Zibalo zyamu Bbaibbele zigwasya:

• Int. 78:​40, 41; 106:​36-46—Nokuba kuti bana Israyeli bakamubisyila Jehova ziindi zinji, wakali kubalekelela cakwiinduluka-induluka

• Lk. 15:​11-32—Jesu wakatondezya Jehova mbwalekelela kwiinda mukwaamba cikozyanyo causyi siluyando iwakalekelela mwanaakwe musankwa iwakacita zibi pele wakeempwa

Zibalo zyamu Bbaibbele zigwasya:

• Heb. 9:​22-28—Paulo wakapandulula kuti Jehova ulakonzya kutulekelela zibi zyesu akaambo kakuti Jesu wakaaba buumi bwakwe akaambo kandiswe

• Ciy. 7:​9, 10, 14, 15—Johane wakalemba kuti Leza ulabalekelela zibi zyabo ‘bankamu mpati’ akaambo kakuti bajisi lusyomo mu Cinunuzyo ca Jesu

Zibalo zyamu Bbaibbele zigwasya:

• Job. 42:​7-10—Jehova katanamuponya Jobu akumulongezya, wakamwaambila kuti abapailile baalumi botatwe ibakali kwaamba zibi kujatikizya nguwe

• Mt. 18:​21-35—Jesu wakaamba caano citondezya kuti tweelede kubalekelela bamwi ikuti katuyanda kuti Jehova atulekelele

Zibalo zyamu Bbaibbele zigwasya:

• Int. 32:​1-5; 51:​1, 2, 16, 17—Akaambo kazibi zyakwe zipati, Mwami Davida wakausa akutyompwa kapati, mpoonya wakeempwa kuzwa ansi aamoyo

• Jak. 5:​14-16—Jakobo wakaamba kuti, ikuti twacita cibi cipati, tweelede kubaambila baalu

Zibalo zyamu Bbaibbele zigwasya:

• 1Bam. 21:​27-29; 2Mak. 18:​18-22, 33, 34; 19:​1, 2—Ciindi Mwami Ahabu naakabetekwa, wakalicesya alimwi Jehova wakamufwida luzyalo; nokuba boobo, kunyina naakeempwa cakuzwa ansi aamoyo, aboobo Jehova wakacili kumubona kuba muntu mubi alimwi wakamujaya

• 2Mak. 33:​1-16—Mwami Manase wakacita zintu zibyaabi zinji mumeso a Jehova, pele Jehova wakamulekelela akaambo kakuti wakeempwa ncobeni. Kuzwa waawo, Manase wakabeleka canguzu kulesya bana Israyeli kukomba mituni akubagwasya kuti kabakomba Jehova

Zibalo zyamu Bbaibbele zigwasya:

• 2Sam. 12:13; 24:1; 1Bam. 9:​4, 5—Nokuba kuti Davida wakacita zibi zipati, Jehova wakamulekelela akaambo kakuti wakeempwa mane kumbele wakamwaamba kuti mwaalumi silusyomo

Zibalo zyamu Bbaibbele zigwasya:

• Mt. 26:​36, 40, 41—Basikutobela Jesu bakoona ciindi Jesu naakali kuyandika lugwasyo ncobeni; pele wakabamvwisya kuti nokuba kuti bakali kuyanda kumugwasya, bakalikatede

• Mt. 26:​69-75; Lk. 24:​33, 34; Mil. 2:​37-41—Petro wakamukaka Jesu ziindi zyotatwe, pele wakeempwa aboobo Jesu wakamulekelela. Naakamana kubusyigwa, Jesu wakamuswaya Petro alimwi kumbele wakamubelesya munzila yaalubazu kuti kagwasya mbungano

Zibalo zyamu Bbaibbele zigwasya:

• Mt. 23:​29-33—Jesu wakacenjezya kuti balembi aba Farisi bateempwi bakali kuyoobetekwa mu Gehena naa kunyonyoonwa cakumaninina

• Joh. 17:12; Mk. 14:21—Jesu wakaamba Judasi Isikariote kuti “mwana walunyonyooko” alimwi wakaamba kuti nocakainda kubota ikuti muntu ooyu naatakazyalwa buyo