Mashimikila a mu Baibolo:

• Sl 78:40, 41; 106:36-46—Nangwa kya kuba bena Isalela bakozhezhenga Yehoba ku muchima bimye byavula, aye watwajijiletu na kwibalekelako mambo

• Luk 15:11-32—Yesu walumbulwile Yehoba byo alekelako bantu mambo kupichila mu kwingijisha kishimpi kya nsemi wa lusa byo alekejileko mambo mwananji waubile bintu byatama kabiji walapijile

 Mashimikila a mu Baibolo:

• Heb 9:22-28—Paulo walumbulwile’mba Yehoba uketulekelako mambo, mambo Yesu witufwijile

• Lum 7:9, 10, 14, 15—Mutumwa Yoano wanembele’mba Lesa ukalekelako mambo “jibumba jikatampe” mambo baitabila mu kitapisho kya kwa Yesu

Mashimikila a mu Baibolo:

• Yob 42:7-10—Yehoba saka akyangye kufumyapo makatazho, kubuka ne kubwezhezha Yoba bintu byonse, wamwambijile’mba alombeleko banabalume basatu baambile byatama pe aye

• Mat 18:21-35—Yesu waambile pa jishimikila jimo jimwesha’mba twafwainwa kulekelako mambo bakwetu inge tukeba Yehoba kwitulekelako mambo ne atweba

Mashimikila a mu Baibolo:

• Sl 32:1-5; 51:1, 2, 16, 17—Mfumu Davida byo alengele mambo akatampe kyamukolele bingi ku muchima kabiji walapijile kufuma panshi ya muchima

• Ya 5:14-16—Yakoba waambile’mba inge twalenga mambo, twafwainwa kuya na kubuula bakulumpe mu kipwilo

Mashimikila a mu Baibolo:

• 1Mf 21:27-29; 2Mo 18:18-22, 33, 34; 19:1, 2—Mfumu Asa wapopomenwe byo aumvwine’mba Yehoba usakumukambula. Wamwesheshe kulapila kwa bubela, bino kechi walapijile kufuma panshi ya muchima pa kintu kyo aubile ne. Akino kyalengejile Yehoba kubula kumulekelako mambo kabiji wamwipayile

• 2Mo 33:1-16—Mfumu Manase waubile bintu byatama bingi, bino Yehoba wamulekejileko mambo byo alapijile. Manase watendekele kukanya bena Isalela kupopwela bankishi kabiji wibakwashishe kupopwelangatu Yehoba

 Mashimikila a mu Baibolo:

• 2Sa 12:13; 24:1; 1Mf 9:4, 5—Nangwa kya kuba Davida waubile bintu byatama bingi, Yehoba wamulekejileko mambo byo alapijile. Byo papichile myaka, Yehoba waambile pe Davida amba muntu wa kishinka

Mashimikila a mu Baibolo:

• Mat 26:36, 40, 41—Baana ba bwanga ba kwa Yesu balaajile aye saka akebelenga’mba bamukwashe. Bino Yesu wayukile’mba nangwa kya kuba bakebeshe kumukwasha, bakookele bingi

• Mat 26:69-75; Luk 24:33, 34; By 2:37-41—Petelo waambile bimye bisatu amba kechi wamuyuka Yesu ne. Byo alapijile, Yesu wamulekejileko mambo. Kabiji Yesu byo asangukile, wamwekele kwi Petelo ne kumwingijisha kukwasha bipwilo

Mashimikila a mu Baibolo:

• Mat 23:29-33—Yesu waambijile banembeshi ne Bafaliseo amba bonse bakebazhachishisha ku Ngehena nangwa’mba lufu lwa myaka ne myaka

• Yoa 17:12; Mak 14:21—Yesu watongwele Yudasa Isakaliota amba “mwana wa lonaiko.” Kabiji waambile ne kuba’mba kyafwainwe kuwama inge uno nsatuki wabujiletu ne kusemwa