, 33, 34; 19:​1, 2—King Ahaba be hahemaoro ia abia neganai, sibona ia hamanaua bona Iehova ese ia hebogahisi henia; to ena kara ia haidaua momokani lasi dainai, Iehova ese ena kara dika ia gwauatao lasi bona ia hamasea

• 2Si 33:​1-16—King Manase be kara dika tauna momokani; to ia helalo-kerehai neganai, Iehova ese ena dika ia gwauatao. Manase be ena kara amo ia hahedinaraia ena kara ia haidaua bona kaivakuku ia kokia bona tomadiho momokani ia durua

Baibel sivarai haida:

• 2Sa 12:13; 24:1; 1Ki 9:​4, 5—Ena be Davida be kara dika badadia ia karaia, to ia helalo-kerehai dainai Iehova ese ena dika ia gwauatao bona kara maoromaoro tauna ia gwauraia

 Baibel sivarai haida:

• Mt 26:​36, 40, 41—Iesu ia ura ia murinai idia raka taudia ese ia do idia durua, to idia mahuta neganai, Iesu ia laloparara idia hesiku bada

• Mt 26:​69-75; Lu 24:​33, 34; Ka 2:​37-41—Petero be nega toi Iesu ia gorea, to ia helalo-kerehai neganai, Iesu ese ena dika ia gwauatao; Iesu ia toreisi lou murinai, Petero dekenai ia hedinarai, bona gabeai ia gaukaralaia kongrigeisen ia durua totona

Baibel sivarai haida:

• Mt 23:​29-33—Iesu ese taravatu hadibaia taudia bona Farisea taudia ia hamaoroa Gehena ena hahemaoro do idia abia, eiava do idia mauri lasi

• Ioa 17:12; Mr 14:21—Iesu ia gwau Iuda Iskariote be “dika do ia davaria tauna,” bona ia gwau unai tauna ia vara lasi be namo