Pampachanakuymanta

QALLARINMANMI

Pampachanakuymanta

¿ Jehova Diosqa maynaña huchatapas pampachaykuwachwanchu?

Sl 86:5; Da 9:9; Miq 7:18

Qawaytaq 2Pe 3:9 nisqantapas.

Kaywan tupaq bibliapi willakuykuna:
- Sl 78:40, 41; 106:36-46. Israel runakuna sapa kutilla Jehova Diosta qipanchaptinkupas payqa pampachaqmi.
- Lu 15:11-32. Mayna pampachakuq Jehova Dios kasqanta yachanapaqmi Jesus willakurqa mana allinkunata ruwaq churinta pampachaykuq taytamanta.

¿Imatam Jehova Dios ruwarqa huchanchikkunata pampachawananchikpaq?

Jn 1:29; Ef 1:7; 1Jn 2:1, 2

Kaywan tupaq bibliapi willakuykuna:
- Heb 9:22-28. Apostol Pablom nirqa Jesuspa wañukusqanraykulla Jehova Diosqa huchanchikkunata pampachawasqanchikmanta.
- Ap 7:9, 10, 14, 15. Apostol Juanmi qillqarqa Jesuspa wañukusqanpi iñisqankurayku ‘achkallay-achka runakunapa’ huchanta Jehova Dios pampachasqanmanta.

Jehova Dios pampachaykuwananchikta munaspaqa, ¿imatam ñuqanchikpas ruwananchik pipas mana allinta ruwaruwaptinchik?

Mt 6:14, 15; Mr 11:25; Lu 17:3, 4; Snt 2:13

Kaywan tupaq bibliapi willakuykuna:
- Job 42:7-10. Jehova Diosmi Jobta nirqa paymanta mana allinta rimaq runakunapaq mañakunanpaq, chayta ruwaruptinñam Diosqa chayraq Jobtaqa hampiykurqa hinaspa bendeciykurqa.
- Mt 18:21-35. Jesusmi rikchanachiywan yachachirqa Jehova Dios pampachawananchikta munaspaqa ñuqanchikpas hukkunata pampachananchikpaq.

¿Imanasqataq huchanchikta willakunanchik hinaspa sunqumanta wanakunanchik?

Hch 3:19; 26:20; 1Jn 1:8-10

Kaywan tupaq bibliapi willakuykuna:
- Sl 32:1-5; 51:1, 2, 16, 17. Hatun huchakunata ruwaruspanmi rey Davidqa llumpay hukmanyasqa hinaspa llakisqa karqa, chaymantam sunqumanta wanakurqa.
- Snt 5:14-16. Santiagom nirqa pipas hatun huchata ruwaruspanqa punta apaqkunaman willakunanmanta.

Jehova Dios pampachawananchikta munaspaqa, ¿imakunata saqinapaqmi kallpanchakunanchik?

Pr 28:13; Is 55:7; Ef 4:8

Kaywan tupaq bibliapi willakuykuna:
- 1Re 21:27-29; 2Cr 18:18-22, 33, 34; 19:1, 2. Kamachiq Acabmi Jehova Dios castigananta yacharuspan humillakurqa, chaymi Diosqa llakipayaykurqa. Chaymantam ichaqa sutilla karqa mana wanakusqan, hinaptinmi Jehova Diosqa manaña pampacharqachu, hinaspapas wañuchinankutam saqiykurqa.
- 2Cr 33:1-16. Kamachiq Manases llumpay mana allinkunata ruwaruptinpas wanakusqanraykum Jehova Diosqa pampachaykurqa. Manasespa wanakusqanqa sutillam karqa taytacha-mamachakunata chinkachispan Jehova Diosta yupaychasqanwan.

¿Maynaña huchatapas Jehova Diosqa pampachawanchikchu wanakuptinchikqa?

Sl 103:10-14; Is 1:18; 38:17; Jer 31:34; Miq 7:19

Kaywan tupaq bibliapi willakuykuna:
- 2Sa 12:13; 24:1; 1Re 9:4, 5. Hatun huchakunata David ruwaruptinpas Jehova Diosqa wanakuptinmi pampachaykurqa, chaymanta qipamanmi nirqa Davidqa tukuy sunqunwan Dios serviq kasqanta.

¿Imaynatam Jesus qawachirqa taytan hina pampachakuykuq kasqanta?

Sl 86:5; Lu 23:33, 34

Kaywan tupaq bibliapi willakuykuna:
- Mt 26:36, 40, 41. Jesuspa wakin qatiqninkunam puñururqaku Jesus llakisqa kaspan rikchanankupaq nichkaptinpas, ichaqa entienderqam pisipasqa kasqankurayku puñuywan hapichikusqankuta.
- Mt 26:69-75; Lu 24:33, 34; Hch 2:37-41. Pedrom kimsa kutikama Jesusta negarurqa, Jesusmi ichaqa pampachaykurqa wanakuptin. Jesusqa kawsariruspanmi Pedroman rikuriykurqa, hinaspanmi nirqa iñiqmasinkunata yanapananpaq.

¿Imaynatam yachanchik Jehova Diosqa lliw huchata mana pampachasqanta?

Mt 12:31; Heb 10:26, 27; 1Jn 5:16, 17

Kaywan tupaq bibliapi willakuykuna:
- Mt 23:29-33. Jesusmi iskay uya escribakunatawan fariseokunata nirqa wiñaypaq chinkachisqa kanankumanta.
- Jn 17:12; Mr 14:21. Judas Iscariotetam Jesus nirqa ‘chinkachisqa kananmanta’, nirqataqmi “aswan allinqa kanman karqa chay runapa mana naceyninmi” nispa.

¿Imataq yanapawasun hukkunata pampachanapaq?

Lu 17:3, 4; 1Co 13:4, 5; Ef 4:32; 5:1; Col 3:13

Kaykunatapas leeykuy

Jehova Diosqa llakipayakuqmi hinaspa pampachakuykuqmi

Normand Pelletierqa runakunata engañaspapas hinaspa suwakuspapas manam hukmanrayarqachu. Diospa yachachikuyninmanta uyariruspanmi ichaqa waqakururqa. Paymanta kaypi leeykuy.