Bimfwa bya mu Bible bibwanya kukukwasha:

• Ñi 78:​40, 41; 106:​36-46—Yehova walekela kyaba ne kyaba bantu bandi balumbakana nansha bubi bwabo byobumusansa ku mutyima

• Luk 15:​11-32—Yesu walombola muswelo ulekelanga Yehova na kuleta kyelekejo kya muswelo walonga mbutwile kudi wandi mwana walubile ino wesāsa

Bimfwa bya mu Bible bibwanya kukukwasha:

• Bah 9:​22-28—Mutumibwa Polo walombola’mba tubwanya kulekelwa bubi enka kupityila ku mashi a Kidishitu kete

• Kus 7:​9, 10, 14, 15—Mutumibwa Yoano wamone mu kimonwa “kibumbo kikatampe” kya bantu betabijibwe na Leza pa mwanda wa mashi amwangile Kidishitu

Bimfwa bya mu Bible bibwanya kukukwasha:

• Yob 42:​7-10—Kumeso kwa Yehova kupwija byamalwa bya Yoba ne kumujokejeja bukomo bwa ngitu ne ntundubuko, wanena Yoba alombele bidi pangala pa balunda nandi basatu badi bamunenena bibi

• Mat 18:​21-35—Yesu waleta kyelekejo kikunka mutyima kilombola mvubu ya kulekela bakwabo shi tusaka netu kulekelwa

Bimfwa bya mu Bible bibwanya kukukwasha:

• Ñi 32:​1-5; 51:​1, 2, 16, 17—Mulopwe Davida weivwana bu musonsakanibwe ne mutyumukwe mutyima pa mwanda wa bubi bwandi bukatampe, inoko wesāsa bya binebine

• Yak 5:​14-16—Yakoba washintulula’mba shi tubalonga bubi bukatampe, tufwaninwe kwenda kudi bakulumpe

 Bimfwa bya mu Bible bibwanya kukukwasha:

• 1Ba 21:​27-29; 2Bi 18:​18-22, 33, 34; 19:​1, 2—Mulopwe Ahaba pawatyibilwa mambo, wetyepeja ne Yehova nandi wamufwila lusa; ino uno mulopwe paaleka kulombola kwisāsa kwa binebine, Yehova wamumone bu mubi, o mwanda wamuletela kyamalwa

• 2Bi 33:​1-16—Mulopwe Manase i mubi bya binebine; ino pawesāsa, Yehova wamulekela; Manase walombola’mba i mushinte bya binebine na kutalula’ko butōtyi bwa bilezaleza ne kujokeja butōtyi butōka

Kimfwa kya mu Bible kibwanya kukukwasha:

• 2Sa 12:13; 24:1; 1Ba 9:​4, 5—Nansha Davida byaalonga bubi bukatampe, ino Yehova walekela uno mulopwe wesāsa kadi wamutela mwenda mafuku amba i muntu wa bululame

Bimfwa bya mu Bible bibwanya kukukwasha:

• Mat 26:​36, 40, 41—Balondi ba pa bwipi ba Yesu abalāla tulo mu kitatyi kyasakilwa bukwashi; nansha nankyo, Yesu webevwana

• Mat 26:​69-75; Luk 24:​33, 34; Bil 2:​37-41—Petelo watune misunsa isatu amba kayukilepo Yesu Kidishitu, inoko Yesu wafwila lusa uno mutumibwa wesāsa; Yesu pa kupwa kusanguka wakemone na mutumibwa Petelo mpala na mpala; mwenda mafuku, wamupe madyese a pa bula mu kipwilo

Bimfwa bya mu Bible bibwanya kukukwasha:

• Mat 23:​29-33—Yesu wadyumuna basonekeji ne Bafadiseo mu kikonge amba basa kutyibilwa butyibi bwa kwelwa mu Ngehena, nansha’mba konakanibwa lonso

• Yoa 17:12; Mak 14:21—Yesu watela Yudasa Isakadiota amba i “mwana wa bonakani” kadi wanena’mba byadi biyampe longa uno ndalandala kabutwilwepo nansha kubutulwa kwine