Ho Tshwarela
Na Jehova o ikemiseditse ho tshwarela?
Sheba le 2Pe 3:9
-
Mehlala ya batho ba ka Bibeleng e ka o thusang:
-
Ps 78:40, 41; 106:36-46—Le hoja Baiseraele ba foseditse Jehova ka makgetlo a mangata, o ne a dula a ba tshwarela
-
Lu 15:11-32—Jesu o hlalosa tshwarelo ya Jehova ka ho etsa mohlala wa ntate ya mohau ya tshwarelang ngwana wa hae ya bakileng ya ileng a etsa dintho tse mpe
-
Jehova o entseng e le hore re ka tshwarelwa dibe?
-
Mehlala ya batho ba ka Bibeleng e ka o thusang:
-
Heb 9:22-28—Moapostola Pauluse o ile a hlalosa hore Jehova a ka tshwarela dibe tsa rona hobane Kreste o ile a nehelana ka bophelo ba hae bakeng sa rona
-
Tshe 7:9, 10, 14, 15—Ponong, moapostola Johanne o ile a bona “bongata bo boholo” bo eme ka pela Modimo bo apere diaparo tse tshweu ka lebaka la madi a Kreste
-
Haeba re batla hore Jehova a re tshwarele, re lokela ho etsang ha ba bang ba re fosetsa?
Mat 6:14, 15; Mar 11:25; Lu 17:3, 4; Jak 2:13
-
Mehlala ya batho ba ka Bibeleng e ka o thusang:
-
Job 42:7-10—Pele Jehova a fodisa Jobo le ho mo hlohonolofatsa, o ile a mo bolella hore a rapelle banna ba bararo ba sa kang ba bua nnete ka yena
-
Mat 18:21-35—Jesu o ile a bua ka bohlokwa ba hore re tshwarele batho ba bang haeba re batla hore Jehova a re tshwarele
-
Ke hobaneng ha ho le bohlokwa hore re bolele dibe tsa rona le hore re bake?
-
Mehlala ya batho ba ka Bibeleng e ka o thusang:
-
Ps 32:1-5; 51:1, 2, 16, 17—Davida o ile a utlwa bohloko haholo ka lebaka la dibe tsa hae tse tebileng a ba a di bakela e le ka nnete
-
Jak 5:14-16—Jakobo o hlalosa hore ha re entse sebe se tebileng re ye ho baholo
-
Re lokela ho etsa di phetoho dife haeba re batla hore Jehova a re tshwarele?
-
Mehlala ya batho ba ka Bibeleng e ka o thusang:
-
1Ma 21:27-29; 2Kr 18:18-22, 33, 34; 19:1, 2—Morena Akabe o ile a bonahala a swabile ha a fumana kahlolo empa ha a ka a bontsha ho baka ka ho feletseng ke ka hoo Jehova a sa kang a mo tshwarela
-
2Kr 33:1-16—Morena Manase o ne a le kgopo haholo empa Jehova o ile a mo tshwarela ha a bontsha hore o bakile. Manase o ile a bontsha hore o bakile e le ka nnete ka ho leka ho fedisa borapedi ba ditshwantsho mme a leka ho thusa Baiseraele hore ba rapele Jehova
-
Jehova o ikemiseditse hakae ho re tshwarela haeba re baka e le ka nnete?
Ps 103:10-14; Esa 1:18; 38:17; Jer 31:34; Mik 7:19
-
Mohlala wa Bibele o ka o thusang:
-
2Sa 12:13; 24:1; 1Ma 9:4, 5—Le hoja Davida a ile a etsa dibe tse tebileng, Jehova o ile a mo tshwarela mme ha morao o ile a re ke monna ya tshepahalang
-
Jesu o ile a bontsha jwang hore Jehova o dula a ikemiseditse ho tshwarela?
-
Mehlala ya batho ba ka Bibeleng e ka o thusang:
-
Mat 26:36, 40, 41—Balatedi ba Jesu ba haufiufi ba ile ba robala nakong eo Jesu a ba hlokang ka ho fetisisa. Le ha ho le jwalo, Jesu o ile a utlwisisa hore ba ne ba kgathetse haholo
-
Mat 26:69-75; Lu 24:33, 34; Dik 2:37-41—Petrose o ile a latola Jesu ka makgetlo a mararo empa Jesu o ile a mo tshwarela. Motho wa pele eo Jesu a ileng a ya ho yena ka mora hore a tsoswe ke Petrose mme o ile a mo fa boikarabelo bo kgethehileng ka phuthehong
-
Re tseba jwang hore Jehova ha a tshwarele batho bohle?
Mat 12:31; Heb 10:26, 27; 1Jo 5:16, 17
-
Mehlala ya batho ba ka Bibeleng e ka o thusang:
-
Mat 23:29-33—Jesu o ile a lemosa bangodi le Bafarisi hore ba tla fediswa ka ho sa feleng Gehena
-
Joh 17:12; Mar 14:21—Jesu o ile a bitsa Judase Iskariota “ya tshwanelang ho fediswa.” O ile a re moeki eo ho ka be ho bile molemo ha a ne a sa tswalwa
-
Ke eng e ka re thusang hore re tshwarele batho ba bang?