Примероря анда Библия

• Пс 78:40, 41; 106:36—46. Хоть через и израильтяноря кай о Иегова най еқвар дуқалас оди, во упалэ и упалэ лэн простияс.

• Лк 15:11—32. Кай тэ сыкавэл, пэскати дэ фартэ простий о Иегова, о Исусо росԥэндя примеро пала дад, саво простисардя лэ шавэс, кала во каисайля.

 Примероря анда Библия

• Евр 9:22—28. О апостало Павло росԥэндя, кай о Иегова можэт тэ простий амарэ бэзэха, важ кода кай о Исусо отдя пэстири жызня важ амэндэ.

• Тн 7:9, 10, 14, 15. О апостало Иоано пистросардя, кай о Иегова простий лэ манушэн, савэ надеинпэ тэ жувэн пэ ԥув, важ лэндири вера андэ лэ Исусостири жэртва.

Примероря анда Библия

• Иов 42:7—10. О Элифазо, о Билдадо и о Цофаро дошалярдэ лэ Иовос, но о Иегова ԥэндя лэсти тэ помангэлпэ важ лэндэ, и кати тоди во исцэлисардя и блаӷословисардя лэс.

• Мф 18:21—35. О Исусо росԥэндя розлашо примеро, кай тэ сыкавэл, васо амэ екжэнэ трэбуй тэ простисарас аврэн, если камас, кай о Иегова тэ простий амэн.

Примероря анда Библия

• Пс 32:1—5; 51:1, 2, 16, 17. О царё Давидо дошалярэлас пэс важ и бэзэха, савэ во стердя, и анда вся оди каияспэ.

• Иак 5:14—16. О Иаково ԥэндя, кай если амэ стердям баро бэзэх, трэбуй тэ жас кай и барэдэр ԥрала.

Примероря анда Библия

• 1Цр 21:27—29; 2Лт 18:18—22, 33, 34; 19:1, 2. Кала о царё Ахаво уӷангля, кай о Иегова сындосардя лэс, во тэлярдя пэс, но на каисайля па чачимастэ, важ када о Иегова на простисардя лэс и стердя кадя, кай во тэ хасарэл пэстири жызня.

• 2Лт 33:1—16. О царё Манасия стердя барэ бэзэха, но каисайля, и о Иегова простисардя лэс. Посли када о Манасия пристодя бут зор, кай и израильтяноря тэ на тэлён лэ хохавнэ дэвлэнди, ай тэ служын лэ Иеговасти.

Примеро анда Библия

• 2См 12:13; 24:1; 1Цр 9:4, 5. О Давидо стердя барэ бэзэха, но каисайля, и о Иегова простисардя лэс. Сар прожылэ бэрша, о Иегова ԥэндя, кай о Давидо сас предано лэсти.

Примероря анда Библия

• Мф 26:36, 40, 41. Хоть лэ Исусостирэ друӷоря засутэ, кала лэсти трэбуй сас, кай вонэ тэ авэн паша лэстэ, во полэлас, кай вонэ камэнас лэсти тэ поможын, просто фартэ цыелэ.

• Мф 26:69—75; Лк 24:33, 34; Дл 2:37—41. О Пётро тривар отԥэнделя лэ Исусостар, но каисайля, и о Исусо простисардя лэс. Ай кала о Исусо рисайля каринг и жызня, во авеля каринг о Пётро и дя лэсти важно дила андэ собрания.

Примероря анда Библия

• Мф 23:29—33. О Исусо ԥэндя, кай если и законикоря и фарисеёря на каинапэ, вонэ попэрэна андэ гиена, аврэ алавэнца, лэн будэр никала на авэла.

• Ин 17:12; Мк 14:21. О Исусо ӷанэнас, кай о Иуда Искариото придэла лэс, важ када ԥэндя, кай во пропащё мануш и фэдэр во тэ на авелоп пэ кадэя люма.