Fakamolemole
ʼE loto moʼoni koa ia Sehova ke fakamolemole mai kia tatou?
Vakaʼi mo 2Pe 3:9
-
Faʼifaʼitaki Fakatohi-tapu:
-
Ps 78:40, 41; 106:36-46—Logo la ʼe lotomamahi ia Sehova ʼi te talagataʼa ʼo tana hahaʼi, kae ʼe liuliuga pe tana fakamolemole kia natou
-
Luk 15:11-32—ʼE fakata e Sesu te lotofakamolemole ʼa Sehova ki te tamai ʼae ʼe manavaʼofa ki tona foha ʼae ʼe kovi tana aga kae ʼe fakahemala
-
Kotea ʼae ʼe fai e Sehova ke fakamolemole ai te ʼu agahala?
Soa 1:29; Efe 1:7; 1So 2:1, 2
-
Faʼifaʼitaki Fakatohi-tapu:
-
Hep 9:22-28—ʼE fakamahino e te apositolo ko Paulo ʼe feala ke fakamolemole te ʼu agahala ʼuhi pe ko te taʼataʼa ʼo Kilisito
-
Fkh 7:9, 10, 14, 15—ʼI te aluʼaga ʼae ʼe ha kia Soane, ʼe sio ki “he toe hahaʼi tokolahi” ʼae ʼe maʼa kia mata ʼo Sehova ʼuhi ko tanatou tui ki te taʼataʼa ʼo Sesu
-
Kapau ʼe tou loto ke fakamolemole mai ia Sehova, kotea ʼae ʼe tonu ke tou fai moka agahala mai niʼihi kia tatou?
Mat 6:14, 15; Mko 11:25; Luk 17:3, 4; Skp 2:13
-
Faʼifaʼitaki Fakatohi-tapu:
-
Sop 42:7-10—ʼI muʼa ʼo te fakagata e Sehova te mamahi ʼa Sopo pea mo fakamalolo mai tona mahaki mo liufaki ki ai ʼona koloa, ʼe ina kole kia Sopo ke ina hufakiʼi te ʼu tagata ʼe tolu ʼae ʼe natou fatufatuʼi
-
Mat 18:21-35—ʼE fai e Sesu he faʼifaʼitaki ʼe ha lelei ai te maʼuhiga ʼae ke tou fakamolemole ki niʼihi mo kapau ʼe tou loto ke fakamolemole mai ia Sehova kia tatou
-
He koʼe ʼe maʼuhiga ke tou vetevete ʼatatou agahala mo fakahemala moʼoni?
Gau 3:19; 26:20; 1So 1:8-10
-
Faʼifaʼitaki Fakatohi-tapu:
-
Ps 32:1-5; 51:1, 2, 16, 17—ʼE lotomamahi te Hau ko Tavite ʼuhi ko ʼana agahala mamafa pea ʼe fakahemala moʼoni
-
Skp 5:14-16—ʼE fakamahino e Sakopo kapau ʼe tou agahala mamafa ʼe tonu ke tou fakaha ki te ʼu tagata ʼafeā
-
Kotea te ʼu fetogi ʼe tonu ke tou fai mo kapau ʼe tou loto ke fakamolemole mai ia Sehova?
Taa 28:13; Esa 55:7; Efe 4:28
-
Faʼifaʼitaki Fakatohi-tapu:
-
1Ha 21:27-29; 2Kk 18:18-22, 33, 34; 19:1, 2—ʼI te tala e Sehova ki te Hau ko Akapo tona fakatuʼā, ʼe agavaivai ai, pea ʼe fakaha e Sehova he faʼahiga manavaʼofa ki ai. Kae ʼe mole moʼoni te fakahemala ʼa Akapo koia ʼe mole fakamolemole ia Sehova ʼo ina fakatotonu ke matehi
-
2Kk 33:1-16—ʼE agakovi ʼaupito te Hau ko Manase kae ʼe fakamolemole ki ai ia Sehova he ʼe fakahemala. ʼE iloga tana fakahemala moʼoni ʼi tana tauʼi te tauhi taula ʼatua pea mo tana lagolago ki te tauhi moʼoni
-
ʼE lahi feafeaʼi te fakamolemole ʼa Sehova ki te kau agahala ʼae ʼe fakahemala?
Ps 103:10-14; Esa 1:18; 38:17; Sel 31:34; Mik 7:19
-
Faʼifaʼitaki Fakatohi-tapu:
-
2Sa 12:13; 24:1; 1Ha 9:4, 5—ʼE fai e Tavite ni agahala mamafa kae ʼe fakamolemole ki ai ia Sehova ʼuhi ko tana fakahemala pea ki muli age ʼe ina ui ʼe ko te tagata agatonu
-
Neʼe feafeaʼi te faʼifaʼitakiʼi e Sesu te fakamolemole gafua ʼa Sehova?
-
Faʼifaʼitaki Fakatohi-tapu:
-
Mat 26:36, 40, 41—ʼI te temi ʼae ʼe ʼaoga ai kia Sesu he tokoni, ʼe momoe ʼana tisipulo. Kae ʼe ha lelei pe ʼi te ʼu palalau ʼa Sesu tona ʼofa he ʼe mahino ki ʼonatou tuʼakoi
-
Mat 26:69-75; Luk 24:33, 34; Gau 2:37-41—ʼE tuʼa tolu te fakafisi ʼa Petelo kia Sesu kae ʼe fakahemala pea ʼe fakamolemole ki ai ia Sesu. Hili tona fakatuʼuake ʼe ha ʼateaina ia Sesu kia Petelo mo fakanofo ke tokoni ki te ʼu kokelekasio
-
ʼE tou iloʼi feafeaʼi ʼe mole fakamolemole anai ia Sehova ki te hahaʼi fuli?
Mat 12:31; Hep 10:26, 27; 1So 5:16, 17
-
Faʼifaʼitaki Fakatohi-tapu:
-
Mat 23:29-33—ʼE fakatokaga age e Sesu ki te kau sekelipa mo te kau Faliseo malualoi ʼe fakatuʼā natou ki te Seʼeni, ʼae ko te mate ʼo talu ai
-
Soa 17:12; Mko 14:21—ʼE fakahigoaʼi e Sesu ia Sutasi Isekaliote ko “te foha ʼo te fakaʼauha” mo ui ʼe lelei age pe ke mole tupu te tagata kaka ʼaia
-
Kotea ʼae ʼe ina uga te kau Kilisitiano ke natou fakamolemole gafua?