Awerɛhoyeli
Mɛɛ Biblia mli nɔkwɛmɔnii yɔɔ ni tsɔɔ akɛ, kɛ́ mɔ ko gbo ni aaye awerɛho lɛ tɔmɔ ko kwraa bɛ he?
1Mo 23:2; 24:67; 37:34, 35; 42:36; Yoh 11:19, 31, 33-36
Kwɛmɔ 2Sa 1:17-27; Bɔf 9:36-39 lɛ hu
Mɛni tsɔɔ akɛ Yehowa miisumɔ waa ni eshɛje mɛi ni yeɔ awerɛho lɛ amii?
Kɛ́ wɔle shihilɛ mli ni gbohii lɛ yɔɔ lɛ, mɛɛ gbɛ nɔ ebaanyɛ eshɛje wɔmii?
-
Biblia mli sane ni baanyɛ awa bo:
-
Luk 20:37, 38—Yesu tsɔɔ mli akɛ gbohiiashitee lɛ ji nɔ ko ni baaba diɛŋtsɛ aahu akɛ yɛ Yehowa hiɛ lɛ, etamɔ nɔ ni mɛi ni egboi lɛ ahiɛ kamɔ lolo
-
Yoh 11:5, 6, 11-14—Be ni Yesu naanyo ni esumɔɔ waa ni ji Lazaro lɛ gbo lɛ, Yesu kɛ gbele to wɔ ni awɔɔ he
-
Heb 2:14, 15—Bɔfo Paulo tsɔɔ mli akɛ mɛi babaoo sheɔ gbele gbeyei ni amɛhãa no kudɔɔ amɛ, shi esaaa akɛ wɔsheɔ gbele gbeyei
-
Mɛni baahã mɔ ko jara awa yɛ Yehowa hiɛ yɛ egbele gbi nɔ fe gbi ni afɔ lɛ?
Te Biblia lɛ tsɔɔ gbele mli ehã tɛŋŋ, ni mɛni Nyɔŋmɔ baafee yɛ he?
Mɛni hewɔ wɔbaanyɛ wɔná nɔmimaa akɛ wɔsɛɛ lɛ abaatee gbohii ashi lɛ?
Yes 26:19; Yoh 5:28, 29; Bɔf 24:15
-
Biblia mli sane ni baanyɛ awa bo:
-
Awie gbohiiashitee nɛɛhu ahe yɛ Biblia lɛ mli, ni gbohii nɛɛ ateŋ kpaanyɔ lɛ, atee amɛ shi kɛba wala mli yɛ shikpɔŋ lɛ nɔ. Gbohiiashitee nɛɛ ateŋ eko fɛɛ eko baanyɛ ashɛje mɛi ni amɛsuɔlɔi egboi ni amɛmiiye awerɛho lɛ amii, ni ebaahã amɛná hiɛnɔkamɔ kɛhã wɔsɛɛ
-
1Ma 17:17-24—Gbalɔ Elia tee yoo okulafo ko binuu shi yɛ Zarefat, ni ji maŋ ko ni yɔɔ Sidon lɛ
-
2Ma 4:32-37—Gbalɔ Elisha tee gbekɛ nuu ko ni gbo lɛ shi yɛ Shunam maŋ lɛ mli ni ekɛ lɛ hã efɔlɔi
-
2Ma 13:20, 21—Nuu ko ni gbo ni ayaafu lɛ lɛ te shi be ni egbonyo lɛ sa gbalɔ Elisha wui lɛ ahe lɛ
-
Luk 7:11-15—Be ni Yesu yɔɔ Nain maŋ lɛ mli lɛ, ena ni atere yoo okulafo ko binuu ni egbo ni ayaafu lɛ, ni etee lɛ shi
-
Luk 8:41, 42, 49-56—Yesu tee Yairo biyoo lɛ shi, no mli lɛ, Yairo fata onukpai ni kwɛɔ kpeehe lɛ nɔ lɛ ahe
-
Yoh 11:38-44—Yesu tee enaanyo ni esumɔɔ lɛ waa ni ji Lazaro lɛ shi, ni ekɛ enyɛmimɛi yei ni ji, Marta kɛ Maria yahi shi ekoŋŋ
-
Bɔf 9:36-42—Bɔfo Petro tee Dorka shi; ale Dorka akɛ eji Kristofonyo ni feɔ ejurɔ waa
-
Bɔf 20:7-12—Bɔfo Paulo tee oblanyo ko ni atsɛɔ lɛ Eutiko ni jɛ samfɛlɛ naa ebaagbee shi ni egbo lɛ shi
-
-
Yehowa tee Yesu Kristo shi akɛ mumɔŋ gbɔmɔ ni ehã lɛ wala ni anyɛŋ akpãtã hiɛ; enɛ maa nɔ mi akɛ bɔ fɛɛ bɔ ni fee Nyɔŋmɔ shiwoi kɛhã wɔsɛɛ lɛ fɛɛ baaba mli
-
Yesu ji klɛŋklɛŋ mɔ ni atee lɛ shi kɛtee ŋwɛi ni ahã lɛ wala ni anyɛŋ akpãtã hiɛ, shi jeee lɛ pɛ ebaaná wala ni anyɛŋ akpãtã hiɛ; esɛɛnyiɛlɔi 144,000 ni afɔ amɛ mu lɛ hu náa nɛkɛ gbohiiashitee nɛɛ nɔŋŋ eko
-
Mɛni wɔbaanyɛ wɔfee kɛye wɔbua mɛi ni amɛsuɔlɔi egboi ni amɛmiiye awerɛho lɛ?
Ekolɛ Obaasumɔ Enɛ Hu
BENI MƆ KO NI OSUMƆƆ LƐ EGBO
Ani Nɛkɛ Ji Bɔ Ni Esa Akɛ Anu He?
Kɛ́ mɔ ko ni osumɔɔ gbo lɛ, ani eji tɔmɔ akɛ obaaye awerɛho?
SAJI KROKOMƐI
Be Ni Mɔ Ko Ni Osumɔɔ Esane Egbo
Kwɛmɔ nibii ni kɛ́ mɔ ko ni osumɔɔ esane gbo lɛ, obaanyɛ ofee kɛba owerɛhoyeli lɛ shi.
BUU-MƆƆ
Mɛni Baa yɛ Gbele Sɛɛ?
Biblia lɛ wieɔ mɛi kpaanyɔ komɛi ni gboi ni te shi ekoŋŋ lɛ ahe. Mɛni amɛwie yɛ shihilɛ mli ni gbohii lɛ yɔɔ lɛ he?
BUU-MƆƆ
Yesu Shitee Lɛ—Ani Eba Lɛɛlɛŋ?
Mɛni hãa anaa akɛ nɔ ni Sanekpakpai lɛ wie yɛ Yesu he lɛ ji anɔkwale?
