Weyo Richo
Jehova weyo richo e okang’ ma romo nade?
Ne bende 2Pe 3:9
-
Ndiko motudore gi wachno:
-
Za 78:40, 41; 106:36-46—Kata obedo ni Jo-Israel ne chwanyo Jehova nyading’eny, noweyonegiga richogi nyadinwoya
-
Luk 15:11-32—Yesu nolero kaka Jehova weyoga richo kotiyo gi ranyisi mar wuoro moro ma ne ong’wono ne wuode, bang’ ka wuodeno noseloko chunye
-
Ang’o ma Jehova notimo mondo owenwa richowa?
-
Ndiko motudore gi wachno:
-
Hib 9:22-28—Jaote Paulo nolero ni remb Yesu kende e ma nyalo miyo owenwa richowa
-
Fwe 7:9, 10, 14, 15—Jaote Johana nondiko ni Nyasaye ng’wono ne ‘oganda mang’ongo’ nikech giketo yie kuom misango mar Yesu
-
Ka wadwaro ni Jehova ong’wonnwa, ang’o ma nyaka watim sama jomamoko otimonwa richo moro?
Mat 6:14, 15; Mar 11:25; Luk 17:3, 4; Jak 2:13
-
Ndiko motudore gi wachno:
-
Ayu 42:7-10—Ka ne pok Jehova ochango kendo guedho Ayub, nonyise ni olem ne chwo adek ma ne owuoyo kuome marach
-
Mat 18:21-35—Yesu notiyo gi ranyisi moro ma nyiso ni mondo Nyasaye owenwa richowa, wan bende nyaka wawe ne ji richogi
-
Ang’o momiyo dwarore ni wahul richowa kendo walok chunywa gadier?
-
Ndiko motudore gi wachno:
-
Za 32:1-5; 51:1, 2, 16, 17—Ruoth Daudi nowinjo marach ahinya bang’ timo richo moko madongo kendo noloko chunye gadier
-
Jak 5:14-16—Jakobo nolero ni ka watimo richo moro maduong’, to onego wadhi ir jodong-kanyakla
-
Gin lokruoge mage ma nyaka watim ka wadwaro ni Jehova owenwa richowa?
-
Ndiko motudore gi wachno:
-
1Ru 21:27-29; 2We 18:18-22, 33, 34; 19:1, 2—Ruoth Ahab nobolore ka ne owinjo ni Jehova dhi kume, omiyo Jehova nong’wonone e okang’ moro; kata kamano, ne ok oloko chunye gadier omiyo Jehova ne onege
-
2We 33:1-16—Ruoth Manase notimo gik maricho ahinya, kata kamano, Jehova nong’wonone nikech noloko chunye gadier. Bang’ mano, Manase notemo geng’o ji mondo kik gilam sanamu kendo nokonyogi mondo gilam Jehova
-
Jehova oikore ng’wono ne joricho moloko chunygi e okang’ ma romo nade?
Za 103:10-14; Isa 1:18; 38:17; Jer 31:34; Mik 7:19
-
Ndiko motudore gi wachno:
-
2Sa 12:13; 24:1; 1Ru 9:4, 5—Kata obedo ni Daudi notimo richo madongo, Jehova ne ong’wonone nikech noloko chunye, to mano nomiyo oluonge ni ng’at makare
-
Ere kaka Yesu noluwo ranyisi mar Jehova mar bedo moikore weyo ne ji richogi?
-
Ndiko motudore gi wachno:
-
Mat 26:36, 40, 41—Osiepe Yesu ma ne ni machiegni kode ne nindo e kinde ma ne odwarogie moloyo, kata kamano, Yesu nong’eyo nyawo ma ne gin-go
-
Mat 26:69-75; Luk 24:33, 34; Tic 2:37-41—Petro nokwedo Yesu didek, kata kamano, Yesu ne ong’wonone nikech noseloko chunye; bang’ chier, Yesu nolimo Petro kendo nomiye migepe moko makende e kanyakla
-
Wang’eyo nade ni nitie jomoko ma Jehova ok bi ng’wononegi?
Mat 12:31; Hib 10:26, 27; 1Jo 5:16, 17
-
Ndiko motudore gi wachno:
-
Mat 23:29-33—Yesu nochiwo siem ne jondiko kod Jo-Farisai ni ne idhi witgi e Gehena kata ne gidhi yudo kethruok mosiko
-
Joh 17:12; Mar 14:21—Yesu noluongo Judas Iskariot ni “wuod kethruok” kendo nowacho ni dine obedo maber ka ja andhogano ne ok onyuol
-
Ang’o ma nyalo konyowa ng’wono ne jomamoko?
Samoro Inyalo Hero Magi Bende
OHINGA MAR JARITO
Ne Afwenyo ni Jehova En Ng’at ma Kecho Ji Kendo Weyonegi Kethogi
Normand Pelletier ne ong’iyo gi timbe mecho. Kata kamano pi wang’e ne ochuer ka ne osomo wes moro e Muma.
LUW YIE MARGI
Ruoth ne Opuonje Weyo ne Ji Kethogi
Ang’o ma Yesu nopuonjo Petro e wi weyo ne ji kethogi? Ere kaka Yesu nonyiso ni noweyo ne Petro kethone chuth?
YESU E YO, E ADIERA, KENDO E NGIMA
Wuowi ma ne Olal Oduogo
Gin puonj mage mwanyalo puonjore kuom ngero ma Yesu nogoyo e wi wuowi ma ne olal?
WECHE E WIWA
Kwa Mondo Opuonji Muma Nono ma Onge Chudo
Yud puonjruok Muma ma onge chudo e sa mowinjore kodi kendo e kama ihero.
