Bibliachö willakunqan:

• Sl 78:40, 41; 106:36-46. Israelïtakuna mana cäsukur kutin kutin llakitsiyaptimpis Jehoväqa perdonarqanmi.

• Lü 15:11-32. Jesusqa cuentakurqan juk wamra mana allita rurashqa kar arrepentikuptin papänin imanö perdonanqantam, tsënömi rikätsikurqan Jehovä perdonakoq kanqanta.

Bibliachö willakunqan:

• Heb 9:22-28. Jesus wanunqanrëkurlla jutsantsikkunata Jehovä perdonamanqantsiktam apostol Pabluqa shumaq entienditsikurqan.

• Ap 7:9, 10, 14, 15. Apostol Juanmi nirqan Jesus wanunqanman markäkuyanqampita o yärakuyanqampita mëtsikaq nunakunata Jehovä perdonashqa kanqanta.

Bibliachö willakunqan:

• Job 42:7-10. Qeshyampita Jobta manaraq alliyätsir y manaraq bendicirmi, Jehoväqa nirqan llakitseqnin kiman amïgunkunapaq mañakunampaq.

• Mt 18:21-35. Jesusqa juk gobernantipaq y sirweqninkunapaq parlarmi yachatsikurqan Jehovä perdonamänata munarqa nuna mayintsiktaraq perdonanapaq.

Bibliachö willakunqan:

• Sl 32:1-5; 51:1, 2, 16, 17. Alläpa jutsata rurashqa karmi Davidqa alläpa llakikurqan, y llapan shonqunwanmi arrepentikurqan.

• Snt 5:14-16. Santiägum nirqan pipis jutsata rurashqa karqa anciänukunawan parlanampaq.

Bibliachö willakunqan:

• 1Rë 21:27-29; 2Cr 18:18-22, 33, 34; 19:1, 2. Acabqa mana allikunata ruranqampita castïguta chaskinampaq kaqta musyëkurmi alläpa llakikur ayunarqan, tsëmi Jehoväqa llakiparqan. Tsënö kaptimpis, Acabqa manam rasumpatsu arrepentikushqa karqan, tsëmi Jehoväqa wanutsiyänanta permitirqan.

• 2Cr 33:1-16. Gobernanti Manasesqa pasëpa mana alli nunam karqan, peru rasumpa arrepentikurmi santukunata ushakätsirqan y Jehovällatana adorayänampaq yanapakurqan, tsëmi Jehoväqa perdonarqan.

Bibliachö willakunqan:

• 2Sa 12:13; 24:1; 1Rë 9:4, 5. Davidqa alläpa jutsata rurashqa karpis arrepentikurqanmi, tsëmi Jehoväqa perdonarqan y mananam jutsanta yarpararqannatsu, tsëpa rantinqa alli nuna kanqantam nirqan.

Bibliachö willakunqan:

• Mt 26:36, 40, 41. Animayänanta Jesus necesitëkaptinmi discïpulunkunaqa punukäriyarqan; peru Jesusqa pishipashqa o utishqa kayanqanta musyarmi pëkunata llakiparqan y perdonarqan.

• Mt 26:69-75; Lü 24:33, 34; Hch 2:37-41. Pëdruqa kima kutim Jesusta reqinqanta negarqan, peru arrepentikushqa kanqanta rikarmi Jesusqa perdonarqan. Kawariramurqa Pëdrutam yuripurqan, y congregacionchö cristiänu mayinkunata yanapanampaqmi mandarqan.

Bibliachö willakunqan:

• Mt 23:29-33. Mana penqakoq fariseukunata y ley qellqaqkunatam Jesusqa nirqan Gehënachö ushakäyänampaq kaqta: Tsënö nirqa manana kawariyämunampaq kaqtam nirqan.

• Jn 17:12; Mr 14:21. Jesusmi Jüdas Iscariötipaq nirqan ‘ushakänampaq kaq’ nuna kanqanta, tsëpitanam, “mana yurikunqanmi [...] mas alli kanman karqan” nirqan.