Tantaran’olo amy Baiboly:

• Sl 78:40, 41; 106:36-46​—Irô Israelita aby io nata natetiky nan̈ano raha nampalahelo Jehovah, namela helokondrô fo Jehovah

• Lk 15:11-32​—Jesosy nan̈ano ohatra momba baba araiky namela helokon’ny zanany naditry kanefa nibebaka, baka han̈aboahan̈a fa Jehovah mamela helokon’olo

Tantaran’olo amy Baiboly:

• He 9:22-28​—Paoly nan̈azava fa baka tamy lion’i Kristy nazahoantsika familan-keloko

• Ap 7:9, 10, 14, 15​—Nikoran̈in’ny apostoly Jaona fa “vahoaka be” aby io voavela heloko, fôtony irô mino sôron̈o nataon’i Jesosy

Tantaran’olo amy Baiboly:

• Jb 42:7-10​—Talohan’i Jehovah nampajanga ndreky nitahy i Joba, izy nirahin’i Jehovah nivavaka nindrô kamaradiny telo nankaratsy izy in̈y antsendriky

• Mt 18:21-35​—Jesosy nan̈ano fan̈oharan̈a araiky an̈aboahan̈a fa mila mamela helokon’olo atsika izikoa tiantsika ho voavela heloko

Tantaran’olo amy Baiboly:

• Sl 32:1-5; 51:1, 2, 16, 17​—Mpanjaka Davida nanen̈iny mare tamy fahotan̈a maventy vitany, aviô izy nibebaka ankitin̈y

• Jk 5:14-16​—Jakoba nivolan̈a fa izikoa atsika nan̈ano fahotan̈a maventy, atsika tôkony han̈aton̈o anti-pan̈ahy

Tantaran’olo amy Baiboly:

• 1Mp 21:27-29; 2Ta 18:18-22, 33, 34; 19:1, 2​—Ahaba koa fa baka nitsarain̈y, izy nanetry ten̈a, ke Jehovah namindra fô taminany, kanefa izy tsy ten̈a nibebaka fa mbala ratsy fan̈ahy fo, ke nivonen̈a foeky izy tamy farany

• 2Ta 33:1-16​—Mpanjaka Manase ten̈a ratsy fan̈ahy, fa izy koa fa ten̈a nibebaka, nambelan’i Jehovah fahotan̈anany. Manase nan̈ano raha nisakanan̈a irô Israelita aby tsy hanompo sampy ke nampiany irô baka hivavaka tamy Jehovah

Tantaran’olo amy Baiboly:

• 2Sa 12:13; 24:1; 1Mp 9:4, 5​—Davida nan̈ano fahotan̈a maventy, fa izy fo nibebaka ke nambelan’i Jehovah helokonany, aviô olo tsy nivadiky nikahian’i Jehovah izy

Tantaran’olo amy Baiboly:

• Mt 26:36, 40, 41​—Nandry mare mpianatran’i Jesosy aby io, tamy fotoan̈a ten̈a nilavan’i Jesosy irô, ke ndray irô tihanohan̈a izy, hain’i Jesosy fa irô ten̈a kajo mare

• Mt 26:69-75; Lk 24:33, 34; As 2:37-41​—Intelo aby Petera nan̈ano sary tsy nahay Jesosy, fa Petera nibebaka ke Jesosy nan̈ambela fahotan̈anany. Jesosy koa fa natsangana tamy maty, izy nikoran̈a tamy Petera aviô namiany andraikitry maventy Petera

Tantaran’olo amy Baiboly:

• Mt 23:29-33​—Jesosy nampitandrin̈y irô mpanoratra lalàn̈a ndreky Fariseo aby io fa irô halefa amy Gehena, na haripaka mandrakizay

• Jn 17:12; Mr 14:21​—‘Zanakan’ny fandripahan̈a’ nikahian’i Jesosy i Jodasy Iskariota, aviô nivolan̈in’i Jesosy fa tsaratsara tamy mpamadiky io tsy teraka foeky