Ga ˗ya wo ˗sü
ˈWɔnzuan ˗mɛɛn ˗nu ˈwo Biblö ˈgü ˈwo˗ ˗zɔn ˗dhɛ ˈyaa ˈya˗ kö ˗wëë ˗yö ˈkpɔ kwa ˗ta ꞊ya kë ꞊dhɛ kwa ˗bha mɛn ˈbha ˗ya ˈgo kwa ˗bha?
ˈWn 23:2; 24:67; 37:34, 35; 42:36; Zn 11:19, 31, 33-36
Kpɔɔˈˈ ˈzü 2S 1:17-27; Kë 9:36-39 ˗bha.
˗Mën ˈö˗ ˗zɔn ꞊dhɛ Zoova ˗ya ˈˈpiʋ̈ kö ˗yö mɛn ˗nu ˈö ˗an ˗bha mɛn ˈbha ꞊ya ga ˗an ˗zogban?
Ps 34:18; Is 57:15; 61:1, 2
Gagade ˈö ˗gban mɛn ˗nu ˈö ꞊wa ga ˗an ˗bha ˗a dɔ ˗sü ˗yö kwa ˗zogban ˗kɔ ˗kë ꞊dhɛ kö kwa ˗bha mɛn ˈbha ꞊ya ga?
Ec 9:5, 10; 1Te 4:13
-
˗Kwɛzlan ˗nu ˈwo Biblö ˈgü ˈwo ꞊mɔɔn˗ ˗bha ˈwo kwa ˗takun:
-
Dk 20:37, 38—Yesu ˗ya ˗pö ꞊dhɛ ˗gogagüsü ˈö bhë ˈwɔn ꞊dede ˗mü. ˈYö ˗dhɛ ˈö ˗kë ꞊dhɛ ˈwɔn ꞊dede ˗mü bhë, ˗ya ˗pö ˗Zlan ˗bha ˈka mɛn ˗nu ˈö ꞊wa ga ˗wo ꞊dhɛ ˈpë ˈwo ꞊tun wo ˈˈɲaan ˗a ˈdhö.
-
Zn 11:5, 6, 11-14—˗Dhɛ ˈö Yesu ˈˈtɛɛdo Dhazaa ˗yö ga, Yesu ˗yö ga ˗zɔn yi ˈka.
-
Eb 2:14, 15—Bɔmɛn Pɔdhö ˗ya ˗pö ꞊dhɛ ˗a ˗dhɛ ˈyaa˗ ˗bha kö ˈkwa ˈˈsuʋ̈ ga ˗gɔ.
-
ˈMën ˗kë ˈö mɛn ˈbha ˈtɔ ꞊bhlëë ˈdhö ˗kë ꞊va ˗a ga ˈˈtʋ̈ŋ ˈka?
Pr 22:1; Ec 7:1, 2
˗Mën ˈö Biblö ˗ya pö ˈö ˗gban ga ˗bha, ˈyö ˗mën ˈö ˗Zlan ˗dho ˗a kë ga ˈka?
Is 25:8; 1Ko 15:26; ˗Dh 20:14; 21:3, 4
ˈMën ˗kë ˈö ꞊mɔɔn˗ ˗bha ˈö ga kwa ˈgü ꞊dhɛ mɛn ˗nu ˗dho ˈgo ga ˈgü dhiʋ̈ˈˈ?
Is 26:19; Zn 5:28, 29; Kë 24:15
-
˗Kwɛzlan ˗nu ˈwo Biblö ˈgü ˈwo ꞊mɔɔn˗ ˗bha ˈwo kwa ˗takun:
-
˗Gogagüsü ˈˈseishiö ˈnën Biblö ˗ya ˗wɔn ꞊blɛɛ. ˗A ˈˈsaaga ˗yö ˗gban mɛn ˗nu ˈwo go ga ˈgü ˈwo to ˈˈsɛ ˗ta, ˗an ˗bha. Mɛn ˈˈpɛpɛ ˈö ˗an ˗bha mɛn ˈbha ˈwɔn ˗ya kë, ˗kwɛzlan ˗nu ˈö ˈwo bhë ˗a ˗gban ꞊mɔɔn˗ ˗bha ˈö ˗an ˗zogban ˈö ˈwo wo ˈˈɲan to ˗dhɛkpaɔ dhiʋ̈ˈˈ ˗gɔ zuʋ̈saadhɛ ˈka.
-
1R 17:17-24—˗Zlan ˗wodhiʋ̈lomɛn Edhi ˗yö ꞊gɛɛndhe do ˗bha ˈnën ˗bho ga ˈgü Saafatö, Sidɔn ˗pö ˈgü.
-
2R 4:32-37—˗Zlan ˗wodhiʋ̈lomɛn Edhize ˗yö ˈnëngɔɔnnën ˈbha ˗bho ga ˈgü Shunɛmö, ˈö˗ nu ˗a ˗mɛn ˗nu ˗dhɛ.
-
2R 13:20, 21—Mɛn ˈbha ˈö ga, ˗dhɛ ˈö ꞊gee ˗yö pa Edhize ga ˈka, ˗yö ˗go ga ˈgü.
-
Dk 7:11-15—Naɛn ˗pö ˈgü, Yesu ˗yö ꞊gɛɛndhe do ˈö ˈwo kun ˈdho ˗ni ˈgü ˗a gbö ˈwaannu, ˗a gbö ˈö bhë ˗a ˗bho ga ˈgü.
-
Dk 8:41, 42, 49-56—Yesu ˗yö Zuifö ˗nu ˗bha ˗Zlan ˗dhɔkëgükɔ ˗gɔmɛn do ˈö ˈwo˗ ˗dhɛ Zɛdhiusö ˗a ˈdhu ˗bho ga ˈgü.
-
Zn 11:38-44—Yesu ˗yö ö ˈˈtɛɛdo Dhazaa ˗bho ga ˈgü, ˈö˗ nu ˗a ꞊dhegblü Matö waa Madhi ˗an ˗dhɛ.
-
Kë 9:36-42—Bɔmɛn Piɛdhö ˗yö dhebɔnën do ˈö˗ ˈˈgblü ˈdhö kun ˗së ˈö ˈwo kun˗ ˗dhɛ ˗ni ˈgü Dɔɔkasö ˗a ˗bho ga ˈgü.
-
Kë 20:7-12—Bɔmɛn Pɔdhö ˗yö ˈnëngɔɔnnën do ˈö ˈwo kun ˗a ˗dhɛ ˗ni ˈgü Ötishö, ˈö go fönɛtrö ˈˈdhiʋ̈ ˈö ˗pö ˈö ga, ˗a ˗bho ga ˈgü.
-
-
Yesu Klito ˗go ga ˈgü ˈö ˗kë ˗zuu ˈö ga ˗kɔ ˈyaa ꞊mɔɔn ˗a ˗bha ˈzü ˗a ˈka. ˗A ˗bha ˗gogagüsü ˗ya ˗zɔn ꞊dhɛ ˗gogagüsü ˈö dhiʋ̈ˈˈ ˈwɔn ꞊dede ˗mü.
-
Kë 17:31; 1P 3:18
-
-
Yesu ˈnën ˗tɔ mɛn ˗blɛɛsü ˈö go ga ˈgü ˈö dho dhaŋ˗ ˈgü, ˈö ga ˗kɔ ˈyaa ꞊mɔɔn ˗a ˗bha ˈzü. ˈˈKɛɛ ˈyaa˗ mɛn ˗totaabhasü ˈka. ˗A ˗bha gwëëˈˈ ˗nu 144.000 ˈö ˈwo ˈˈɲɔn ˗a ꞊troo ˈka, ˗wo ˗dho ˈgo ga ˈgü ꞊dhɛ ˗kɔ do ˈö bhë, ˗a ˈdhö.
-
1Ko 15:20, 23, 51-53; 1Te 4:16, 17; ˗Dh 14:1
-
-
Kwa ˗dho mɛn ˗nu ˈö ˗an ˗bha mɛn ˈbha ˈwɔn ˗ya kë ˗an ˗takun ˗kɔ ˗kë ꞊dhɛ?
Wlɔ 12:15; 2Ko 1:3, 4; 1P 3:8
˗A ˗ga ˗sü ˗dhɔ ˗dho ü kë ˈpö
ˈWƆN ˗NU ˈWO ˗GBAN YI ˗BHA
˗A pö ˗wo ˗wo ü ˗dhɛ
Dhɛɛˈˈ ˗nu ˈö Biblö ˗yö ˗an ˗yɔ bɔ, ˗bhö ˗a do ˗ga ɛɛnˈˈ ˗bhö ˈwɔn ˗nu ˈwo ˗gban Zoova ˗bha ꞊Gbɛkiö ˗nu ˗bha ˗a ꞊va ˈbha draanˈˈ.
