Pordoná
Di bèrdat Yehova ta kla pa pordoná?
Wak tambe 2Pe 3:9
-
Ehèmpel di Beibel:
-
Sl 78:40, 41; 106:36-46—E israelitanan tabata rebelde, i hopi biaha nan tabata hasi Yehova tristu. Tòg, Yehova a pordoná nan bes tras bes
-
Luk 15:11-32—Hesus a konta un ilustrashon di un tata ku a mustra miserikòrdia na su yu hòmber ku tabata rebelde pero ku despues a arepentí. Ku e ilustrashon ei, Hesus a mustra ku Yehova ta kla pa pordoná
-
Kiko Yehova a hasi pa nos por haña pordon pa nos pikánan?
-
Ehèmpel di Beibel:
-
Heb 9:22-28—Apòstel Pablo a splika ku Yehova por pordoná nos nos pikánan pasobra Hesus a sakrifiká su bida pa nos
-
Rev 7:9, 10, 14, 15—Apòstel Huan a skirbi ku Dios ta pordoná e pikánan di e “multitut grandi” pasobra nan tin fe den e sakrifisio di Hesus
-
Si nos ke pa Yehova pordoná nos, kiko nos mester hasi ora otro hende peka kontra nos?
Mat 6:14, 15; Mar 11:25; Luk 17:3, 4; Snt 2:13
-
Ehèmpel di Beibel:
-
Yòb 42:7-10—Promé ku Yehova a kura Yòb i bendishon’é, Yehova a pidi Yòb pa e hasi orashon pa su tres supuesto amigunan ku a papia malu kuné
-
Mat 18:21-35—Hesus a usa un ilustrashon pa mustra ku si nos ke pa Yehova pordoná nos, nos tin ku pordoná otro hende
-
Dikon ta importante pa nos konfesá nos pikánan i arepentí di kurason?
-
Ehèmpel di Beibel:
-
Sl 32:1-5; 51:1, 2, 16, 17—Debí ku Rei David a kometé piká grave, el a sintié masha tristu i kibrá. El a arepentí sinseramente
-
Snt 5:14-16—Santiago a splika ku si nos kometé un piká grave, nos mester bai serka e ansianonan
-
Ki kambio nos mester hasi si nos ke pa Yehova pordoná nos?
-
Ehèmpel di Beibel:
-
1Re 21:27-29; 2Kr 18:18-22, 33, 34; 19:1, 2—Rei Ákab a bira tristu ora el a haña sa ku Yehova lo a kastig’é. Sinembargo, Ákab no tabata realmente arepentí pa loke el a hasi. P’esei, Yehova no a pordon’é, i Yehova a laga mat’é
-
2Kr 33:1-16—Rei Mánases a hasi masha hopi kos malu, pero Yehova a pordon’é pasobra el a arepentí di kurason. Mas despues, Mánases a purba di stòp e israelitanan di adorá dios falsu, i el a yuda nan adorá Yehova
-
Te kon leu Yehova ta pordoná nos si nos arepentí di kurason?
Sl 103:10-14; Isa 1:18; 38:17; Yer 31:34; Mik 7:19
-
Ehèmpel di Beibel:
-
2Sá 12:13; 24:1; 1Re 9:4, 5—Maske David a kometé piká masha grave, Yehova a pordon’é pasobra el a arepentí. Despues, Yehova a referí na David komo un hòmber íntegro
-
Kon Hesus a imitá Yehova, kende semper ta kla pa pordoná?
-
Ehèmpel di Beibel:
-
Mat 26:36, 40, 41—E disipelnan di mas yegá di Hesus a pega soño nèt ora Hesus tabatin mas mester di nan yudansa. Sinembargo, Hesus a komprondé ku maske nan kier a sosten’é, nan tabata demasiado kansá pa hasi esei
-
Mat 26:69-75; Luk 24:33, 34; Ech 2:37-41—Pedro a nenga tres biaha ku e tabata konosé Hesus. Pero, el a arepentí i Hesus a pordon’é. Despues ku Hesus a resusitá, el a bishitá Pedro i dun’é un tarea importante den kongregashon
-
Kon nos por sa ku Yehova no ta pordoná tur hende?
Mat 12:31; Heb 10:26, 27; 1Hn 5:16, 17
-
Ehèmpel di Beibel:
-
Mat 23:29-33—Hesus a spièrta e eskribanan i e fariseonan ku komo grupo nan lo no skapa e huisio di Gehena, esta, destrukshon eterno
-
Hua 17:12; Mar 14:21—Hesus a yama Hudas Iskariòt “yu di destrukshon,” i el a bisa ku lo tabata mihó si e traidor ei no a nase nunka
-
Kiko lo yuda nos pordoná otro hende?
Otro Artíkulo Interesante
PREGUNTA KU BEIBEL TA KONTESTÁ
Kiko Ta Nifiká Pordoná?
Beibel ta menshoná sinku kos ku nos por hasi ku ta yuda nos pordoná un persona.
PREGUNTA KU BEIBEL TA KONTESTÁ
Dios Lo Pordoná Mi?
Haña sa kiko Beibel ta bisa tokante kon Dios ta pordoná.
E TOREN DI VIGILANSIA
Mi A Siña Ku Yehova Ta Miserikòrdioso i Kla pa Pordoná
Estafá hende tabata manera un droga pa Normand Pelletier. Pero un teksto ku el a lesa den Beibel a konmov’é mashá.
IMITÁ NAN FE
Pedro A Siña for di e Maestro Kiko Ta Pordon
Kiko Hesus a siña Pedro tokante pordon? Kon Hesus a demostrá ku el a pordoná Pedro?
HESUS—E KAMINDA, E BÈRDAT I E BIDA
E Yu Pèrdí A Bolbe
Ki lès nos por siña for di e ilustrashon ku Hesus a konta tokante e yu pèrdí?
TOKANTE NOS
Pidi un Bishita
Papia tokante un tópiko di Beibel òf haña sa mas tokante Testigunan di Yehova.
