Padon
Jis nan ki pwen Jewova konn padone?
Gade tou 2P 3:9
Istwa nan Bib la ki kapab ede w:
Sm 78:40, 41; 106:36-46 — Byen souvan, Jewova te konn padone pèp li a, malgre peche yo t ap plede fè yo te konn fè l lapenn.
Lk 15:11-32 — Pou Jezi te montre jan Jewova renmen padone, li te bay egzanp yon papa ki gen mizèrikòd ki te byen trete pitit gason l ki te mal aji, men ki te repanti.
Ki sa Jewova te fè pou nou ka jwenn padon pou peche nou?
Istwa nan Bib la ki kapab ede w:
Eb 9:22-28 — Apot Pòl te esplike san Jezi se sèl mwayen Bondye bay pou moun jwenn padon pou peche yo.
Re 7:9, 10, 14, 15 — Apot Jan te fè yon vizyon kote l te wè “yon gwo foul moun” ki te pwòp nan je Bondye grasa san Kris.
Si n vle pou Jewova padone nou, ki sa n dwe fè lè lòt moun peche kont nou?
Mt 6:14, 15; Mk 11:25; Lk 17:3, 4; Jk 2:13
Istwa nan Bib la ki kapab ede w:
Jb 42:7-10 — Anvan Jewova te retire tribilasyon Jòb yo e fè l retounen vin an sante, epi fè l jwenn richès li yo ankò, li te mande l pou l priye pou twa konpayon l yo ki te pale l mal.
Mt 18:21-35 — Jezi te bay yon egzanp ki te montre jan li enpòtan pou n padone lòt moun si n vle Jewova padone nou.
Nan ki pwen li enpòtan pou n konfese peche nou yo e pou n repanti ak tout kè nou?
Istwa nan Bib la ki kapab ede w:
Sm 32:1-5; 51:1, 2, 16, 17 — Wa David te santi l kraze, li te santi l tris anpil poutèt peche grav li te fè yo, men li te repanti ak tout kè l.
Jk 5:14-16 — Jak te fè konnen si nou fè yon peche grav, nou dwe al kot ansyen yo.
Ki chanjman nou dwe fè si nou vle Jewova padone nou?
Istwa nan Bib la ki kapab ede w:
1Wa 21:27-29; 2Kw 18:18-22, 33, 34; 19:1, 2 — Lè wa Ahab te aprann Jewova t apral pini l, li te imilye tèt li, se sa k fè Jewova te fè l mizèrikòd, men kòm li pa t repanti toutbon, Jewova te toujou konsidere l kòm yon mechan e yo te touye l.
2Kw 33:1-16 — Wa Manase te mechan anpil, poutan, Jewova te padone l lè l te repanti. Manase te montre li chanje toutbon lefètke li te konbat adorasyon zidòl e li te ankouraje moun pratike vrè adorasyon an.
Jis nan ki pwen Jewova dispoze padone moun ki repanti toutbon yo?
Sm 103:10-14; Eza 1:18; 38:17; Jr 31:34; Mi 7:19
Istwa nan Bib la ki kapab ede w:
2Sa 12:13; 24:1; 1Wa 9:4, 5 — Malgre wa David te fè yon seri peche ki te grav anpil, Jewova te padone l paske l te repanti, e pi devan Jewova te pale de li kòm yon moun ki fidèl.
Ki jan Jezi te imite fason Jewova dispoze padone moun?
Istwa nan Bib la ki kapab ede w:
Mt 26:36, 40, 41 — Disip Jezi ki te pi pwòch avè l yo t ap dòmi nan moman li te plis bezwen yo a, malgre sa, avèk bonte, Jezi te konprann limit yo.
Mt 26:69-75; Lk 24:33, 34; Tr 2:37-41 — Pandan twa fwa, Pyè te nye Jezi, men Jezi te padone apot sa a ki te repanti; Jezi te parèt devan l pèsonèlman apre l te fin resisite; annapre, li te ba l yon seri privilèj espesyal nan kongregasyon an.
Ki jan nou fè konnen padon Jewova gen limit?
Mt 12:31; Eb 10:26, 27; 1J 5:16, 17
Istwa nan Bib la ki kapab ede w:
Mt 23:29-33 — Jezi te fè espè nan Lalwa yo ak Farizyen yo konnen yo merite pou y al nan Jeyèn, sa vle di pou yo detwi pou toutan.
Jan 17:12; Mk 14:21 — Jezi te rele Jida Iskaryòt “pitit destriksyon an” e li te fè konnen li t ap pi bon si nonm trèt sa a pa t fèt ditou.
Ki sa k ka motive kretyen yo pou yo padone lòt moun?
Lòt sijè ki enteresan
REPONS BIB LA BAY
Èske Bondye ap padone m?
Gade sa Bib la di n pou n fè pou n ka jwenn padon nan men Bondye.
TOUDEGAD
Mwen aprann Jewova gen mizèrikòd e li konn padone
Pou Normand Pelletier, twonpe moun te tankou yon dwòg. Men, gen yon vèsè nan Bib la ki te fè l kriye lè l te li l.
ANNOU IMITE LAFWA YO
Pyè — Mèt la te aprann Pyè sa padone vle di
Ki sa Jezi te anseye Pyè sou kesyon padone a? Ki jan Jezi te montre l te padone Pyè?
JEZI SE CHEMEN AN, VERITE A, LAVI A
Pitit gason ki te pèdi a retounen
Ki leson nou ka aprann nan egzanp Jezi bay konsènan pitit gason ki te pèdi a?
ENFÒMASYON SOU NOU
Mande pou yo vizite w
Poze yon kesyon ou genyen sou Bib la oubyen aprann plis sou Temwen Jewova yo.
