Ovolandu Embimbiliya a kuete esilivilo lialua:

• Os 78:40, 41; 106:36-46—Ndaño okuti va Isareli va lueyela calua Yehova, eye wa va ecela olonjanja vialua.

• Luk 15:11-32—Yesu o lombolola ongecelo ya Yehova poku tukula isia umue ukuahenda kuenda ndomo a tata omõlaye wa linga eci ka ca sungulukile, pole, wa likekembela.

Ovolandu Embimbiliya a kuete esilivilo lialua:

• Hev 9:22-28—Upostolo Paulu o lombolola okuti, Yehova o pondola oku ecela akandu etu omo lia Yesu wa tu fila.

• Esi 7:9, 10, 14, 15—Yoano wa soneha okuti, Suku ecela akandu “owiñi wakahandangala” omo okuti owo wa kolela kocisembi ca Yesu.

Ovolandu Embimbiliya a kuete esilivilo lialua:

• Yov 42:7-10—Osimbu Yehova ka maleleko ovitangi via Yovi kuenda oku u sumũlũisa, Yehova wa pinga ku Yovi oco a likutililileko alume vana vatatu vo popele lãvi.

• Mat 18:21-35—Yesu o lombolola ulandu u lekisa okuti tu sukila oku ecela vakuetu, nda tu yongola okuti Yehova o tu ecelavo.

Ovolandu Embimbiliya a kuete esilivilo lialua:

• Os 32:1-5; 51:1, 2, 16, 17—Soma Daviti omo liakandu aye a nene a linga, wa yeva okuti etimba liaye lia honguele kuenda utima waye wa teka kuenje wa likekembela lutima wosi.

• Tia 5:14-16—Tiago o lombolola okuti, nda tua linga ekandu linene, tu sukila oku enda kakulu vekongelo.

 Ovolandu Embimbiliya a kuete esilivilo lialua:

• 1Ol 21:27-29; 2As 18:18-22, 33, 34; 19:1, 2—Eci Soma Ahava a limbuka okuti o ka sombisiwa, wa liketisa kuenje Yehova wa lekisa ohenda kokuaye. Pole, eye ka likekembelele lutima wosi, omo liaco Yehova ka ecelele akandu aye kuenje wa pondiwa.

• 2As 33:1-16—Soma Manase wa linga ovina vialua vĩvi; pole, eci a likekembela lutima wosi Yehova wo wecela. Soma Manase wa lekisa okuti wa kala ulume umue wa pongoloka poku kuatisa va Isareli oku liwekapo oku fendela oviteka loku va kuatisa oku fendela lika Yehova.

Ovolandu Embimbiliya a kuete esilivilo lialua:

• 2Sa 12:13; 24:1; 1Ol 9:4, 5—Ndaño okuti Daviti wa linga akandu alua, Yehova wa ecela akandu aye kuenda noke wa popia okuti eye, wa kala ulume umue ukuekolelo.

Ovolandu Embimbiliya a kuete esilivilo lialua:

• Mat 26:36, 40, 41—Olondonge via Yesu via pekela vepuluvi lina eye a sukilile ekuatiso liavo; pole, Yesu wa limbukile ekalo liavo momo va kavele calua.

• Mat 26:69-75; Luk 24:33, 34; Ovl 2:37-41—Petulu wa likala olonjanja vitatu okuti ka kũlĩhĩle Yesu, pole, Yesu wo wecela omo wa likekembela; Yesu noke yoku pinduka wa molẽha kokuaye kuenda wo wĩha ovikele vi likasi vioku kuatisa akongelo.

Ovolandu Embimbiliya a kuete esilivilo lialua:

• Mat 23:29-33—Yesu wa lungula vakuavisonehua kuenda va Fariseo okuti, ka va kapuluka kesombiso Liongehena ale oku nyõliwa elisi.

• Yoa 17:12; Mar 14:21—Yesu wa tukula Yuda Isikariote okuti, “omõla enyõleho” kuenda wa popia okuti omakuli yaco hĩse nda ka ya citiwile.