Ol eksampel long Baibel:

• Sg 78:​40, 41; 106:​36-46—Lain Israel i mekim sin planti taim na ol i bagarapim bel bilong Jehova, tasol planti taim Em i fogivim ol

• Lu 15:​11-32—Jisas i tok piksa long pasin bilong Jehova long fogivim man olsem wanpela papa i gat pasin marimari na em i redi long fogivim pikinini man bilong em taim em i tanim bel na lusim ol pasin nogut bilong em

Ol eksampel long Baibel:

• Hi 9:​22-28—Aposel Pol i stori long hau blut bilong Krais em wanpela rot tasol bilong God i fogivim ol sin bilong yumi

• Re 7:​9, 10, 14, 15—Long rot bilong visen, aposel Jon i lukim “bikpela lain manmeri” em ol i stap klin long ai bilong God bikos ol i bilip long ofa bilong Jisas

Ol eksampel long Baibel:

• Jop 42:​7-10—Paslain long Jehova i oraitim Jop na givim em gutpela helt na blesim em, Em i tokim Jop long beten askim God long fogivim 3-pela pren giaman bilong em

• Mt 18:​21-35—Jisas i mekim wanpela tok piksa i kamapim klia olsem em i bikpela samting long yumi mas fogivim ol narapela sapos yumi laik bai God i fogivim yumi

Ol eksampel long Baibel:

• Sg 32:​1-5; 51:​1, 2, 16, 17—King Devit i mekim ol bikpela sin tru na dispela i daunim em na bagarapim tru bel bilong em, tasol em i tanim bel

• Jem 5:​14-16—Jems i tok sapos yumi mekim wanpela bikpela sin, yumi mas go lukim ol elda

Ol eksampel long Baibel:

• 1Ki 21:​27-29; 2St 18:​18-22, 33, 34; 19:​1, 2—King Ahap i bel hevi tru taim em i harim olsem Jehova bai givim strafe long em, tasol em i no tanim bel tru long ol pasin nogut bilong em, olsem na Jehova i no fogivim em na larim ol birua i kilim em i dai

• 2St 33:​1-16—King Manase i bin mekim ol pasin i nogut tru, tasol Jehova i fogivim em taim em i tanim bel tru. Manase i soim olsem em i senisim tru ol pasin bilong em taim em i stopim pasin bilong lotuim ol imis na kirapim lain Israel long lotuim Jehova

Ol eksampel long Baibel:

• 2Sm 12:13; 24:1; 1Ki 9:​4, 5—Devit i bin mekim ol bikpela sin tru, tasol Jehova i fogivim dispela king i tanim bel tru na bihain em i kolim em olsem wanpela man bilong givim bel olgeta long Em

Ol eksampel long Baibel:

• Mt 26:​36, 40, 41—Ol gutpela disaipel bilong Jisas i aislip taim em i nidim tru sapot bilong ol, maski i olsem, Jisas luksave olsem ol i taiet tru

• Mt 26:​69-75; Lu 24:​33, 34; Ap 2:​37-41—Inap tripela taim Pita i tok em i no save long Jisas, tasol Jisas i fogivim dispela aposel i tanim bel tru na em i kamap long Pita bihain long em i kirap bek na givim em wanpela bikpela wok tru insait long kongrigesen

Ol eksampel long Baibel:

• Mt 23:​29-33—Jisas i givim tok lukaut long ol saveman bilong Lo na ol Farisi olsem ol bai bagarap long Gehena, o bagarap na pinis olgeta

• Jon 17:12; Mk 14:21—Jisas i kolim Judas Iskariot olsem “man bilong bagarap,” na em i tok mobeta mama i no bin karim em