Izibonelo eziseBhayibhelini ezingakusiza:

• Hu 78:40, 41; 106:36-46—Ngokuphindaphindiwe, uJehova uthethelela ama-Israyeli anhlanhlathayo nakuba ukona kwawo kumzwisa ubuhlungu

• Luk 15:11-32—UJesu uchaza indlela uJehova athethelela ngayo ngokwenza umfanekiso kababa onesihe ophatha indodana yakhe engalaleli ngomusa kodwa ephendukayo

Izibonelo eziseBhayibhelini ezingakusiza:

• Heb 9:22-28—Umphostoli uPawulu uchaza ukuthi singathethelelwa kuphela izono zethu ngegazi likaKristu

• IsA 7:9, 10, 14, 15—Umphostoli uJohane ubona umbono ‘wesixuku esikhulu’ esinobuhlobo obuhle noNkulunkulu ngenxa yegazi likaKristu

Izibonelo eziseBhayibhelini ezingakusiza:

• Job 42:7-10—Ngaphambi kokuba uJehova aqede usizi lukaJobe futhi ambuyisele impilo enhle nengcebo yakhe, ucela uJobe ukuba athandazele abangani bakhe abathathu abakhulume kabi ngaye

• Mat 18:21-35—UJesu uxoxa ngomfanekiso owenza kucace ukuthi kungani kubalulekile ukuthethelela abanye uma nathi sifuna ukuthethelelwa

Izibonelo eziseBhayibhelini ezingakusiza:

• Hu 32:1-5; 51:1, 2, 16, 17—INkosi uDavide izizwa iphelelwa amandla futhi izwa ubuhlungu ngenxa yezono zayo ezinkulu, kodwa iphenduka ngobuqotho

• Jak 5:14-16—UJakobe uthi lapho senze isono esikhulu, kufanele siye kubadala

Izibonelo eziseBhayibhelini ezingakusiza:

• 1Kh 21:27-29; 2Kr 18:18-22, 33, 34; 19:1, 2—Lapho iNkosi u-Ahabi yahlulelwa, iyazithoba futhi uJehova uyibonisa umusa; kodwa ayiphendukile ngempela futhi uJehova uyibheka njengenkosi embi ngakho ubangela ukuba ibulawe

• 2Kr 33:1-16—INkosi uManase yenza izinto ezimbi kakhulu; kodwa lapho iphenduka uJehova uyayithethelela. UManase ubonisa ukuthi ushintshe ngempela ngokuqeda ukukhulekelwa kwezithixo nangokugqugquzela ukukhulekela kweqiniso

Isibonelo esiseBhayibhelini esingakusiza:

• 2Sa 12:13; 24:1; 1Kh 9:4, 5—Nakuba uDavide enze izono ezimbi kakhulu, uJehova uyamthethelela ngenxa yokuthi uyaphenduka futhi umbiza ngokuthi indoda eqotho

Izibonelo eziseBhayibhelini ezingakusiza:

• Mat 26:36, 40, 41—Abalandeli bakaJesu balele ngesikhathi edinga usizo lwabo kakhulu kodwa uJesu uyaqonda ukuthi bakhathele

• Mat 26:69-75; Luk 24:33, 34; IzE 2:37-41—UPetru uphika uJesu izikhathi ezintathu kodwa uJesu uyamthethelela lapho ephenduka, kamuva unikeza uPetru umsebenzi obalulekile emabandleni

Izibonelo eziseBhayibhelini ezingakusiza:

• Mat 23:29-33—UJesu uxwayisa ababhali nabaFarisi ukuthi bazothola isahlulelo saseGehena noma ukubhujiswa kwaphakade njengeqembu

• Joh 17:12; Mar 14:21—UJesu ubiza uJuda Iskariyothe ngokuthi ‘indodana yokubhubha’ futhi uthi bekuyoba ngcono ukube lo mkhapheli akazalwanga