Talanoa Fakatohitapu mahuʻinga:

• Saame 78:​40, 41; 106:​36-46—ʻOku toutou fakamolemoleʻi ʻe Sihova ʻene kakai talangataʻá, neongo ʻa e fakalotomamahi kiate ia ʻenau faiangahalá

• Luke 15:​11-32—ʻOku fakatātāʻi ʻe Sīsū ʻa e fakamolemole ʻa Sihová ʻaki ʻene fakamatala fekauʻaki mo ha tamai faimeesi pea mo ʻene fakafeangai ki hono foha talangataʻa ʻokú ne fakatomala

Talanoa Fakatohitapu mahuʻinga:

• Hep. 9:​22-28—ʻOku fakamatalaʻi ʻe he ʻapositolo ko Paulá ʻa e founga ʻoku hoko ai ʻa e taʻataʻa ʻo Kalaisí ko e founga pē ia ʻe taha ki hono fakamolemoleʻi ʻa e angahalá

• Fkh. 7:​9, 10, 14, 15—Ko e ʻapositolo ko Sioné ʻokú ne sio ʻi ha vīsone ki ha “fuʻu kakai lahi” ʻa ia ʻoku nau maʻu ha tuʻunga maʻa ʻi he ʻao ʻo e ʻOtuá koeʻuhi ko e taʻataʻa ʻo Kalaisi naʻe lilingí

Talanoa Fakatohitapu mahuʻinga:

• Siope 42:​7-10—Ki muʻa ke toʻo ʻe Sihova ʻa e faingataʻa naʻe ʻia Siopé pea ʻai ia ke ne toe moʻui lelei mo lakalakaimonuú, ʻokú Ne fiemaʻu ke fai ʻe Siope ha lotu maʻa hono ngaahi kaungāmeʻa tākiekina hala ʻe toko tolú

• Māt. 18:​21-35—ʻOku fakatātāʻi mahino ʻe Sīsū ʻa e mahuʻinga hono fakamolemoleʻi ʻa e niʻihi kehé kapau ʻoku tau loto ke fakamolemoleʻi kitautolu

Talanoa Fakatohitapu mahuʻinga:

• Saame 32:​1-5; 51:​1, 2, 16, 17—Koeʻuhi ko e ngaahi angahala mafatukituki ʻa Tuʻi Tēvitá, ʻokú ne ongoʻi loto-mafesi mo loto-lavea, pea ʻokú ne fakatomala loto-moʻoni

• Sēm. 5:​14-16—ʻOku fakamatalaʻi ʻe Sēmisi kapau te tau fai ha angahala mamafa, ʻoku totonu ke tau ʻalu ki he kau mātuʻá

Talanoa Fakatohitapu mahuʻinga:

• 1 Tuʻi 21:​27-29; 2 Kal. 18:​18-22, 33, 34; 19:​1, 2—ʻI hono fakamāuʻi ʻa Tuʻi ʻĒhapí, ʻokú ne fakatōkilaloʻi ia pea ʻoku fakahāhā ʻe Sihova ha meesi kiate ia; neongo ia, ʻoku ʻikai ke ne fakahaaʻi ha fakaʻilonga ʻo e fakatomala moʻoní, ko ia ʻoku vakai ʻa Sihova kiate ia ko ha tokotaha fulikivanu peá ne tāmateʻi ia

• 2 Kal. 33:​1-16—ʻOku mātuʻaki fulikivanu ʻa Tuʻi Manase; neongo ia, ʻoku fakamolemoleʻi ia ʻe Sihova ʻi heʻene fakatomalá. ʻOku fakahaaʻi ʻe Manase kuó ne liliu moʻoni ʻaki ʻene faitau ke toʻo atu ʻa e lotu ʻaitolí pea pouaki ʻa e lotu maʻá

Talanoa Fakatohitapu mahuʻinga:

• 2 Sām. 12:13; 24:1; 1 Tuʻi 9:​4, 5—Neongo naʻe fakahoko ʻe Tēvita ha ngaahi angahala mātuʻaki mafatukituki, ʻoku fakamolemoleʻi ʻe Sihova ʻa e tuʻi fakatomalá pea lave kiate ia ki mui ange ko ha tangata anga-tonu

Talanoa Fakatohitapu mahuʻinga:

• Māt. 26:​36, 40, 41—Ko e kau muimui ofi taha ʻo Sīsuú ʻoku nau mohe ʻi he taimi ʻokú ne fiemaʻu lahi taha ai ʻenau poupoú; kae kehe, ʻoku fakahaaʻi anga-lelei ʻe Sīsū honau ngātangá

• Māt. 26:​69-75; Luke 24:​33, 34; Ngā. 2:​37-41—ʻOku fakafisingaʻi tuʻo tolu ʻe Pita ʻa Sīsū, ka ʻoku fakamolemoleʻi ʻe Kalaisi ʻene ʻapositolo fakatomalá; ʻoku hā ʻa Sīsū kiate ia fakafoʻituitui hili ʻene toetuʻú pea ki mui ai ʻokú ne ʻoange kiate ia ha ngaahi monū makehe ʻi he fakatahaʻangá

Talanoa Fakatohitapu mahuʻinga:

• Māt. 23:​29-33—ʻOku fakatokanga ʻa Sīsū ki he kau sikalaipé mo e kau Fālesí te nau fehangahangai mo e fakamaau ʻo Kihená pe fakaʻauha taʻengata

• Sione 17:12; Mk. 14:21—ʻOku ui ʻe Sīsū ʻa Siutasi ʻIsikaliote ko e “foha ʻo e ʻauhá” peá ne pehē naʻe mei lelei ange ki he tokotaha lavaki ko ení kapau naʻe ʻikai ke fanauʻi mai ia