Bible-a entîrna(te):

• Sâm 78:40, 41; 106:36-46—Jehova chuan a mi luhlul takte sualnain a rilru tina hle mah se, anni chu vawi tam tak a ngaidam

• Lk. 15:11-32—Isua chuan khawngaihna ngah tak pain a fapa luhlul tak; mahse, inchhîrna lantîrtu a cheibâwl dân sawiin, Jehova ngaihdamna a târ lang

Bible-a entîrna(te):

• Heb. 9:22-28—Tirhkoh Paula chuan Krista thisen chu sualte ngaihdamna atâna ruahmanna awmchhun a nih dân a hrilhfiah

• Thup. 7:9, 10, 14, 15—Tirhkoh Johana’n inlârnaah Krista thisen avânga Pathian hmaa mi fel nia ding thei “mipui tam tak” a hmu

Bible-a entîrna(te):

• Job. 42:7-10—Jehova’n Joba hrehawm tawrhnate a tihbo va, hrisêlna leh hausaknate a pêk leh hmain, Joba chu a chunga dik lo taka thusawitu a ṭhian pathumte tâna ṭawngṭai tûrin a phût

• Mt. 18:21-35—Isua chuan mahni ngeiin ngaihdam hlawh kan duh chuan, mi dangte ngaihdam a pawimawhzia tehkhin thu ṭha tak a sawi

Bible-a entîrna(te):

• Sâm 32:1-5; 51:1, 2, 16, 17—Thil sual lian tak a tih avângin, Lal Davida chuan hrehawm a ti tak zet a, thinlung takin inchhîrna a lantîr

• Jak. 5:14-16—Jakoba chuan thil sual lian tak kan ti a nih chuan, kohhran upate kan pan a ngai tih a sawi

Bible-a entîrna(te):

• 1 Lal. 21:27-29; 2 Chro. 18:18-22, 33, 34; 19:1, 2—Lal Ahaba chu a chungthu rêl a nih chuan, inngaihtlâwmna a lantîr a, Jehova’n a chungah khawngaihna a lantîr a ni; mahse, inchhîrna dik tak a lantîr loh avângin, Jehova’n ani chu a la sual reng tih a hmu a, a tihlum ta a ni

• 2 Chro. 33:1-16—Lal Manasea chu lal sual tak a ni a; mahse, inchhîrna a lantîr chuan Jehova’n a ngaidam a. Manasea chuan milem biaknate dodâlin leh biakna dik chawisânna hmangin a inthlâk danglamzia a lantîr

 Bible-a entîrna(te):

• 2 Sam. 12:13; 24:1; 1 Lal. 9:4, 5—Davida chuan thil sual lian tak ti mah se, Jehova’n inchhîrna lantîrtu, chu lal chu a ngaidam a, a hnuah ani chu mi rinawm angin a sawi

Bible-a entîrna(te):

• Mt. 26:36, 40, 41—Isua’n ṭanpuina a mamawh lai berin a hnungzuitu hnai berte chuan an mutthlûksan a; chutiang chu ni mah se, Isua chuan an tih theih chin tâwk chu a hriatthiampui

• Mt. 26:69-75; Lk. 24:33, 34; Tirh. 2:37-41—Petera’n Isua chu vawi thum a phatsan a; mahse, Krista’n a tirhkoh inchhîr tak chu a ngaidam a; a thawh leh hnuah a mi mal takin a hnênah a inlâr a, a hnuah kohhranah chanvo pawimawh takte a pe

Bible-a entîrna(te):

• Mt. 23:29-33—Isua chuan lehkhaziaktute leh Pharisaite chu a pâwl angin Gehenna rorêlna, a nih loh leh chatuana boralna an tâwk dâwn tih a vaukhân

• Joh. 17:12; Mk. 14:21—Isua’n Juda Iskariota chu “boral fapa” tiin a ko va, chu phatsantu chu piang suh sela a tân a ṭha zâwk ang tih a sawi