Imizekelo eseBhayibhileni enokunceda:

• Nd 78:40, 41; 106:36-46—UYehova ubaxolela ngokuphindaphindiweyo abantu bakhe abangathobeliyo, nangona ukona kwabo kumvisa ubuhlungu

• Luk 15:11-32—UYesu ucacisa indlela axolela ngayo uYehova ngokwenza umzekeliso wendlela utata onenceba amphatha ngayo unyana wakhe oye walahleka kodwa waguquka

Imizekelo eseBhayibhileni enokunceda:

• Heb 9:22-28—Umpostile uPawulos ucacisa indlela igazi likaKristu ekulilo kuphela esinokuxolelwa ngalo izono

• ISi 7:9, 10, 14, 15—Embonweni, umpostile uYohane ubona “isihlwele esikhulu” sabantu abacocekileyo phambi kukaThixo ngenxa yegazi likaKristu elaphalalayo

 Imizekelo eseBhayibhileni enokunceda:

• Yob 42:7-10—Ngaphambi kokuba uYehova ayiphelise intlungu kaYobhi futhi amphilise aze amenze abe sisityebi kwakhona, ufuna ukuba uYobhi athandazele amadoda amathathu ebemgxeka

• Mat 18:21-35—UYesu wenza umzekeliso oyenza icace indlela ekubaluleke ngayo ukuxolela abanye ukuba nathi sifuna ukuxolelwa

Imizekelo eseBhayibhileni enokunceda:

• Nd 32:1-5; 51:1, 2, 16, 17—UKumkani uDavide uziva enentliziyo etyumkileyo neyaphukileyo ngenxa yezono zakhe ezinzulu, aze aguquke ngokusuka entliziyweni

• Yak 5:14-16—UYakobi ucacisa ukuba xa senze isono esinzulu sifanele siye kubadala

Imizekelo eseBhayibhileni enokunceda:

• 1Ku 21:27-29; 2Kr 18:18-22, 33, 34; 19:1, 2—Xa uKumkani uAhabhi enikwa isigwebo, uyazithoba aze uYehova amenzele inceba, kodwa akubonakali ngathi uguquke nyhani, ngoko uYehova usambona engumenzibubi aze ambulale

• 2Kr 33:1-16—UKumkani uManase wenza izinto ezimbi kakhulu, kodwa uYehova uyamxolela xa eguquka. UManase uyazibonisa ukuba utshintshile ngokuzama ukuyekisa abantu ukunqula izithixo banqule uYehova

Umzekelo oseBhayibhileni onokunceda:

• 2Sa 12:13; 24:1; 1Ku 9:4, 5—Nangona uDavide enze izono ezinzulu kakhulu, uYehova uyamxolela lo kumkani uguqukileyo aze kamva athi uyindoda ethembekileyo

 Imizekelo eseBhayibhileni enokunceda:

• Mat 26:36, 40, 41—Abona balandeli bakaYesu abasondeleyo kuye bayozela ngelona xesha akudinga nyhani ukuxhaswa ngabo, kodwa uYesu waba nobubele waqonda ukuba benziwa kukudinwa

• Mat 26:69-75; Luk 24:33, 34; IZe 2:37-41—UPetros umphika kathathu uYesu, kodwa uKristu uyamxolela umpostile wakhe oguqukileyo; emva kokuba uYesu evusiwe uya kuPetros aze kamva amnike imisebenzi ekhethekileyo ebandleni

Imizekelo eseBhayibhileni enokunceda:

• Mat 23:29-33—UYesu ulumkisa ababhali nabaFarisi ukuba la maqela abo aza kufumana umgwebo weGehena, ngamany’ amazwi, aza kutshatyalaliswa angaphinde abekho

• Yoh 17:12; Mar 14:21—UYesu ubiza uYudas Skariyoti ngokuba ‘ngunyana wentshabalalo’ aze athi lo mngcatshi ngekubhetele kuye ukuba wayengazalwanga