Bibl taa kɩɖaŋ weyi ɩpɩzɩɣ nɛ ɩsɩnɩ-ŋ yɔ:

• Ke 78:​40, 41; 106:​36-46—Paa Izrayɛɛlɩ mba kaaɖʋ Yehowa ɖɩwɩzɩyɛ tam sakɩyɛ yɔ, eewobi pɩ-yɔɔ nɛ ekpeɣu-wɛ

• Luk 15:​11-32—Yesu tɩŋnɩ kɩɖaʋ nakʋyʋ yɔɔ nɛ ɛwɩlɩ ɛzɩma Yehowa kpakɩɣ nɛ ekpeɣu yɔ; kɩɖaʋ ŋgʋ kɩ-taa ɛyɔɔdɩ caja pʋtɔdɩyɛ nayʋ nɔɔyʋ tɔm. Caja ɛnʋ ekpeɣ ɛ-pɩyalʋ weyi ɛlabɩ kɩwɛɛkɩm ɛlɛ pʋwayɩ ekpiɖi yɔ

Bibl taa kɩɖaŋ weyi ɩpɩzɩɣ nɛ ɩsɩnɩ-ŋ yɔ:

• Ebr 9:​22-28—Apostoloo Pɔɔlɩ lɩzɩ pɩ-taa se Krɩstʋ calɩm yɔɔ ɖeke Yehowa pɩzɩɣ ɛtɩŋna nɛ ekpeɣ-ɖʋ ɖa-kɩwɛɛkɩm

• Nat 7:​9, 10, 14, 15—Yohanɛɛsɩ mawa se Ɛsɔ kpeɣu «samaɣ sɔsɔɔ» ka-kɩwɛɛkɩm, mbʋ pʋyɔɔ yɔ kɛwɛnɩ tisuu Yesu kɩlaʋ yɔɔ

Bibl taa kɩɖaŋ weyi ɩpɩzɩɣ nɛ ɩsɩnɩ-ŋ yɔ:

• Yɔb 42:​7-10—Pʋcɔ nɛ Yehowa waa Yɔɔb nɛ ɛwazɩ-ɩ lɛ, eheyi-i se ɛtɩmɩ abalaa 3 mba pɔyɔɔdɩ tɔm kɩdɛkɛdɩtʋ ɛ-yɔɔ yɔ pɔ-yɔɔ

• Mat 18:​21-35—Yesu tuu eduuye naɖɩyɛ nɛ ɖɩwɩlɩɣ mbʋ pʋyɔɔ pɩcɛyaa se ɖikpeɣ lalaa pa-kɩwɛɛkɩm ye ɖɩsɔɔlaa se Yehowa ekpeɣ-ɖʋ yɔ

Bibl taa kɩɖaŋ weyi ɩpɩzɩɣ nɛ ɩsɩnɩ-ŋ yɔ:

• Ke 32:​1-5; 51:​1, 2, 16, 17—Wiyaʋ Daviid labɩ kɩwɛɛkɩm sɔsɔm lɛ, pɩcɛyɩ-ɩ siŋŋ nɛ ekpiɖi pɩ-yɔɔ nɛ ɛtɛ ɛ-taa

• Yak 5:​14-16—Yakubu lɩzɩ pɩ-taa se ye ɖɩlabɩ kɩwɛɛkɩm sɔsɔm nabʋyʋ yɔ, pɩwɛɛ se ɖiwolo nɛ ɖɩna ɛzʋtʋyaa

Bibl taa kɩɖaŋ weyi ɩpɩzɩɣ nɛ ɩsɩnɩ-ŋ yɔ:

• 1Aw 21:​27-29; 2Kr 18:​18-22, 33, 34; 19:​1, 2—Wiyaʋ Ahaabɩ kaawɛ laŋwɛɛkɩyɛ taa mbʋ pʋyɔɔ yɔ ɛɛnawa se Yehowa kaɣ hɔm ɛ-nɩŋgbaŋʋʋ ɛ-kɩwɛɛkɩm yɔɔ, ɛlɛ etaakpiɖi nɛ ɛtɛ ɛ-taa, pʋyɔɔ Yehowa tikpeɣ-i nɛ eyele nɛ pakʋ-ɩ

• 2Kr 33:​1-16—Wiyaʋ Manaasee kaalabɩ kɩwɛɛkɩm siŋŋ, paa mbʋ yɔ Yehowa kpeɣ-i alɩwaatʋ ndʋ ekpiɖaa yɔ. Manaasee kaawɩlaa se ɛlɛɣzɩ kiya mbʋ pʋyɔɔ yɔ pʋwayɩ ɛlʋbɩnɩ sɩɩnaa latʋ nɛ ɛsɩnɩ samaɣ nɛ kɛsɛɛ Yehowa

 Bibl taa kɩɖaŋ weyi ɩpɩzɩɣ nɛ ɩsɩnɩ-ŋ yɔ:

• 2Sa 12:13; 24:1; 1Aw 9:​4, 5—Paa Wiyaʋ Daviid kaalabɩ kɩwɛɛkɩm sɔsɔm yɔ, ekpiɖaa siŋŋ lɛ Yehowa kpaɣ nɛ ekpeɣ-i nɛ pʋwayɩ ɛyɔɔdɩ se ɛɛkɛ ɛyʋ weyi ɛɛwɛ cɩŋgɩlɩm yɔ

Bibl taa kɩɖaŋ weyi ɩpɩzɩɣ nɛ ɩsɩnɩ-ŋ yɔ:

• Mat 26:​36, 40, 41—Yesu wayɩ tɩŋɩyaa mba pakɩlɩ-ɩ ñɔtɩnʋʋ yɔ, paawɛɛ nɛ poɖou alɩwaatʋ ndʋ pɩɩpɔzaa kpem se pakpazɩ-ɩ ɖoŋ yɔ; ɛlɛ Yesu nɩ pɩ-taa se paa paasɔɔlaa se pasɩnɩ-ɩ yɔ pɩɩnɩ-wɛ kpem

• Mat 26:​69-75; Luk 24:​33, 34; Tʋm 2:​37-41—Apostoloo Pɩyɛɛrɩ kpɛzɩ tam nabudozo se ɛɛsɩŋ Yesu. Ɛlɛ ekpiɖaa lɛ, Yesu kpaɣ nɛ ekpeɣ-i. Ɛsɔ fezi Yesu nɛ sɩɖaa taa lɛ, ɛlɩzɩ ɛ-tɩ nɛ ɛwɩlɩ Pɩyɛɛrɩ nɛ pʋwayɩ ɛha-ɩ ŋgee wala naayɛ ɛgbɛyɛ taa

Bibl taa kɩɖaŋ weyi ɩpɩzɩɣ nɛ ɩsɩnɩ-ŋ yɔ:

• Mat 23:​29-33—Yesu paɣ takayɩsɩ mayaa nɛ Farɩsɩ mba se pakaɣ-wɛ ɖʋʋ Gehena taa pʋ-tɔbʋʋ se pakaɣ-wɛ ɖɩzʋʋ kpaagbaa ɖɩzʋʋ

• Yoh 17:12; Mak 14:21—Yesu ya Yudaasɩ Isɩkarɩyɔɔtɩ se «ɖɩzʋʋ pɩyalʋ» nɛ ɛyɔɔdɩ se ye pataalʋlɩ ɛyaa wayɩ lɩyʋ ɛnʋ yɔ, pɩɩwɛ weewee nɛ pɩkɩlɩ