Maynin jiwatapat wali llakit uñjasiña
Mä munat familiarana jan ukajj mä munat amigon jiwatapat wali llakisiñajj janiw jan walïkiti, ¿ukhamätap Biblian kawkïr sarnaqäwinakas uñachtʼayistu?
Gé 23:2; 24:67; 37:34, 35; 42:36; Jn 11:19, 31, 33-36
2Sa 1:17-27; Hch 9:36-39 uñjjattʼarakïta.
Jehová Diosajja khitinakatï maynin jiwatapat wali llakitäpki ukanakarojj wal chuymachtʼañ muni, ¿kunas ukhamätap uñachtʼayistu?
Maynejj jiwjje uka qhepat kunas pasi uk yatiñajj ¿kunatsa wal chuymachtʼistu?
-
Bibliankir aka sarnaqäwinakaw yanaptʼistaspa:
-
Lu 20:37, 38. Jehová Diosatakejj taqe jiwatanakaw jakaski sasaw Jesusajj säna, ukham sasajj kunjamsa jiwatanakajj cheqpachapun jaktanipjjani ukwa qhanstayäna.
-
Jn 11:5, 6, 11-14. Lázaro amigopajj jiwjjäna ukhajja, jiwañajj iktʼañampi saskaspas ukhamwa Jesusajj qhanañchäna.
-
Heb 2:14, 15. Janiw esclavor uñtatajj jiwañar ajjsarañasäkiti sasaw apóstol Pablojj säna.
-
Mä jaqejj naski uka urut sipansa, jiwki uka uruw Jehová Diosatakejj jukʼamp sumajja sasajj ¿kunatsa Bibliajj sispacha?
¿Bibliarjamajj jiwañajj kunamp sasisa, Jehová Diosajj jiwañar kunjamsa atipjani?
¿Jiwatanakajj jaktanipjjaniwa sasajj kunatsa confiysna?
Is 26:19; Jn 5:28, 29; Hch 24:15
-
Bibliankir aka sarnaqäwinakaw yanaptʼistaspa:
-
Bibliajja llätunka jaqenakan jiwatat jaktatapatwa parli, kimsaqallqonejj aka oraqen mayamp jakañatakiw jaktapjjäna. Taqe uka sarnaqäwinakajja, khitinakatï maynin jiwatapat llakitäpki ukanakaruw wal chuymachtʼaspa.
-
1Re 17:17-24. Elías profetajja Sidón oraqenkir Sarepta sat markankir mä viudan yoqaparuw jiwatat jaktayäna.
-
2Re 4:32-37. Sunem markanjja, Eliseo profetajj mä yoqall wawaruw jiwatat jaktayäna, ukatjja awk taykaparuw irpjjaruyjjarakïna.
-
2Re 13:20, 21. Mä chachan jiwat cuerpopajj Eliseon chʼakhanakapjjar purïna ukhajja, uka chachajj jiwatat jaktjjänwa.
-
Lu 7:11-15. Naín sat markanjja Jesusajj mä viuda warmin yoqaparuw jiwatat jaktayäna, uka jiwatarojj walja jaqenakaw imtʼjjañatak apasipkäna.
-
Lu 8:41, 42, 49-56. Jesusajj Jairo chachan phuchaparuw jiwatat jaktayäna, Jairo chachajj sinagogan pʼeqtʼirïnwa.
-
Jn 11:38-44. Jesusajj Lázaro munat amigoparuw jiwatat jaktayäna, ukatjja Marta, María kullakanakaparuw irpjjaruyjjäna.
-
Hch 9:36-42. Apóstol Pedrojj Dorcas sat cristiana kullakaruw jiwatat jaktayäna, jupajj walja suma luräwinak luratapat wali munatänwa.
-
Hch 20:7-12. Apóstol Pablojj Eutico sat waynaruw jiwatat jaktayäna, uka waynajj ventanat liweqtasaw jiwäna.
-
-
Jehová Diosajj wiñay jakañapatakiw Jesucristor jaktayäna, ukham luratapajj kunanaktï Diosajj arsuwayki ukanak phoqañatakejj wali chʼamanïtapwa uñachtʼayistu.
-
Khitinakatï jiwañan iktʼjjapjje ukanakatjja Jesusaw nayraqat jaktayatäna, cuerpopajj jan jiwir cuerpor cambiatäjjarakïnwa. Ukampis janiw Jesús sapakejj jiwatat jaktawaykiti, jan ukasti 144.000 ajllit cristianonakaw jiwatat jaktayatäpjjaraki.
-
Maynin jiwatapat wali llakit uñjasipki ukanakarojj ¿kunjamsa yanaptʼsna?
Akanakajj inas gustarakiristam
¡SARTAPJJAÑÄNI!
¿Kuna suma yanaptʼas utji?
Maynin jiwatapat wali llakitäpki ukanakarojja, Bibliaw wal yanaptʼaspa.
Maynix jiwxi ukhax kamachsnasa
¿Ukham sinti llakisiñapunïpachati?
¿Mä munat familiarana jan ukax mä amigon jiwatapat llakisiñasa jachañas walikïskiti?
JUKʼAMP YATICHÄWINAKA
Llakimp jan aynachtʼañatakejj ¿kunsa lurasma?
Mä munat familiarasasa jan ukajj mä munat amigosas jiwjje ukhajj kunanaksa lursna ukanakwa aka videon uñjäta.
YATIYAÑATAKI
¿Jiwjjasajj kawkharus maynejj sarjjpacha?
Kimsaqallqo jiwatat jaktirinakatwa Bibliajj parli. ¿Jupanakajj uka toqet kamsapjjänsa?
YATIYAÑATAKI
¿Jesusajj cheqapuniti jaktpachäna?
Jesusat parlir Evangelio libronakajj cheqapunïskiwa sasajj ¿kunatsa sissna?
NANAKJJATA
Maynimp visitayasiñataki
Biblia toqet parlañatakejj Jehová Diosan mä Testigopampiw visitayasisma jan ukajj gratisak Bibliat yatichayasiñatakejj aka formulario phoqantasma.
