Sugr kũuni
A Zeova tagsg yaa wãn ne sugrã kũuni?
Yɩɩn. 86:5; Dãn. 9:9; Mis. 7:18
Ges-y 2 Pɩy. 3:9.
-
Biiblã kibay sẽn tõe n sõng-yã:
-
Yɩɩn. 78:40, 41; 106:36-46: A Zeova kõo a nin-buiidã sẽn da yaa tõatbã sugr naoor wʋsgo, baa b yel-wẽnã sẽn da sãamd a sũurã.
-
Luk 15:11-32: A Zeezi goma ba sẽn zoe a biig sẽn maan sẽn pa sõma n tek yam n kos sugr nimbãaneg yelle, n wilg a Zeova sẽn kõt sugr to-to wã.
-
Bõe la a Zeova maan tɩ d tõe n paam d yel-wẽnã sugri?
Zã 1:29; Efɛɛ. 1:7; 1 Zã 2:1, 2
-
Biiblã kibay sẽn tõe n sõng-yã:
-
Ebre. 9:22-28: Tẽn-tʋmd a Poll wilgame tɩ yaa ne Kiristã zɩɩmã maasem bal la d tõe n paam d yel-wẽnã sugri.
-
Vẽn. 7:9, 10, 14, 15: Wẽnnaam vẽnega tẽn-tʋmd a Zã t’a yã “kʋʋn-kãseng” sẽn yaa yɩlemd Wẽnnaam nifẽ, Kiristã zɩɩmã sẽn daagã yĩnga.
-
Ned sã n maan bũmb n beeg-do, bõe la d segd n maane, d sã n dat t’a Zeova kõ-d sugri?
Mat. 6:14, 15; Mark 11:25; Luk 17:3, 4; Zak 2:13
-
Biiblã kibay sẽn tõe n sõng-yã:
-
Zoob 42:7-10: Nand t’a Zeova kɩt t’a Zoob toogã sa, la a kɩt t’a le paam laafɩ la arzɛgse, a kɩtame t’a Zoob pʋʋs a zo-rãmb a tãabã sẽn ning-a taalã yĩnga.
-
Mat. 18:21-35: A Zeezi rɩka makr n wilg tɩ d sã n dat t’a Zeova kõ-d sugri, yaa tɩlɛ tɩ d kõt d taabã sugri.
-
Bõe yĩng tɩ tar yõod tɩ d vẽneg d yel-wẽn n togs la d tek yam n kos sugri?
-
Biiblã kibay sẽn tõe n sõng-yã:
-
Yɩɩn. 32:1-5; 51:1, 2, 16, 17: Rĩm a Davɩɩd sẽn maan yel-wẽn-kãsemsã, a sũurã sãama wʋsgo, t’a tek yam n kos sugri.
-
Zak 5:14-16: A Zak yeelame tɩ d sã n maan yel-wẽnde, d segd n tɩ goma ne kãsem-dãmbã.
-
D sã n dat t’a Zeova kõ-d sugri, bõe la d pa segd n maane?
Yel. 28:13; Eza. 55:7; Efɛɛ. 4:28
-
Biiblã kibay sẽn tõe n sõng-yã:
-
1 Rĩm. 21:27-29; 2 Kib 18:18-22, 33, 34; 19:1, 2: B sẽn wa n togs rĩm a Akaab a kongrã, a sika a meng t’a Zeova zoe a nimbãanega, la a pa wilg t’a sɩd teka yam n kos sugr ye. Rẽ n kɩt t’a ra yaa nin-wẽng a Zeova nifẽ, t’a kɩt tɩ b kʋ-a.
-
2 Kib 33:1-16: Rĩm a Manase maana sẽn yaa wẽng wʋsgo. La a sẽn tek yam n kos sugrã, a Zeova kõ-a-la sugri. A Manase sãama bõn-naandsã la a lebs n lugl tũudum hakɩɩkã, tɩ wilg t’a sɩd toeemame.
-
D sã n sɩd tek yam n kos sugri, wãn to la a Zeova kõt sugri?
Yɩɩn. 103:10-14; Eza. 1:18; 38:17; Zer. 31:34; Mis. 7:19
-
Biiblã kibay sẽn tõe n sõng-yã:
-
2 Sãm. 12:13; 24:1; 1 Rĩm 9:4, 5: Baa ne rĩm a Davɩɩd sẽn maan yel-wẽn-kãsemsã, a sẽn tek yam n kos sugrã, a Zeova kõ-a-la sugri. Kaoosg zugẽ, a yeelame t’a Davɩɩd yaa burkĩna.
-
Wãn to la a Zeezi wilg t’a rɩkda a Ba wã togs-n-taar kɛpɩ sugrã kũun wɛɛngẽ?
-
Biiblã kibay sẽn tõe n sõng-yã:
-
Mat. 26:36, 40, 41: Wakat ning a Zeezi sẽn da rat sõngr n yɩɩdã, a zo-rãmbã gũsame n bas-a. La a Zeezi pa ning-b taale, bala a ra miime tɩ b yɛɛ wʋsgo.
-
Mat. 26:69-75; Luk 24:33, 34; Tʋʋ. 2:37-41: A Pɩyɛɛr kɩɩsa naoor a tãab t’a pa mi a Zeezi, la a sẽn tek yam n kos sugrã a Zeezi kõ-a-la sugri. A Zeezi vʋʋgrã poore, a vẽnega a meng ne a Pɩyɛɛre, la a kõ-a tʋʋmd sẽn tar yõod wʋsg tigingã pʋgẽ.
-
Bõe yĩng tɩ d tõe n yeel t’a Zeova sugrã tara koaka?
Mat. 12:31; Ebre. 10:26, 27; 1 Zã 5:16, 17
-
Biiblã kibay sẽn tõe n sõng-yã:
-
Mat. 23:29-33: A Zeezi yeela gʋlsdbã ne Fariziyẽ-rãmbã tɩ b pa na n põs Zeyɛn bʋʋdã, rat n yeel tɩ b na n paama sãoong zãng-zãnga.
-
Zã 17:12; Mark 14:21: A Zeezi boola a Zida Iskariot tɩ “sãoong bi-ribla,” la a yeel tɩ b sã n da pa rog nin-kãngã sẽn yaa zãmb soabã n são.
-
Bõe n tõe n kɩt tɩ kiris-ned sak n kõ sugri?
Découvrez aussi…
GŨUSG GASGÃ
M bãngame t’a Zeova yaa nimbãan-zoɛt la sugr kõata
A Normand Pelletier sã n da kaoos n pa paam ned n fibi, a sũur pa noom ye. La a wa n karma vɛrse a ye Biiblã pʋgẽ n daag nintãm.
TALL-Y B TẼEBÃ BUUDU
A Pɩɛɛr zãmsa sugr kũun a Zu-soabã nengẽ
Bõe la a Zezi zãms a Pɩɛɛr sugrã kũun wɛɛngẽ? Bõe la a Zezi maan n wilg t’a kõo a Pɩɛɛr sugri?
A ZEEZI YAA SORE, LA SƖDA, LA VƖƖM
Bi-ribl sẽn da menem n lebg n wa
A Zeezi sẽn wẽ yel-bũnd n gom biig sẽn da menemã zãmsda tõnd bõe?
KIBAY TÕND ZUGU
Kos-y t’a Zeova Kaset soab wa kaag-yã
Bao-y n bãng-y bũmb Biiblã zug wall a Zeova Kaset rãmbã zug n paase.
