Pagpapatawad
Gusto ba talagang magpatawad ni Jehova?
Tingnan din ang 2Pe 3:9
-
Halimbawa sa Bibliya:
-
Aw 78:40, 41; 106:36-46—Kahit maraming beses na sinaktan ng mga Israelita si Jehova, paulit-ulit pa rin niya silang pinatawad
-
Luc 15:11-32—Para ilarawan ang pagpapatawad ni Jehova, gumamit si Jesus ng ilustrasyon tungkol sa isang maawaing ama na pinatawad ang nagsisisi niyang anak
-
Ano ang ginawa ni Jehova para mapatawad ang mga kasalanan natin?
-
Halimbawa sa Bibliya:
-
Heb 9:22-28—Ipinaliwanag ni apostol Pablo na naging posible lang na mapatawad ang mga kasalanan natin dahil sa dugo ni Kristo
-
Apo 7:9, 10, 14, 15—Nakita ni apostol Juan sa isang pangitain ang “malaking pulutong” na may malinis na katayuan sa harap ng Diyos dahil sa dugo ni Kristo
-
Kung gusto nating patawarin tayo ni Jehova, ano ang dapat nating gawin kapag may nagkasala sa atin?
Mat 6:14, 15; Mar 11:25; Luc 17:3, 4; San 2:13
-
Halimbawa sa Bibliya:
-
Job 42:7-10—Bago alisin ni Jehova ang kapighatian ni Job at ibalik ang kalusugan at kasaganaan niya, sinabi Niya kay Job na ipanalangin ang tatlong kasama niyang nagsabi ng di-totoo
-
Mat 18:21-35—Malinaw na inilarawan ni Jesus kung gaano kahalagang patawarin natin ang iba kung gusto nating mapatawad din
-
Gaano kahalaga ang pag-amin sa mga kasalanan natin at ang tunay na pagsisisi?
-
Halimbawa sa Bibliya:
-
Aw 32:1-5; 51:1, 2, 16, 17—Hirap na hirap ang kalooban ni Haring David dahil sa malulubha niyang kasalanan, at talagang nagsisi siya
-
San 5:14-16—Sinabi ni Santiago na kung nakagawa tayo ng malubhang kasalanan, dapat tayong lumapit sa mga elder
-
Anong mga pagbabago ang dapat nating gawin kung gusto nating mapatawad ni Jehova?
-
Halimbawa sa Bibliya:
-
1Ha 21:27-29; 2Cr 18:18-22, 33, 34; 19:1, 2—Nang marinig ni Haring Ahab na paparusahan siya, nagpakumbaba siya kaya pinagpakitaan siya ni Jehova ng awa; pero dahil hindi siya tunay na nagsisisi, hindi siya pinatawad ni Jehova at pinatay siya
-
2Cr 33:1-16—Napakasama ni Haring Manases, pero pinatawad siya ni Jehova noong magsisi siya. Ipinakita ni Manases na nagbago na siya nang alisin niya ang idolatriya at itaguyod ang dalisay na pagsamba
-
Lubusan bang pinapatawad ni Jehova ang mga tunay na nagsisisi?
Aw 103:10-14; Isa 1:18; 38:17; Jer 31:34; Mik 7:19
-
Halimbawa sa Bibliya:
-
2Sa 12:13; 24:1; 1Ha 9:4, 5—Nakagawa ng malulubhang kasalanan si David, pero dahil nagsisi siya, pinatawad siya ni Jehova at itinuring na tapat
-
Paano eksaktong natularan ni Jesus ang pagiging handang magpatawad ni Jehova?
-
Halimbawa sa Bibliya:
-
Mat 26:36, 40, 41—Nakatulog ang pinakamalalapit na tagasunod ni Jesus noong panahong kailangang-kailangan niya sila; pero inunawa ni Jesus na talagang pagod na pagod lang sila
-
Mat 26:69-75; Luc 24:33, 34; Gaw 2:37-41—Tatlong beses na ikinaila ni Pedro si Jesus, pero pinatawad siya ni Jesus nang magsisi siya; nang buhaying muli si Jesus, nagpakita siya kay Pedro at binigyan niya ito ng espesyal na mga pribilehiyo sa kongregasyon
-
Paano natin nalaman na may hangganan ang pagpapatawad ni Jehova?
Mat 12:31; Heb 10:26, 27; 1Ju 5:16, 17
-
Halimbawa sa Bibliya:
-
Mat 23:29-33—Sinabi ni Jesus sa mga mapagkunwaring eskriba at Pariseo na paparusahan sila sa Gehenna, o permanente silang pupuksain
-
Ju 17:12; Mar 14:21—Tinawag ni Jesus si Hudas Iscariote na “anak ng pagkapuksa” at sinabing mas mabuti pa para sa traidor na ito kung hindi siya ipinanganak
-
Ano ang makakatulong sa atin para mapatawad ang iba?