Mehlala ya batho ba ka Beibeleng yeo e ka go thušago:

• Ps 78:​40, 41; 106:​36-46—Jehofa o lebalela Baisiraele gantšhi le ge ba dula ba mo kweša bohloko

• Lu 15:​11-32—Jesu o swantšha tsela yeo Jehofa a lebalelago batho ka yona ka go bolela ka papišo ya tate yo a nago le kgaugelo le kamoo tate yoo a swarago morwa wa gagwe yo a itsholago

Mehlala ya batho ba ka Beibeleng yeo e ka go thušago:

• Heb 9:​22-28—Moapostola Paulo o hlalosa gore sehlabelo sa Jesu Kriste ke sona feela se ka dirago gore Jehofa a re lebalele dibe

• Kut 7:​9, 10, 14, 15—Moapostola Johane o ngwadile gore Jehofa o lebalela “lešaba le legolo” dibe ka ge le na le tumelo sehlabelong sa Jesu Kriste

Mehlala ya batho ba ka Beibeleng yeo e ka go thušago:

• Job 42:​7-10—Pele ga ge Jehofa a ka fodiša Jobo le go mo šegofatša, o mo kgopela gore a rapelele bagwera ba gagwe ba bararo bao ba boletšego dilo tše mpe ka yena

•  Mat 18:​21-35—Jesu o hlalosa papišo yeo e bontšhago gore ke ka baka la eng go le bohlokwa gore re lebalele ba bangwe ge e ba le rena re nyaka go lebalelwa

Mehlala ya batho ba ka Beibeleng yeo e ka go thušago:

• Ps 32:​1-5; 51:​1, 2, 16, 17—Kgoši Dafida o nyamišwa ke dibe tše dikgolo tšeo a di dirilego e bile o kwa bohloko kudu, ke moka o a itshola

• Jak 5:​14-16—Jakobo o re eletša gore ge re ka dira sebe se segolo re botše bagolo

Mehlala ya batho ba ka Beibeleng yeo e ka go thušago:

• 1Dik 21:​27-29; 2Kr 18:​18-22, 33, 34; 19:​1, 2—Ge Kgoši Ahaba a ahlolwa, o a ikokobetša ke moka Jehofa o a mo gaugela. Eupša Ahaba ga a itshole go tšwa pelong gomme seo se dira gore Jehofa a mo lebelele e le motho yo mobe ke moka o a mo fediša

• 2Kr 33:​1-16—Kgoši Manase o dira dilo tše mpe kudu eupša Jehofa o a mo lebalela ka gobane a itshola go tšwa pelong. Ka morago ga moo, Manase o leka go thibela Baisiraele go rapela medimo ya diswantšho gomme o ba thuša gore ba hlankele Jehofa

Mehlala ya batho ba ka Beibeleng yeo e ka go thušago:

• 2Sa 12:13; 24:1; 1Dik 9:​4, 5—Dafida o ile a dira dibe tše dikgolo kudu, eupša Jehofa o a mo lebalela ka ge a itshola, ke moka ka morago o mo lebelela e le monna wa go botega

Mehlala ya batho ba ka Beibeleng yeo e ka go thušago:

• Mat 26:​36, 40, 41—Bagwera ba Jesu ba bagolo ba a robala ka nako yeo a ba hlokago ka yona. Jesu o a kwešiša gore ba nyaka go mo thuša, eupša ba no ba ba lapile kudu

• Mat 26:​69-75; Lu 24:​33, 34; Dit 2:​37-41—Petro o latola Jesu gararo, eupša Jesu o lebalela Petro ka ge a itshola. Ka morago ga gore Jesu a tsošwe bahung o iponagatša go yena, ke moka o mo fa mošomo o bohlokwa kudu wa go hlokomela phuthego

 Mehlala ya batho ba ka Beibeleng yeo e ka go thušago:

• Mat 23:​29-33—Jesu o lemoša bamangwalo le Bafarisei gore ba tlo ahlolwa gomme ba išwa Gehenna, goba ba fedišetšwa sa ruri

• Joh 17:12; Mar 14:21—Jesu o bitša Judase Isikariote gore ke “morwa wa tshenyego,” e bile o re go ka ba kaone ge nkabe a se a ka a belegwa