Kuswalela
Kana Jehova walata luli kuswalela?
Samu 86:5; Dan. 9:9; Mika 7:18
Mubone ni 2 Pit. 3:9
-
Mitala ya mwa Bibele yekona kulutusa:
-
Samu 78:40, 41; 106:36-46—Jehova naakuta-kutezi kuswalela batu bahae bane basautwi kusina taba ni kuli nebazwezipili kueza lika zene muutwisa butuku kwa pilu
-
Luka 15:11-32—Jesu ubonisa kuli Jehova waswalelanga ka kufa swanisezo ya ndate yanani makeke, yaswalela mwanaa hae yanaaezize lika zemaswe hahulu, ili yanaabakile
-
Ki lika mañi zanaaezize Jehova kuli libi zaluna likone kuswalelwa?
Joa. 1:29; Maef. 1:7; 1 Joa. 2:1, 2
-
Mitala ya mwa Bibele yekona kulutusa:
-
Maheb. 9:22-28—Muapositola Paulusi utalusa kuli mali a Kreste ki yona feela nzila yeo Jehova aswalela ka yona libi
-
Sin. 7:9, 10, 14, 15—Mwa pono, muapositola Joani ubona “buñata bobutuna bwa batu” babanani mayemo akenile fapilaa Mulimu kabakala mali a Kreste anaasuluzwi
-
Haiba lubata kuli Jehova aluswalele, ki lika mañi zeluswanela kueza babañwi haba lufoseza?
Mat. 6:14, 15; Mare. 11:25; Luka 17:3, 4; Jak. 2:13
-
Mitala ya mwa Bibele yekona kulutusa:
-
Jobo 42:7-10—Pili Jehova asika folisa kale Jobo ni kumufuyaula, umutaluseza kuli alapelele balikani bahae babalaalu bane bamutamelelize litaba za buhata
-
Mat. 18:21-35—Jesu ufa swanisezo yebonisa butokwa bwa kuswalela babañwi haiba lubata kuli ni luna luswalelwe
-
Ki kabakalañi kuipulela libi zaluna ni kubaka habuniti hakuli kwa butokwa hahulu?
Lik. 3:19; 26:20; 1 Joa. 1:8-10
-
Mitala ya mwa Bibele yekona kulutusa:
-
Samu 32:1-5; 51:1, 2, 16, 17—Kabakala libi zahae zetuna, Mulena Davida uikutwa kulobeha pilu ni kuswaba, mi ubaka habuniti
-
Jak. 5:14-16—Jakobo utalusa kuli haiba lueza sibi sesituna, luswanela kuya kwa baana-bahulu
-
Ki licinceho mañi zeluswanela kueza haiba lubata kuli Jehova aluswalele?
Liprov. 28:13; Isa. 55:7; Maef. 4:28
-
Mitala ya mwa Bibele yekona kulutusa:
-
1 Mal. 21:27-29; 2 Makol. 18:18-22, 33, 34; 19:1, 2—Mulena Akabe waikokobeza hautwa kuli Jehova uka mufa koto; niteñi, haabaki habuniti, kacwalo Jehova haamuswaleli mi utahisa kuli abulaiwe
-
2 Makol. 33:1-16—Mulena Manase ki mutu yamaswe hahulu, kono Jehova wamuswalela haabaka. Manase ubonisa kuli ucincize luli ka kulwanisa bulapeli bwa maswaniso ni kuyemela bulapeli bwa niti
-
Jehova uitukiselize kuluswalela hakuma kai haiba lubaka habuniti?
Samu 103:10-14; Isa. 1:18; 38:17; Jer. 31:34; Mika 7:19
-
Mitala ya mwa Bibele yekona kulutusa:
-
2 Sam. 12:13; 24:1; 1 Mal. 9:4, 5—Davida niha ezize libi zetuna hahulu, Jehova wamuswalela kabakala kuli ubakile mi mane hamulaho wa fo, Jehova umutalusa kuli ki muuna yasepahala
-
Jesu naabonisize cwañi kuli walata kuswalela sina feela Jehova?
-
Mitala ya mwa Bibele yekona kulutusa:
-
Mat. 26:36, 40, 41—Balateleli ba Jesu balobala ka nako yatokwa hahulu tuso yabona; nihakulicwalo, Jesu ulemuha kuli bakatezi ki lona libaka habalobezi
-
Mat. 26:69-75; Luka 24:33, 34; Lik. 2:37-41—Halaalu, Pitrosi ulatula kuli hazibi Jesu, kono Kreste uswalela muapositola wahae yabakile. Jesu hasaazusizwe kwa bafu, uiponahaza ku Pitrosi mi hamulaho wa fo umufa buikalabelo bwa butokwa hahulu mwa puteho
-
Luziba cwañi kuli Jehova haana kuswalela batu kaufela?
Mat. 12:31; Maheb. 10:26, 27; 1 Joa. 5:16, 17
-
Mitala ya mwa Bibele yekona kulutusa:
-
Mat. 23:29-33—Jesu ulemusa bañoli ni Bafalisi kuli sina sikwata, katulo yabona ikaba Gehena kamba sinyeho ya kuya kuile
-
Joa. 17:12; Mare. 14:21—Jesu ubiza Judasi Isikariota kuli ki “mwanaa sinyeho” mi ubulela kuli neikaba hande kambe mubeteki yo naasika pepwa
-
Ki lika mañi zekona kutusa Bakreste kulata kuswalela babañwi?
Hape Mwendi Mwakona Kutabela Litaba Ze
LIKALABO KWA LIPUZO ZA BIBELE
Kuswalela Kutalusañi?
Mwa Bibele kunani mihato yeketalizoho yekona kumitusa kuswalela babañwi.
TAWALA YA MULIBELELI
Neniitutile Kuli Jehova Unani Sishemo mi Walata Kuswalela
Bo Normand Pelletier, nebangongwezwi ki mukwa wa kuputelela batu. Kono nebainyazize hahulu hamulaho wa kubala liñolo leliñwi la mwa Bibele.
MULIKANYISE TUMELO YABONA
Pitrosi Naaitutile Kuswalela ku Mulena
Jesu naalutileñi Pitrosi ka za kuswalela? Jesu naafile bupaki bufi bwa kuli naaswalezi Pitrosi ka kutala?
JESU KI YENA NZILA, NITI, NI BUPILO
Mwana Yanaalatehile Wakuta
Ki tuto mañi yelukona kuituta kwa swanisezo ya Jesu ya mwaana wa litaswa?
KA ZA LUNA
Mukupe Kuli Mutu Yomuñwi Ato Mipotela
Munyakisise puzo yeñwi ka za taba ya mwa Bibele, kamba muitute zeñata ka za Lipaki za Jehova.
