Bigda mini miñañ mi Bibel:

• Luk. 20:37, 38—Yésu a bi toñol le di nla ba nkwoog nkaa le bitugne bi ga ba inyule, inyu Yéhôva, i yé ndik kiki bo le bawoga ba yé i niñ

• Yôh. 11:5, 6, 11-14—I mbus nyemb i liwanda jé Lasarô, Yésu a bi hégha nyemb ni hilo

• L.Héb. 2:14, 15—Ñôma Paul a bi kal le di nlama bé kon nyemb woñi, kiki ngandak bôt

Bigda mini miñañ mi Bibel:

• Bibel i mpôdôl bitugne bôô, mu nsoñgi u, bôt juem ba bi tuge inyu tiimba niñ hana isi. I bôt ba nimis mut ba nla kôhna hogbe ni botñem ni njel miñañ mi bitugne bi

  • 1 Bik. 17:17-24—Mpôdôl Éliya a bi tugul lok i yik muda i Sarépta i libôga li Sidôn

  • 2 Bik. 4:32-37—Mpôdôl Élisa a bi tugul mañge munlôm wada i tison i Sunem, a ti nye bagwal bé

  • 2 Bik. 13:20, 21—Mim u mut wada u bi tihba bihés bi Élisa, i mut nu a tuge

  • Luk. 7:11-15—I tison Nain, Yésu a bi tehe limut li bé ke i jô man yik muda yada, a tugul nye

  • Luk. 8:41, 42, 49-56—Yésu a bi tugul ngond i Yairô, ñane wada i ndap bibégés

  • Yôh. 11:38-44—Yésu a bi tugul Lasarô, liwanda jé li ñem nyuu, a ti nye lôknyañ yé, Marta bo Maria

  • Minson 9:36-42—Ñôma Pétrô a bi tugul Dorkas, sita lôk kéé i bé gwés ngandak, inyu mam malam a bé boñ

  • Minson 20:7-12—Ñôma Paul a bi tugul mañge wanda le Utikô, nu a bi kwo i winda a wo

• Yéhôva a bi tugul Yésu Kristô inyu boñ le a niñ i boga ni boga nyoo i ngii. Bitugne bi, bi yé yimbne le mimbônga nwominsôna di mbem mi ga yon ibabé set

  • Minson 17:31; 1 Pét. 3:18

• Yésu a yé mut bisu le a tuglana inyu kôhna niñ boga i ngii, ndi yak 144 000 i minhook mi ga tuglana inyu niñ i ngii

  • 1 Kor. 15:20, 23, 51-53; 1 Tés. 4:16, 17; Mas. 14:1