Bibliska izveštaija:

• Ps 78:40, 41; 106:36-46 — Iako o Izraelcija but puti dukhavgje e Jehova, ov sekova puti prostinela lenge sine

• Lk 15:11-32 — O Isus sikavgja kobor o Jehova tano spremno te prostinel keda vakergja jekh sporedba bašo jekh milostivo dad so prostingja ple čhaveske kova so kergja lošna bukja, ama pokasno kaingja pe

Bibliska izveštaija:

• Ev 9:22-28 — O apostol Pavle objasninela kaj o Jehova šaj te prostinel amare grevija adaleske so o Isus dengja po životo sar žrtva amenge

• Ot 7:9, 10, 14, 15 — O apostol Jovan ki vizija dikhela jekh „baro mnoštvo manuša“ kaskere grevija tane prostime adaleske so sikavgje vera ki e Isuseskiri žrtva

Bibliska izveštaija:

• Jov 42:7-10 — Angleder te sasljarel hem te blagoslovinel e Jove, o Jehova rodingja lestar te molinel pe ple trine hovavne amalenge

• Mt 18:21-35 — O Isus vakergja jekh sporedba kolaja so sikavgja kaj mora te prostina e javerenge ako mangaja o Jehova te prostinel amenge

Bibliska izveštaija:

• Ps 32:1-5; 51:1, 2, 16, 17 — Adaleske so kergja seriozna grevija, o cari o David sine phago tari dukh hem iskreno kaingja pe

• Jk 5:14-16 — O Jakov objasninela kaj ako kergjem seriozno grevo, valjani te dža ko starešine

Bibliska izveštaija:

• 1Ca 21:27-29; 2Le 18:18-22, 33, 34; 19:1, 2 — O cari o Ahav sine but tažno keda šungja kaj o Jehova ka kazninel le, ama ov na kaingja pe iskreno bašo adava so kergja, adaleske o Jehova na prostingja leske hem dozvolingja te merel

• 2Le 33:1-16 — Iako o cari o Manasija kergja but lošna bukja, o Jehova prostingja leske soske iskreno kaingja pe. Palo adava o Manasija trudingja pe te čhinavel e Izraelcon te obožavinen idolija hem pomožingja lenge te obožavinen e Jehova

Biblisko izveštaj:

• 2Sa 12:13; 24:1; 1Ca 9:4, 5 — Iako o David kergja lošna bukja, o Jehova prostingja leske adaleske so kaingja pe, hem pokasno vakergja kaj o David sine verno manuš

Bibliska izveštaija:

• Mt 26:36, 40, 41 — E Isuseskere najpaše sledbenikija sukje keda najviše valjangje leske, ama o Isus halilo kaj ola mangena te poddržinen le, ama sine but umorna

• Mt 26:69-75; Lk 24:33, 34; Ap 2:37-41 — O Petar trin puti vakergja kaj na pendžarela e Isuse, ama ov kaingja pe bašo adava hem o Isus prostingja leske. Otkeda o Isus sine voskresnimo ov lično pojavingja pe e Petareske hem pokasno dengja le posebna odgovornostija ko sobranija

Bibliska izveštaija:

•  Mt 23:29-33 — O Isus predupredingja e učitelen e zakoneskere hem e fariseen kaj ako na kainena pe, ka oven osudime te oven frdime ki geena, ili javere lafencar, ka oven uništime zasekogaš

• Jvn 17:12; Mr 14:21 — O Isus vakergja kaj o Juda Iskariot tano „okova so ka ovel uništimo“, hem vakergja kaj akale predavnikoske ka ovel sine pošukar te na bijangjovel