Okweevelwa Ononkhali
Okuti Siovaa uhanda umwe okutweevela?
Tupu tala 2Pe 3:9
-
Lilongesila kovanthu vapopiwa m’Ombimbiliya:
-
Ovii 78:40, 41; 106:36-46 — Siovaa apeho ankho weevela ovanthu vae, namphila ankho valinga ovipuka vimwiihama komutima.
-
Lu 15:11-32 — Sesusi wapopia oñgeni Siovaa aevela, etyi apopia onthengele-popia ya he waevela omona wae ankho welivela.
-
Oityi Siovaa alinga opo etweevele ononkhali mbetu?
Swa 1:29; Ef 1:7; 1Swa 2:1, 2
-
Lilongesila kovanthu vapopiwa m’Ombimbiliya:
-
Heb 9:22-28 — Paulu wapopia okuti Siovaa weevela tupu ononkhali mbetu, otyetyi Sesusi etunkhila.
-
Eho 7:9, 10, 14, 15 — Swau wapopia okuti Huku waevela ononkhali mbovanthu “ovanyingi-nyingi” mokonda vayumba onthumbi motyilikutila tya Sesusi.
-
Inkha tuhanda Siovaa etwevele, oityi tuna okulinga tyina vakwetu vetulinga etyi tyitunumanesa?
Mt 6:14, 15; Mku 11:25; Lu 17:3, 4; Tia 2:13
-
Lilongesila kovanthu vapopiwa m’Ombimbiliya:
-
Som 42:7-10 — Etyi Siovaa ehenevelule Sombe nokumukondolela atyiho ankho ena-tyo, tete wemupopilile aitile-ko omapanga ae vemupopile omapita.
-
Mt 18:21-35 — Sesusi wapopia onthengele-popia imwe opo etulongese okuti Siovaa metweevela vala tyina noonthwe tweevela vakwetu.
-
Oityi omunthu esukisila okupopia onkhali alinga elivele?
-
Lilongesila kovanthu vapopiwa m’Ombimbiliya:
-
Ovii 32:1-5; 51:1, 2, 16, 17 — Ohamba Ndaviti tyina ankho asoka kovivi alingaile, ankho tyimwiihama unene komutima, elivele umwe.
-
Tia 5:14-16 — Tiaku wapopia okuti tyina omunthu amalingi onkhali una okuketyipopila ovakulu vewaneno.
-
Ine tuhanda Siovaa etweevele, oityi tuna okulinga?
-
Lilongesila kovanthu vapopiwa m’Ombimbiliya:
-
1Oh 21:27-29; 2Eh 18:18-22, 33, 34; 19:1, 2 — Etyi Siovaa atuma omuuli wae akapopile Akambe okuti maipaa aveho vomeumbo liae, Akambe eliolo omutima elivele. Siovaa emweevela umwe, mahi mokonda Akambe watwaileko vala okulinga ovipuka ovivi, Siovaa emwipaa.
-
2Eh 33:1-16 — Ohamba Manasesi ankho ulinga ovipuka ovivi unene, mahi etyi elivela Siovaa emweevela. Manasesi welivelele umwe mokonda wahanyenemo ovilolo aviho motyilongo, apopila ovanthu vafende vala Siovaa.
-
Tyina omunthu amelivele, oityi Siovaa alinga?
Ovii 103:10-14; Is 1:18; 38:17; Sel 31:34; Mik 7:19
-
Lilongesila kovanthu vapopiwa m’Ombimbiliya:
-
2Sa 12:13; 24:1; 1Oh 9:4, 5 — Namphila Ndaviti alingile onkhali imwe onene, Siovaa wemwevelele apopi okuti Ndaviti omunthu ukakatela mweetyi tyaviuka.
-
Oityi Sesusi alingile, tyilekesa okuti weevela nga Tate yae?
-
Lilongesila kovanthu vapopiwa m’Ombimbiliya:
-
Mt 26:36, 40, 41 — Sesusi ankho waihamenwa umwe unene mahi ovalongwa vae otyo velele vala. Mahi no ngootyo Sesusi etyinoñgonoka okuti ankho valala tupu, omokonda vaponwa.
-
Mt 26:69-75; Lu 24:33, 34; Ovi 2:37-41 — Petulu wapopile tutatu okuti kei Sesusi, mahi Sesusi emweevela. Etyi Sesusi atutiliswa, aende ku Petulu emwavela otyilinga tyimwe otyinene.
-
Okuti pahe Siovaa apeho weevela umwe vala?
Mt 12:31; Heb 10:26, 27; 1Swa 5:16, 17
-
Lilongesila kovanthu vapopiwa m’Ombimbiliya:
-
Mt 23:29-33 — Sesusi wapopilile ovahoneki vovitumino nova Faliseu okuti mavakayumbwa mo Ngehena, tyilekesa okuti mavakahanywako pala apeho.
-
Swa 17:12; Mku 14:21 — Sesusi wapopia Sunda Isikaliote okuti “omona wehanyauno,” apopi okuti ine katyitilwe ñgeno hahe vali.
-
Oityi matyitukwatesako tweevele vakwetu?