Ejemplo tac muʼ bʌ i coltañonla:

• Éx. 33:17-20; 34:5-7. Jehová tsiʼ yʌqʼue i qʼuel Moisés chaʼan an i yutslel yicʼot yan tac bʌ utsʼatax bʌ i melbal.

• 1 R. 19:12. Cheʼ bʌ Elías wen wocol bajcheʼ woliʼ ñusan, Jehová uts jach yicʼot ti cʼun jach bʌ tʼan tsiʼ pejca.

• Jon. 3:10–4:11. Anquese Jonás michʼix tsaʼ caji i pejcan Jehová, Jehová ti uts jach bʌ tʼan tiʼ sube chucoch yom miʼ pʌs i pʼuntaya. I cheʼ bʌ jiñi ninivitajob tsiʼ chaʼ ñaʼtayob i bʌ, Jehová tsiʼ ñusʌbeyob i mul i tsaʼto i pʼuntʌbeyob jaʼel jiñi i yʌlacʼob.

• Mr 10:17, 18. Jesús tsiʼ yʌlʌ chaʼan tilem ti Jehová pejtelel chuqui wem bʌ yicʼot chaʼan jin jach miʼ mejlel i subeñonla chuqui jiñi wem bʌ.

• Lu 6:32-36. Jesús tsiʼ pʌsbeyonla chaʼan mi lac pʌs la cutslel come Jehová muʼto i pʌsben i yutslel jaʼel jiñi jontoloʼ bʌ yicʼot maʼañic bʌ miʼ qʼuelob ti ñuc chuqui miʼ mejlel tiʼ tojlelob.

 Ejemplo tac muʼ bʌ i coltañonla:

• Ro 5:7. Jiñi apóstol Pablo tiʼ tsictesa chaʼan weñʌch cheʼ mi lac mel chuqui toj bʌ, pero ñumen wento cheʼ utsonla o weñonla.

Ejemplo tac muʼ bʌ i coltañonla:

• Nm. 11:26-29. Josué tiʼ sube jiñi xʼaltʼan Moisés chaʼan miʼ ticʼ chaʼtiquil wiñicob woli bʌ i melob i bʌ bajcheʼ xʼaltʼan, pero Moisés uts jach bajcheʼ tsiʼ jacʼbe Josué.

• Jue. 8:1-3. Jiñi juez Gedeón wen jach tsiʼ jacʼbe i tʼan jiñi wiñicob tsaʼ bʌ cʼoti i techob leto, i cheʼ bajcheʼ jiñi tsaʼ ñʌjchʼiyob.

• Mr 14:3-9; Jn 12:3. Jesús tsiʼ chaʼle ti felicitar María, xchʼoc bʌ i yeran Lázaro, cheʼ bʌ tsiʼ mele chuqui wem bʌ tiʼ tojlel.

• 2Ti 1:16-18. Onesíforo tsiʼ tijicñesʌbe i pusicʼal Pablo cheʼ bʌ an ti cárcel.