Cai yuyaimanda parlaj Bibliapa ejemplocuna:

• Sl 78:​40, 41; 106:​36-46. Israelitacuna Jehová Diosta na cazushpa cutin cutin llaquichijpipash Jehová Diosca paicunata perdonashpami catirca.

• Lu 15:​11-32. Jesusca shuj juyaj taita paipa churi nali cosascunata rurashcamanda arripintirijpi perdonashcatami parlarca. Chai ejemplohuanga Jehová Dios perdonaj cashcatami yachachirca.

Cai yuyaimanda parlaj Bibliapa ejemplocuna:

• Heb 9:​22-28. Apóstol Pabloca Jesús huañushcamandalla Jehová Dios ñucanchi juchacunata perdonai ushashcatami intindichirca.

• Ap 7:​9, 10, 14, 15. ‘Pipash na cuentai ushanalla ashtaca ashtaca gentecunaca’ Jesús paicunapa pecadocunamanda huañushcatami crin. Chaipi crishcamanda Jehová Dios paicunapa pecadocunata perdonai ushashcatami apóstol Juanga escribirca.

Cai yuyaimanda parlaj Bibliapa ejemplocuna:

• Job 42:​7-10. Jehová Diosca Jobta nara jambishpallata, nara bendiciashpallatami paita yangamanda juchachishpa llaquichishca quimsa runacunamanda mañachun mandarca.

• Mt 18:​21-35. Jehová Dios ñucanchicunata perdonachun munashpaca ñucanchicunapash shujcunata perdonana cashcatami Jesusca shuj ejemplohuan yachachirca.

Cai yuyaimanda parlaj Bibliapa ejemplocuna:

• Sl 32:​1-5; 51:​1, 2, 16, 17. Rey Davidca jatun juchacunata rurashcamandami ninandapacha llaquirishpa shungumanda arripintirirca.

• Snt 5:​14-16. Santiagoca pipash shuj jatun juchata rurashpaca ancianocunahuan parlana cashcatami yachachirca.

Cai yuyaimanda parlaj Bibliapa ejemplocuna:

• 1Re 21:​27-29; 2Cr 18:​18-22, 33, 34; 19:​1, 2. Rey Acabca Jehová Dios paita castiganata yachaj chayashpallami llaquilla sintirirca. Shinapash Acabca na ciertopacha arripintirishca carcachu. Chaimi Jehová Diosca na perdonashpa paita huañuchichun cacharca.

• 2Cr 33:​1-16. Rey Manasés nalipacha cashcajpipash ciertopacha arripintirijpimi Jehová Diosca paitaca perdonarca. Manasesca yanga dioscunata tucuchingapaj esforzarishpa y shujcunapash Jehová Diosta adorachun ayudashpami ciertopacha arripintirishpa cambiocunata rurashcata ricuchirca.

Cai yuyaimanda parlaj Bibliapa ejemplocuna:

• 2Sa 12:13; 24:1; 1Re 9:​4, 5. Rey David jatun juchacunata rurashca cajpipash ciertopacha arripintirishcamandami Jehová Diosca paitaca perdonarca. Jipamanga Jehová Diosca rey David paita tucui shunguhuan cazushcatami nirca.

 Cai yuyaimanda parlaj Bibliapa ejemplocuna:

• Mt 26:​36, 40, 41. Jesús paita shinlliyachichun minishtijujpica paipa juyashca discipulocunaca puñushpami quidarca. Shinapash Jesusca paipa discipulocuna shaijushca caimanda puñushcatami intindirca.

• Mt 26:​69-75; Lu 24:​33, 34; Hch 2:​37-41. Pedroca quimsa viajecamanmi “Jesustaca na rijsinichu” nirca. Shinapash ciertopacha arripintirishcamandami Jesusca paitaca perdonarca. Jesús causarishpaca primeroca Pedromanmi ricurirca. Chaipimi congregacionda ayudachunga huaquin responsabilidadcunata Pedromanga mingarca.

Cai yuyaimanda parlaj Bibliapa ejemplocuna:

• Mt 23:​29-33. Jesusca nali escribacunata, nali fariseocunataca “cangunaca tucuchi tucunguichimi” nircami.

• Jn 17:12; Mr 14:21. Jesusca Judas Iscariote ‘tucuchi tucuna runa’ cashcatami nirca. Jesusca paimanda parlashpaca “na nacirishparapashmi ali canman carca” nircami.