Pitsandzo pya m’Bhibhlya pyakuti pinatiphedza:

• Mas 78:40, 41; 106:36-46—Aizraeli akhatsukwalisa Yahova kazinji kene, mbwenye iye akhaalekerera mwakubwereza-bwereza.

• Luk 15:11-32—Yezu apangiza kuti Yahova asalekerera, pidalonga iye citsandzo ca baba adabvera ntsisi mwanace adatcunyuka thangwi ya pinthu pyakuipa pidacita iye.

Pitsandzo pya m’Bhibhlya pyakuti pinatiphedza:

• Ahe 9:22-28—Mpostolo Paulu alonga kuti Yahova analekerera madawo athu thangwi ya ntsembe ya Kristu.

• Apo 7:9, 10, 14, 15—Mpostolo Juwau aona “mwinji ukulu wa anthu” wakuti ukhali wakutawirika pamaso pa Mulungu thangwi ya ciropa ca Kristu.

Pitsandzo pya m’Bhibhlya pyakuti pinatiphedza:

• Yob 42:7-10—Mbadzati kuwangisa na kupasa nkhombo Yobe, Yahova akhafuna kuti pakutoma Yobe acite phembero thangwi ya axamwali ace atatu aupfakafaka.

•  Mat 18:21-35—Na citsandzo ceneci Yezu apangiza kufunika kwa kulekerera anango khala tisafunambo kulekererwa.

Pitsandzo pya m’Bhibhlya pyakuti pinatiphedza:

• Mas 32:1-5; 51:1, 2, 16, 17—Mambo Dhavidhi atsukwala kakamwe thangwi ya madawo makulu adacita iye, mbwenye iye atcunyuka na ntima onsene.

• Tiy 5:14-16—Tiyago alonga kuti tingacita madawo makulu tisafunika kusaka ciphedzo ca akulu a mpingo.

Pitsandzo pya m’Bhibhlya pyakuti pinatiphedza:

• 1Am 21:27-29; 2Kr 18:18-22, 33, 34; 19:1, 2—Pidadziwa iye kuti anatcunyuswa, Mambo Akabu acepeseka, pontho Yahova nee an’tcunyusa pa ndzidzi unoyu. Mbwenye nakuti Akabu nee apangiza kuti atcunyuka na ntima onsene, Yahova nee amulekerera, pontho amupha.

• 2Kr 33:1-16—Maseze Manase akhali mambo wakuipa kakamwe, Yahova amulekerera pidatcunyuka iye. Manase apangiza kuti akhadacinja pidayesera iye kumalisa pya kulambira madzimunthu, mbaphedza anthu toera alambire Mulungu wandimomwene.

Citsandzo ca m’Bhibhlya cakuti cinatiphedza:

• 2Sa 12:13; 24:1; 1Am 9:4, 5—Maseze Dhavidhi akhadacita madawo makulu kakamwe, iye atcunyuka, pontho Yahova amulekerera; mukupita kwa ndzidzi Yahova alonga kuti Dhavidhi akhali munthu wakulungama.

Pitsandzo pya m’Bhibhlya pyakuti pinatiphedza:

• Mat 26:36, 40, 41—Anyakupfundza a Yezu a ponda ndipondembo agona mu ndzidzi ukhafuna iye kakamwe ciphedzo; ngakhale tenepo, Yezu akhala wakukoma ntima kuna iwo, pontho adzindikira kuti akhadaneta.

• Mat 26:69-75; Luk 24:33, 34; Mab 2:37-41—Pedhru akhonda Yezu katatu, mbwenye Yezu amulekerera pidatcunyuka iye. Pidalamuswa iye muli akufa, Yezu aonekera kuna Pedhru, pontho mukupita kwa ndzidzi ampasa mabasa akufunika kakamwe mu mpingo.

 Pitsandzo pya m’Bhibhlya pyakuti pinatiphedza:

• Mat 23:29-33—Yezu acenjeza alembi na Afarisi kuti mbadatongwa mu Djehena peno mbadafudzwa mbakhonda kuonekabve kwenda na kwenda.

• Ju 17:12; Mar 14:21—Yezu alonga kuti Yuda Iskariyoti ndi munthu “anafuna kudzafudzwa,” pontho alonga kuti mbapidakhala mwadidi mbadakhonda pyace kubalwa.