Mojuu aaʼin
¿Jaralii na wayuu ashajünakana anülia suluʼu tü Bibliakat wayaawataka akajee nnojoluin mojuin mojule waaʼin sutuma nünaajaain wanee wapüshi?
Gé 23:2; 24:67; 37:34, 35; 42:36; Jn 11:19, 31, 33-36
Paashajeʼera 2Sa 1:17-27; Alu 9:36-39.
¿Kasa wayaawataka akajee nücheküin maʼin süchiki Jehová nümülialüin naaʼin na anaajaakana apüshi?
Sl 34:18; Is 57:15; 61:1, 2
¿Jamüsü sümülialaakaʼa waaʼin sutuma watüjaain saaʼu kasain alatüin nümüin wanee wayuu outapa nia?
Ec 9:5, 10; 1Te 4:13
-
Pütchi suluʼuka tü Bibliakalü anaka maʼin:
-
Lu 20:37, 38: Nüküjain Jesús shiimain maʼin nasoʼiraajeenain aaʼin na outushiikana, müshii katakai noʼu nümüin Maleiwa.
-
Jn 11:5, 6, 11-14: Nüküjain Jesús müin nutunkakai aaʼin wanee wayuu outule nia, müsü nünüiki süchikijee outuin Lázaro, chi naʼaleewainkai.
-
Heb 2:14, 15: Nüküjain Pablo wainmain na wayuu mmotkana seema outuin naya, müshii süchepchiakai naaʼin tia. Nnojoliipejeʼe mmoluinjanain waya seema tia.
-
¿Jamüsü kojutuleekaʼa nümüin Jehová tü kaʼi outakalü oʼu wanee wayuu suulialeʼeya tü kaʼi joʼuukalü oʼu nia?
Pr 22:1; Ec 7:1, 2
¿Kasa ashajünaka suluʼu tü Bibliakat nüchiki wanee wayuu outule nia? ¿Kasa naainjeetka Maleiwa süka tü outaakat?
Is 25:8; 1Co 15:26; Ap 20:14; 21:3, 4
¿Jamüsü watüjaakaʼa saaʼu süsoʼiraajeerüin naaʼin na wayuu anaajaainnakana?
Is 26:19; Jn 5:28, 29; Alu 24:15
-
Pütchi suluʼuka tü Bibliakalü anaka maʼin:
-
Ashajünüsü suluʼu tü Bibliakat nachiki mekiisatshii wayuu asoʼireʼennakana aaʼin yaa mmapaʼa jee ashajünüsü nüchiki Jesús soʼu nüsoʼireʼennüin aaʼin süpüla kepiainjachin nia chaa sirumatuʼu. Nünaajaale wanee wayuu aikai maʼin püpüla, aneerü paaʼin sutuma paashajeʼerüin suluʼu tü Bibliakat nachiki na wayuu asoʼireʼennakana aaʼin jee aʼatapajeechi pia kasa anasü.
-
1Re 17:17-24: Nüsoʼireʼera aaʼinchi Elías süchon wanee wayuu outa aʼwayuuset chejeʼewatka Sarepta, tü pueulo chakat Sidón.
-
2Re 4:32-37: Nüsoʼireʼera aaʼinchi Eliseo wanee jintüi chejeʼewaikai suluʼu tü pueulokot Sunem jee naapaka nia namüin na wayuu kachooinkana nia.
-
2Re 13:20, 21: Asoʼiraasü naaʼin wanee wayuu soʼu nujutunuin saʼaka niipüse Eliseo, chi nünüikimaajachikai Maleiwa.
-
Lu 7:11-15: Antiraashi Jesús namaa wainma wayuu alapajaashii sümaajanaka wanee wayuu outa aʼwayuuset, eʼiküsü shia chi süchon outakai, nüsoʼireʼennaka aaʼin nutuma Jesús.
-
Lu 8:41, 42, 49-56: Nüsoʼireʼera aaʼinrü Jesús tü nüchonkat Jairo, chi laülaashikai suluʼu tü ekirajüleekat nüchiki Maleiwa.
-
Jn 11:38-44: Nüsoʼireʼera aaʼinchi Jesús Lázaro, chi naʼaleewainkai, eeichipakaʼa nia nüchikuaʼa sümaa Marta jee María.
-
Alu 9:36-42: Nüsoʼireʼera aaʼinrü Pedro Dorcas, wanee anoujasü eʼraajünaka saaʼujee kamaneein jee süsülajülüin.
-
Alu 20:7-12: Nüsoʼireʼera aaʼinchi Pablo wanee jimaʼai kanüliakai Eutico, ojutuushi paala chia jimaʼaikai suluʼupünaa wanee wentaana.
-
-
Asoʼireʼenna aaʼinchi Jesús nutuma Jehová suluʼu meʼrujuin nia chaa sirumatuʼu, shikeraajeetka süpüshuaʼa mapeena tü nümatüjütkalia Jehová.
-
Nia Jesús asoʼireʼennaka aaʼin palajana chaa sirumatuʼu jee nia palajaikai sünain katüin oʼu süpüla kaʼikat süpüshuaʼa. Nnojoipejeʼe niain neʼe müin akuwaʼipa nümüiwaʼa, asoʼiraajeeria naaʼin 144.000 nikirajüin.
-
¿Kasa waaʼinrajatka süpüla wamülialüin naaʼin wanee wayuu anaajaakai apüshi?
Eesüjaʼa kamalainjeerüle pümüin aashajeʼeraa tüü
¡EEJA WAAʼIN!
Tü amülialeetkat maʼin naaʼin na anaajaakana apüshi
Sümülialüin tü Wiwüliakat naaʼin na wayuu anaajaakana apüshi.
WANEIRUA PÜTCHI
Nünaajaale wanee wayuu aikai wapüla
Aküjünüsü suluʼu videokot tüü waneirua kasa amülialaajeetka atuma waaʼin nünaajaale wanee wayuu aikai wapüla.
AAPIRIA WAYUU
¿Kasa alataka nümüin wanee wayuu ouktapa nia?
Süküjüin tü Wiwüliakat nachiki mekiisalii wayuu asoʼiraakana aaʼin. ¿Naküjüinche jalajanain naya?
AAPIRIA WAYUU (NAMÜINJATÜ NA WAWALAYUUKANA)
¿Shiimainchejeʼe nüsoʼiraain aaʼin Jesuu?
¿Jamüsü nünüiki Mateo, Marcos, Lucas otta Juan süchiki tü nukuwaʼipakat Jesuu?
WACHIKI
Puchunta puwaraijaanüin aaʼu
Pikirajaa wanee pütchi sümaka tü Bibliakat jee shiale piʼraajüin nakuwaʼipa na aküjaliikana pütchi nüchiki Jehová.
