Tlapoualistli tlen nojkia tepaleuia:

• Sl 78:40, 41; 106:36-46. Maske israeleuanij miakpa kiijixnamijkej Jehová, ya nochipa kintlapojpoljuiyaya.

• Lu 15:11-32. Jesús kinextik kenijkatsa tetlapojpoljuia Jehová ika nopa tlapoualistli tlen se tetaj katli kitlapojpoljuia ikone katli kichijki tlen amo kinamiki uan teipa moyolkuepki.

Tlapoualistli tlen nojkia tepaleuia:

• Heb 9:22-28. Apóstol Pablo kiijtok ika Jesús imikilis Jehová uelis techtlapojpoljuis.

• Ap 7:9, 10, 14, 15. Apóstol Juan kiijtok Dios kintlapojpoljuik inintlajtlakoljuaj nopa tlauel miakej maseualmej pampa tlaneltokakej ipan Jesús imikilis.

 Tlapoualistli tlen nojkia tepaleuia:

• Job 42:7-10. Kema Jehová ayamo kichikauayaya uan kiteochiuayaya Job, kiiljuik ma momaijto ininpampa nopa eyij tlakamej katli kiistlakauijtoyaj.

• Mt 18:21-35. Ika se neskayotl, Jesús kiijtok tlaj tijnekij Jehová ma techtlapojpoljui, nojkia moneki tikintlapojpoljuisej sekinok.

Tlapoualistli tlen nojkia tepaleuia:

• Sl 32:1-5; 51:1, 2, 16, 17. Tlanauatijketl David tlauel amo kuali kiyolmatiyaya pampa kichijtoya uejueyi tlajtlakoli, yeka moyolkuepki ika nochi iyolo.

• Snt 5:14-16. Santiago kiijtok tlaj se akajya tlajtlakolchiua, moneki kiniljuis ueuejtlakamej.

Tlapoualistli tlen nojkia tepaleuia:

• 1Re 21:27-29; 2Cr 18:18-22, 33, 34; 19:1, 2. Tlanauatijketl Acab kinextik moyolkueptoya kema kimatki Jehová kitlatsakuiltiskia, yeka Jehová kitlasojtlak. Teipa Acab kinextik amo nelia moyolkueptoya, yeka Jehová amo kitlapojpoljuik uan kichijki ma kimiktikaj.

• 2Cr 33:1-16. Maske tlanauatijketl Manasés kichijtoya tlen tlauel amo kuali, Jehová kitlapojpoljuik kema moyolkuepki. Manasés kinextik nelnelia moyolkueptoya pampa nima kichijki kampeka kinijkuenis sekinok teotsitsij uan kiniljuik sekinok ma kiueyichiuakaj Jehová.

Tlapoualistli tlen nojkia tepaleuia:

• 2Sa 12:13; 24:1; 1Re 9:4, 5. Maske David kichijtoya uejueyi tlajtlakoli, Jehová kitlapojpoljuik pampa nelnelia moyolkueptoya; teipa kiijtok David kuali monejnemiltijtoya.

Tlapoualistli tlen nojkia tepaleuia:

• Mt 26:36, 40, 41. Itokilijkauaj Jesús kochkej kema monekiyaya ma kipaleuikaj, pero Jesús kintlasojtlak uan kiilnamijki inijuantij siajtoyaj.

• Mt 26:69-75; Lu 24:33, 34; Hch 2:37-41. Pedro expa kiijtok amo kiixmatiyaya Jesús, pero ya kitlapojpoljuik kema kiitak nelnelia moyolkueptoya. Yeka kema Jesús moyolkuik monextik iixpa uan kimakak sekinok tekitl ipan tlanechikoli.

Tlapoualistli tlen nojkia tepaleuia:

• Mt 23:29-33. Jesús kiniljuik escribas uan fariseos, kintlatsakuiltiskiaj ipan Gehena, nopa kiijtosneki amo kema moyolkuisej.

• Jn 17:12; Mr 14:21. Jesús kiijtok Judas Iscariote eliskia “katli kitsontlamiltisej” uan kiijtok más kuali tlaj amo tlakajtoskia.